Свет
Тихановскаја: Оставката на Лукашенко е само прашање на време
Поранешната белоруска кандидатка за претседател, Светлана Тихановскаја, тврди дека оставката на претседателот Александар Лукашенко е само прашање на време, пренесува ТАСС.
Во својата статија објавена во „Вашингтон пост“, Тихановскаја потврди дека сè уште не ги признава официјалните резултати од претседателските избори на 9 август на белоруската Централна изборна комисија.
„Како кандидат на опозициското движење освоив мнозинство гласови на претседателските избори на 9 август. Затоа, опозицијата планира да ги продолжи протестите во Белорусија. Ние инсистираме на мирен протест и одбиваме да навлегуваме во насилство“, тврди Тихановскаја.
Според неа, многу луѓе прашуваат дали тоа ќе биде доволно.
„Верувам дека одговорот е да. Ние како нација ја поминавме точката од која нема враќање. Лукашенко нема иднина како лидер на оваа земја и прашање е само на време додека ја напушти власта“, вели Тихановскаја.
Опозицијата планира да продолжи со масовни демонстрации, да го бојкотира државниот апарат и да изврши притисок врз институциите на државата, како и да побара поддршка од меѓународната заедница.
„Бараме од другите влади да престанат да соработуваат со режимот и да воведат санкции за лица што ги фалсификувале резултатите од изборите и извршиле злосторства против сопствените граѓани. Предупредуваме дека сите договори на други земји склучени со сегашниот нелегален режим во Белорусија се склучени на сопствен ризик и не можеме да гарантираме дека идната законски и слободно избрана влада ќе ги поддржува ваквите договори. Наспроти тоа што го тврди државната пропаганда, времето е на наша страна. Нема сомнеж дали ќе победиме“, тврди Тихановскаја.
Претседателските избори во Белорусија се одржаа на 9 август. Според Централната изборна комисија, актуелниот претседател Александар Лукашенко обезбеди 80,10 отсто од гласовите. Светлана Тихановскаја, која се сметаше за негов клучен ривал, се најде на второто место со 10,12 отсто од гласовите. Таа одби да ги признае резултатите од изборите и побегна во Литванија.
Набргу по објавувањето на резултатите, во земјата избувнаа масовни протести, кои во првите денови прераснаа во судири со полицијата. Властите бараат прекин на нелегалните митинзи, а Координативниот совет формиран од опозицијата повикува на продолжување на протестите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.