Европа
Тихановскаја подготвена за преговори со белоруските власти

Кандидaтката на обединетата опозиција на Белорусија, Светлана Тихановскаја, изрази подготвеност за преговори со власта.
Таа вели дека во Белорусија моментно се одвива мирна и демократска револуција, а не геополитичка револуција.
Во својот говор пред Комисијата за надворешна политика на Европскиот парламент, Тихановскаја ги повика сите земји во светот да ги почитуваат независноста и суверенитетот на Белорусија и изрази подготвеност за преговори со властите во земјата.
„Ја изјавувам нашата подготвеност за преговори со властите. Подготвени сме да номинираме преговарач. Подготвени сме да го разгледаме посредувањето на меѓународните организации заради полесен дијалог“, рече Тихановскаја.
Светлана Тихановскаја се приклучи на дебатата за Белорусија во Комисијата за надворешна политика на Европскиот парламент со видеоврска од егзил во Литванија.
Таа рече дека нејзината земја е во криза по фалсификуваните изборни резултати и дека најмалку шест демонстранти биле убиени, а десетици исчезнале..
Таа наведува дека најголемите протести во историјата на земјата се одржале во неделата во Белорусија, на кои, како што проценува, се собрале 200 илјади луѓе.
„Белорусија се разбуди. Ние веќе не сме опозиција. Сега сме мнозинство. Она што се случува е мирна револуција“, рече Тихановскаја.
Таа исто така оценува дека револуцијата во Белорусија не е геополитичка револуција, како што гледаат некои во светот.
„Тоа не е ниту проруска ниту антируска револуција. Ниту против ЕУ ниту за ЕУ. Тоа е демократска револуција“, рече кандидатката на белоруската опозиција на последните претседателски избори.
Говорејќи пред Европскиот парламент, Светлана Тихановскаја го истакна стремежот на белорускиот народ слободно да ги избере своите лидери и да одлучува за својата судбина.
„Слободни и фер избори се наше едноставно барање и слоган на народот во Белорусија“, потенцира Тихановскаја.
Таа рече дека Белорусите покажале во претходните две недели на мирни протести дека нема да попуштат и нема да се откажат и ги повика сите земји во светот да го почитуваат суверенитетот и интегритетот на Белорусија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Фрлени „молотови коктели“ кај рускиот конзулат во Франција, се огласи Захарова

Рускиот конзулат во Марсеј, Франција, рано утринава бил нападнат со „молотов коктел“, а нема информации за жртви, јавува „Анадолија“.
Инцидентот се случил околу 8 часот по локално време на авенијата Амброаз-Паре, улица на која се наоѓаат многу странски конзулати, објави BFMTV.
‼️ ⚡️Une explosion a tonné à l’intérieur du consulat russe à Marseille — BFM TV
«Il y a environ 30 pompiers et policiers travaillant sur les lieux», rapportent les médias. pic.twitter.com/NgsR7Df3Jw
— Camille Moscow 🇷🇺 🌿 ☦️ (@camille_moscow) February 24, 2025
Два „молотови коктела“ биле фрлени во дворот на конзулатот, но, за среќа, не е забележана штета или повредени, јавуваат медиумите повикувајќи се на полициски извори.
Во тек е истрага за мотивите за нападот.
Портпаролката на руското Министерство за надворешни работи, Марија Захарова, потврди дека имало експлозија кај рускиот конзулат во Марсеј опишувајќи ја како потенцијален терористички напад.
Москва ја повикува Франција темелно да го истражи инцидентот и да ја зголеми безбедноста во руските дипломатски претставништва, рече таа.
Европа
Ватикан: Папата е во критична состојба, но имаше мирна ноќ

Папата Франциско, кој е во критична состојба и се бори со билатерална пневмонија, помина мирна ноќ во болница, спиејќи и одморајќи се, соопшти Ватикан.
88-годишниот папа беше примен во римската болница „Гемели“ на 14 февруари, откако неколку дена имаше проблеми со дишењето, а потоа му беше дијагностицирано воспаление на двете бели дробови.
Ватикан ја опиша неговата состојба како критична втор ден по ред во неделата и рече дека тој ден имал „почетни, благи знаци на откажување на бубрезите“.
Прогнозата за папата, кому во саботата му беше потребна трансфузија на две единици крв, откако доживеа „продолжена респираторна криза слична на астма“, останува неизвесна, покажуваат најновите медицински информации.
„Беше добра ноќ, папата спиеше и се одмара“, се вели во соопштението на Ватикан во една реченица објавено утрово, без дополнителни информации.
Европа
Експлозија кај рускиот конзулат во Марсеј

Експлозија утрово го потресе француски Марсеј во близина на рускиот конзулат. Пожарникарите потврдија дека имало експлозија во 8-миот арондисман.
„Експлозијата се случи во близина на рускиот конзулат во Марсеј околу 8 часот наутро“, соопштија пожарникарите.
На терен се околу 30 пожарникари и бројни полицајци. Засега не е позната причината за експлозијата, ниту пак дали има повредени.