Европа
(Видео) Терористот од Брисел е мртов, полицијата трага по уште едно лице

Терористот, кој вчера го изврши нападот во Брисел, е убиен утрово во полициска акција. Според белгиските медиуми, тој бил застрелан и ранет во кафуле, а починал во болница.
#WATCH: The terrorist was shot by Brussels police in a cafe in Schaarbeek close to his last known residence this morning. The weapon he used in the attack was found with him#Brussels #BrusselsAttack #BrusselsTerrorAttack #brusselsUnderAttack #USA #ISIS #Terrorist #ISISterrorist pic.twitter.com/Dw1sO7rVVs
— Nitesh rathore (@niteshr813) October 17, 2023
Државното обвинителство ги објави деталите за акцијата во која беше убиен терористот. Како што велат, тој мирно влегол во кафуле во Шаербек со својот „калашников“, со кој вчера убил двајца Швеѓани. Полицијата по неколку часа успеала да го фати и со еден истрел во градите го неутрализирала.
Dader terreuraanslag Brussel werd geïdentificeerd en is overleden. Onze dank aan de inlichtingen- en veiligheidsdiensten en het parket voor hun snel en kordaat optreden afgelopen nacht en deze ochtend.
— Annelies Verlinden (@AnneliesVl) October 17, 2023
„Има многу силни индиции дека тоа е извршителот на нападот“, се вели во соопштението. Следува анализа на отпечатоци од прстите, кои, дефинитивно, ќе го потврдат идентитетот на убиениот.
Како што соопштија од федералното Обвинителство, во моментот се трага по уште едно лице. Сè уште не е јасно каква е поврзаноста на лицето со нападот.
Синоќа, две лица загинаа, а едно е рането во пукање во Брисел, потврди за печатот портпаролот на белгискиот сојузен обвинител.
Двајцата убиени вчера биле шведски навивачи. Тие ги носеа дресовите на шведската фудбалска репрезентација, која синоќа играше против Белгија во квалификацискиот натпревар за ЕП 2024, но натпреварот беше прекинат на полувремето поради нападот. А третиот ранет е шведски државјанин, а не таксист како што беше објавено претходно. Тој е во тешка состојба во болница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Единаесетгодишно девојче исчезна откако вчера влегло во реката Темза во Лондон

Единаесетгодишното девојче кое исчезна откако вчера влегло во реката Темза во источен Лондон е именувано како Калија Коа, потврди полицијата.
Калија беше надвор и играше и влезе во реката во близина на аеродромот во Лондон Сити.
Итната помош била повикана на местото на настанот во 13 часот и 23 минути. по локално време, а во потрагата по девојчето се вклучени лондонската Брза помош, пожарникари, крајбрежна стража и спасувачка служба.
Метрополитенската полиција води операција за пребарување и спасување долж Темза.
Ден Кард, началникот на локалната полиција за североисточен Лондон, рече: „Нашите службеници специјалисти го поддржуваат семејството на девојчето во овој исклучително тежок момент, а нашите мисли се со сите погодени од овој настан. Посветени сме на наоѓање на Калија и, работејќи со партнерите, спроведуваме детална потрага на широк простор, користејќи беспилотни летала и чамци“.
Тој им се заблагодари на граѓаните, полицајците и другите служби за итни случаи за брзата реакција и големата операција за пребарување.
Една жена која се обидела да помогне, рече дека стигнала до брегот со појас за спасување, но не можела да го најде девојчето.
Кери Бенаџауд (62) изјави за новинската агенција PA дека децата трчале и викале дека нивната другарка е во реката.
„Ми се јави еден сосед. Тој рече дека повикал полиција и тогаш видел дека нејзините раце исчезнуваат под водата. Кога пристигнав со појасот за спасување, повеќе не ја видов“, рекла таа.
Европа
Мелони застана во одбрана на Ле Пен: „Им се одземаат правата на милиони граѓани“

Италијанската премиерка Џорџа Мелони денеска ја критикува одлуката на францускиот суд со која ѝ се забранува на лидерката на екстремната десница, Марин Ле Пен, да се кандидира на претседателските избори во 2027 година.
„Не ги знам деталите за обвиненијата против Марин Ле Пен, ниту причините за ваквата сурова одлука, но мислам дека никој што се грижи за демократијата не може да се радува на пресуда што ќе влијае на лидерот на голема партија и ќе ги лиши правата на милиони граѓани“, рече Мелони во интервју за италијанскиот весник „Ил Месаџеро“.
Мелони, која важи за најмоќниот десничарски лидер во Европа, со оваа изјава застана во одбрана на француската политичарка, која во понеделникот од парискиот суд беше прогласена за виновна за проневера на средства на Европската Унија.
Ле Пен е осудена на четири години затвор, од кои две ќе поминат под електронски мониторинг во домашен притвор, а две години се условни. Покрај тоа, таа е казнета со 100.000 евра и забрана за учество на избори во следните пет години.
Европа
Земјотрес ја погоди Италија

Земјотрес со јачина од 3,8 степени според Рихтеровата скала е регистриран денес, вторник, 1 април 2025 година, во 3.30 часот во Италија.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 6 километри под површината на земјата.
Засега нема извештаи за материјална штета или повредени, а надлежните служби ја следат состојбата.