Свет
„Тоа што го рече е глупаво, срамно и опасно“ – Бајден е згрозен од изјавата на Трамп за напад врз членките на НАТО
Џо Бајден ја коментираше улогата на Доналд Трамп меѓу републиканците кои се противат на пакетот за национална безбедност што беше одобрен од американскиот Сенат денеска, па се осврна на изјавата на Трамп во која тој навести дека „САД можеби нема да ги бранат своите сојузници во НАТО кои не трошат доволно за одбрана, против потенцијални руски напади“.
„Влогот за американската безбедност веќе беше голем пред овој предлог-закон да биде изгласан во Сенатот. Тоа е затоа што поранешниот претседател даде опасен и шокантно, искрено, неамерикански сигнал до светот. Пред само неколку дена Трамп го повика Путин да нападне некои од нашите сојузници, сојузниците во НАТО. Тој рече дека ако сојузникот не потрошил доволно пари за одбрана, ќе ја охрабри Русија да цитирам: „Прави што сакаат“. Можете ли да замислите поранешен претседател на САД да го каже тоа? Целиот свет го слушна тоа. Најлошото е што го мисли тоа. Ниту еден друг претседател во нашата историја никогаш не му се поклонил на руски диктатор. Дозволете ми да го кажам ова најјасно што можам: тоа е глупаво, срамно, опасно. Тоа е неамериканско. Кога Америка ќе даде збор, тоа значи нешто, ние си го држиме зборот. А НАТО е света обврска“, рече Бајден.
Тој додаде дека Доналд Трамп го гледа НАТО како товар, велејќи дека кога Трамп гледа на НАТО, „тој не гледа сојуз кој ги штити Америка и светот“.
„Тој не разбира дека НАТО е изграден врз основните принципи на слободата, безбедноста и националниот суверенитет. Затоа што за Трамп принципите никогаш не се важни. Сè е трансакциско. Тој не разбира дека посветеноста што ја направивме работи за нас. Всушност, би го потсетил Трамп на членот пет кој обезбедува взаемна одбрана доколку една членка на Алијансата биде нападната и на кој се повикавме само еднаш. Само еднаш во историјата на НАТО. И тоа беше направено за да се застане со Америка откако бевме нападнати на 11 септември. Тоа никогаш не треба да го заборавиме“, заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.