Свет
Тинејџерот што предизвика голем пожар мора да плати глоба од 36 милиони долари
Тинејџерот што предизвика пожар во Орегон кој траеше со месеци мора да плати глоба во висина од 36 милиони долари.
Судијата од округот Худ Ривер, Џон Олсон, пресуди дека момчето мора да напише писма со извинување до сите луѓе што поради пожарот останале отсечени во планините на Орегон. Станува збор за 152 луѓе, според информациите на Би-би-си.
Пожарот во Игл Крик во Орегон траеше речиси три месеци и уништи неколку куќи. Беше предизвикан од страна на 15-годишник што го призна делото во февруари.
Во септември минатата година тој палел огномет во сувиот кањон Игл Крик. Огнометот предизвикал пожар, чие гансење ги чинело властите повеќе од 18 милиони долари. Момчето призна дека е виновно по осум точки од обвинението.
Во пресудата изречена вчера судот пресуди дека тинејџерот мора да плати глоба во висина од 36,6 милиони долари. Покрај тоа, тој е осуден на петгодишна условна казна и мора да одработи 1.920 часа во служба на заедницата.
Сепак, судот призна дека момчето нема финансиски средства за да ја плати оваа драконска казна. Но, според законот на Орегон, исплатата ќе може да ја запре по 10 години кога ќе заврши со општокорисната работа доколку дотогаш не направи друго кривично дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж нападна луѓе со нож пред супермаркет во Лондон, има повредени
Во Лондон денеска имало напад со нож во кој се повредени пет лица. Во моментов на повредените им е укажана итна медицинска помош, како што пренесуваат медиумите напаѓачот е фатен.
Британските медиуми пишуваат дека нападот со нож се случил во близина на супермаркет во Кројдон, пишува „Мирор“. Службите за итни случаи пристигнале на местото на настанот на Марлоу Веј веднаш по 11 часот, каде пронашле четири повредени жртви кои, наводно, биле избодени со нож во „случаен напад“ на паркингот.
Полицијата соопшти дека 54-годишниот напаѓач бил пренесен во болница каде што било оценето дека неговите повреди не се опасни по живот. Како што пренесуваат медиумите, напаѓачот до капијата дошол вооружен со нож, каде бил запрен од обезбедувањето. Но, тој ги нападнал обезбедувачите и повредил тројца работници.
– Тој дојде до капијата и рече дека работи во супермаркет. Чуварот му се спротивставил и го удрил со тупаница и бил прободен. Потоа неколку мажи се обиделе да помогнат, а уште тројца биле избодени со нож – изјавил работникот во супермаркетот.
Свет
По повеќе од четири децении, Италија се враќа на производството на нуклеарна енергија
Италија сака да ги финализира плановите и законите до крајот на 2027 година кои ќе овозможат враќање на производството на нуклеарна енергија по повеќе од четири децении, изјави италијанскиот министер за енергетска безбедност и животна средина, Жилберто Пикето Фратин, во интервју објавено денеска за бизнис магазинот Il Sole 24 Оре.
Италија ги запре нуклеарните реактори врз основа на референдумот одржан во 1987 година по катастрофата во Чернобил една година претходно.
Во 2011 година, граѓаните на оваа земја ја потврдија оваа одлука на уште еден референдум, но актуелната италијанска влада предводена од Џорџа Мелони минатата година најави дека планира да донесе закон за враќање на нуклеарната енергија, која овојпат ќе се произведува од мали модуларни реактори. Се верува дека овие реактори се единствени и поевтини за изградба и инсталирање.
Поради нивната помала големина, можно е да се инсталираат SMR на локации кои не се погодни за поголем реактор. Тие се исто така значително поевтини и побрзи за изградба од конвенционалните реактори и можат постепено да се градат за да се задоволат растечката побарувачка на енергија на локацијата.
„Италија е подготвена да се врати на нуклеарната енергија, која е клучен избор и нема да ги замени обновливите извори на енергија, туку да ги надополни“, рече Пикето. Според него, враќањето на нуклеарната енергија е потег што Италија повеќе не може да го одложи, пишува порталот Оилпрајс.
Минатата година Пикето рече дека Италија преговара со неколку компании, вклучувајќи ја американската Вестингхаус и француската ЕДФ, за соработка во областа на нуклеарната енергија. Обемот на инвестиции во нуклеарната енергија бара соработка со неколку меѓународни играчи“, изјави Пикето на новинарите, пренесува Танјуг.
Свет
Еден загинат, а 15 се повредени во пожар во рудник за јаглен во Полска
Еден рудар загина, а 15 се повредени во пожар во рудник за јаглен на југот на Полска, соопштија денеска здравствените работници.
Несреќата во рудникот Кнуров-Шчигловице се случи во средата кога метан се запали во коридор на 850 метри под површината на земјата.
Девет работници се со тешки изгореници, а уште пет се во болница.
Причината за несреќата е под истрага и се верува дека е присуство на гас метан, кој е вообичаен во рудниците за јаглен.