Свет
Терористите нападнале неколку постројки за нафта и гас во Хомс

Терористите гранатирале рафинерии на нафта и гас во сириски Хомс, изјави сирискиот министер за нафта и минерални суровини, Али Ганем, за новинската агенција САНА.
„Терористичките формации уште еднаш ги нападнаа сириските нафтени и гасни објекти предизвикувајќи материјална штета“, рече тој.
Министерот информира дека нападнати биле фабриката за гас „Ебла“, фабриката за гас во јужниот централен регион, бензинската пумпа „Ал-Рајан“ и рафинеријата „Хомс“.
„Противпожарните бригади и силите на цивилната одбрана успеаја да ги изгаснат пожарите што резултираа од нападот“, рече Ганем.
Министерот не даде податоци за повредени или за жртви.
На 21 декември 2019 година терористите со беспилотни летала нападнаа неколку рафинерии за нафта и гас во сириската провинција Хомс предизвикувајќи материјална штета. Немаше извештаи за жртви. Објектите беа санирани во рок од една недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Лав избега од куќа во Пакистан, нападна жена и деца, сопствениците се уапсени

Драматичен инцидент се случи во источниот пакистански град Лахор кога лав избега од семејна куќа и нападна жена со три мали деца на улица. Според официјалните информации од властите, нападот се случил откако лавот скокнал преку бетонски ѕид и одеднаш се стрчал кон семејството, пишува Би-Би-Си.
Снимката го покажува лавот како брза кон жената додека минувачите бегаат во паника во обид да избегнат опасност. Жената и нејзините деца, на возраст од пет и седум години, претрпеле повреди на рацете и лицето. Тие се во стабилна состојба и се надвор од опасност.
A #pet #lion escaped in Lahore, Pakistan yesterday, attacking a woman and two children on a busy street. Shocking footage shows the big cat leaping over a wall before pouncing on them. The lion was captured and sent to #wildlife park. The owner was arrested. While people can… pic.twitter.com/L8qiWgNag1
— Raza Ahmad Rumi (@Razarumi) July 4, 2025
Полицијата ги уапси сопствениците кои, според извештаите, ги држеле лавовите без дозвола. Тие се обвинети за небрежност и нелегално поседување диво животно во границите на градот. Лавот што го предизвикал инцидентот е фатен и преместен во блискиот парк за диви животни.
„Тие само стоеја таму и гледаа како лавот го напаѓа моето семејство“, рече таткото на повредените деца, додавајќи дека сопствениците не се обиделе да го спречат животното или да им помогнат на жртвите.
Пакистанскиот закон дозволува чување големи мачки како што се лавови, тигри, пуми, гепарди и јагуари, но само ако се регистрирани и се чуваат надвор од урбаните средини. Потребна е и еднократна дозвола, која чини 50.000 пакистански рупии, што е околу 176 американски долари.
По овој напад, властите во пакистанската покраина Пенџаб започнаа со зголемен надзор врз чување диви животни. За само неколку дена беа уапсени пет лица, а вкупно 13 лавови беа запленети.
Во јануари оваа година, пакистанскиот јутјубер Раџаб Бута, кој има повеќе од 5,6 милиони претплатници, доби лавче како свадбен подарок. За нелегално чување на животното, му беше наредено да снима едукативни видеа за благосостојбата и заштитата на животните.
Регион
(Видео) Големо невреме во Загреб, ветерот крши ролени, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и им ги кине ролетните на луѓето. Грми, врне и дува силно низ целиот град.
Портокалова тревога е во сила за регионите Славонија, Истра, Кварнер и Далмација, додека жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.
Свет
Новата истрага потврди дека Епштајн се самоубил, објавено 10-часовно видео од затворот

Министерството за правда на САД ги објави резултатите од внатрешната ревизија за смртта на Џефри Епштајн спроведена од високи функционери назначени од американскиот претседател Доналд Трамп. Според заклучоците од истрагата, не постои таен „список на клиенти“, а Епштајн извршил самоубиство во 2019 година, како што првично утврдил њујоршкиот патолог.
Според нив, најновиот меморандум на Министерството за правда дополнително ја потврдува оваа верзија на настаните. Во документот се наведува дека властите прегледале 10 часа видео снимки од затворската ќелија на Епштајн, и тој материјал, велат американските власти, недвосмислено докажува дека тој не бил убиен, туку се обесил додека чекал судење по обвинение за сексуална трговија со малолетници.
Независен преглед на снимките спроведен од ФБИ потврди дека од времето кога Епштајн бил заклучен во својата ќелија приближно во 22:40 часот, на 9 август 2019 година, до приближно 6:30 часот наутро следниот ден, никој не влегол на ниту еден кат од Специјалната единица за безбедност (SHU), се наведува во меморандумот на ФБИ и Министерството за правда.
„Овој систематски преглед не откри никаква инкриминирачка „листа на клиенти“. Ниту, пак, имаше веродостојни докази дека Епштајн уценувал истакнати поединци како дел од неговите активности.“
Снимката од 10 часа е достапна ТУКА.
„И покрај бројните теории и шпекулации, истрагата не пронајде докази дека Епштајн имал список на влијателни лица што ги уценувал или со кои соработувал во злоупотребата на жени“, се наведува во меморандумот.
Се додава дека „нема докази што ја поддржуваат теоријата дека Епштајн управувал со шема за уценување политичари, познати личности или бизнисмени.“
Во меморандумот, исто така, се наведува дека не се очекуваат нови обвиненија, бидејќи истрагата не откри доволно докази за да се оправдаат постапките против трети лица.
Главната обвинителка на САД, Пам Бонди, која претходно вети дека ќе објави обемни документи за федералните истраги против Епштајн, го објасни доцнењето на објавувањето во неодамнешните интервјуа. ФБИ, вели таа, поседува десетици илјади снимки, од кои многу наводно прикажуваат детска порнографија, што дополнително го комплицира процесот на селекција и објавување.
Дополнителна контроверзност предизвика Илон Маск, кој, по раскинувањето со администрацијата на Трамп, објави на платформата X: „Време е да се фрли вистинската бомба: Доналд Трамп е во документите на Епштајн. Затоа не ги објавија. Имајте убав ден, ДЈТ.“
Маск подоцна ја избриша објавата, но повторно покрена прашања зошто не сакаа да ги објават сите документи за Епштајн.
Трамп претходно ги отфрли тврдењата на Маск во интервју за NBC News: „Тоа се стари приказни. За нив се зборува со години. Дури и адвокатот на Епштајн рече дека немам никаква врска со тоа.“ Тој исто така додаде дека „не бил пријател со Епштајн најмалку 18 години пред неговата смрт“.