Американскиот секретар за одбрана Пит Хегсет изјави дека обидите на САД да преговараат за мир меѓу Украина и Русија „секако не се предавство“ на украинските војници.

Хегсет нагласува дека САД дале „неверојатна посветеност“ на НАТО, додавајќи дека ниту една земја нема поголема посветеност на украинската мисија од САД.

Тој додава дека САД инвестирале повеќе од 300 милијарди долари во стабилизирање на линијата на фронтот по руската агресија, велејќи дека светот е среќен што го има претседателот Трамп и дека во овој момент само тој може да ги собере силите за да се донесе мир.

Хегсет вчера изјави дека би било нереално да се мисли дека Украина би можела да ги врати своите граници пред 2014 година, со што ќе се намалат шансите на Киев да се приклучи на НАТО.

Најмалку пет лица загинаа, а седум се повредени во експлозија на гас во трговски центар во централниот тајвански град Таичунг, соопшти противпожарната служба.

Експлозијата се случила на 12 кат од зградата каде што се одвивале градежни работи, соопштија пожарникарите.

Ресторанот во тоа време бил затворен поради градежни работи, се додава.

Тајванскиот претседател Лаи Чинг-те преку објава на Фејсбук повика на брза истрага за причините за експлозијата.

Романија подигна четири борбени авиони во средата вечерта, откако неколку руски беспилотни летала извршија напади на украинска територија во близина на југоисточната романска граница, соопшти романското Министерство за одбрана.

Во соопштението се наведува дека поради нападите со руски беспилотни летала, издадено е предупредување за воздушна опасност во пограничната област.

Забележано е и дека романските радари околу 00:30 часот идентификувале дека руско беспилотно летало накратко преминало во романскиот воздушен простор на околу еден километар во близина на градот Рени, а потоа се упатило кон украинскиот воздушен простор.

Во исто време, е пријавено можно подрачје на удар на романска почва, во близина на романско-украинската граница, без пријавена материјална штета.