Свет
Тилерсон ја потврди важноста на конструктивните врски меѓу САД и Кина

Американскиот давен секретар Рекс Тилерсон во телефонскиот разговор од вторникот со кинескиот висок дипломат ја потврдил важноста од конструктивните односи меѓу САД и Кина, а двајцата се согласиле за потребата од решавање на заканите кои ги претставува Северна Кореја, соопшти Стејт департментот.
Рекс Тилерсон и Јанг Џеичи, кинески државен советник, покрај тоа, разговарале и за економијата и трговијата, како и за соработката во борба против тероризмот, спроведување на законите и борбата против меѓународниот криминал, се наведува во изјавата Стејт департментот.
Разговорот, се чини, е најновиот напор на двете најголеми светски економии повторно да ги урамнотежат односите по нестабилниот почеток кој следеше по изборната победа на американскиот претседател Доналд Трамп.
„Секретарот Тилерсон и државниот советник Јанг ја потврдија важноста на конструктивните билатерални односи. Двете страни се согласија за потребата од решавање на заканата којашто Северна Кореја ја претставува за регионалната стабилност“, се додава.
Разговорот следеше по средбата на кинескиот министер за надворешни работи Ванг Ји и американскиот државен секретар Рекс Тилерсон во петокот, нивната прва средба откако Тилерсон ја презема должноста на почетокот од февруари. На таа средба Ванг истакна дека заедничките интереси на Кина и на САД во многу ги надминуваат нивните разлики.
Трамп го разлути Пекинг со разговорот со претседателката на Тајван и велејќи дека САД не мораат да останат на политиката на „една Кина“, според којашто Вашингтон по признава ставот на Пекинг дека постои само една Кина и дека Тајван е нејзиниот одметнат дел. Американскиот претседател, исто така, ка обвини Кина дека не прави доволно за да го заузди својот сосед Северна Кореја.
Сепак, во телефонскиот разговор кој Трамо го имаше минатата седмица со кинескиот претседател Кси Џинпинг, американскиот лидер се согласи дека ќе ја почитува политиката на „една Кина“, што се смета за важен дипломатски успех за Пекинг.
Во сабота е кинеското министерство за трговија изјави дека ќе го забрани увозот на сиот јаглен од Северна Кореја до крајот на годинава откако Пјонгјанг тестираше балистичка ракета од среден дострел во првиот директен предизвик за меѓународната заедница откако Трамп дојде на должност .
Другите област на несогласување меѓу САД и Кина се трговската нерамнотежа и кинеското полагање на право на територијата на Јужнокинеското Море./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.
Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.
Свет
Трамп повторно би го бомбардирал Иран ако извештаите покажат загрижувачки заклучоци за збогатување на ураниум

Претседателот на САД, Доналд Трамп, денес изјави дека апсолутно ќе го преиспита бомбардирањето на нуклеарните објекти на Иран доколку смета дека е потребно, пишува „Си-ен-ен“
„Секако, без сомнение, апсолутно“, им рече Трамп на новинарите во брифингот во Белата куќа, кога директно беше прашан дали би размислил за бомбардирање на земјата доколку идните разузнавачки извештаи покажат загрижувачки заклучоци за збогатувањето на ураниум на Иран.
Трамп рече дека не верува дека Иран би можел „повторно да влезе во нуклеарната програма во скоро време“ по нападите на САД врз неговите нуклеарни објекти минатата недела.
Администрацијата продолжи да изразува доверба во успехот на тие напади, но не понуди никакви разузнавачки податоци за да го поткрепи тврдењето на Трамп дека нуклеарната програма на Иран е, според неговите зборови, уништена.
„Може ли да ви кажам – тие се исцрпени. И Израел е исто така исцрпен. Разговарав со едната и со другата земја, и двете сакаа тоа да се реши – и двете – и ние направивме одлична работа. Но, тие се исцрпени. Последното нешто за кое размислуваат во моментов е нуклеарното оружје. Знаете за што размислуваат? Тие размислуваат за утре, за тоа како да преживеат“, рече американскиот претседател.