Европа
(Видео) Торнадо носеше покриви од куќи, уриваше ѕидови: илјадници луѓе без струја, откажани летови по разорното невреме во Англија

Околу 100 домови беа оштетени откако торнадо помина низ делови од Англија, додека бурата Герит ја погоди Велика Британија.
Невремето предизвика поплави и го попречи патувањето во други области на ОК, а најтешко е погодена Шкотска, каде илјадници домови останаа без струја.
Last night a supercell thunderstorm crossed Greater Manchester causing damage.
We know from our Dopplar radar that it had a strong rotating updraft. Whilst we don't yet have surface data to confirm, the presence of these features suggests a tornado at the surface was likely 🌪️ pic.twitter.com/XEG1TkKbjN— Met Office (@metoffice) December 28, 2023
По торнадото, полицијата прогласи голем инцидент во средата „поради сериозноста на предизвиканата штета и потенцијалниот ризик за јавната безбедност“.
Торнадото откорна покриви од куќи, собори дрвја и предизвика уривање на ѕидови, јавува Би-би-си.
#tornado looks like Manchester has been hit by a tornado! pic.twitter.com/Ul0P5n0d2b
— D𝕏_ (@vocnorth) December 28, 2023
Засега нема извештаи за повредени, но многу луѓе биле принудени да ги напуштат своите домови, додава Гардијан. Невремето со себе донесе обилни снежни врнежи во делови на Шкотска кои, заедно со силните ветрови и дождови, предизвикаа оштетувања на електричните мрежи бидејќи паднатите дрвја, гранки и остатоци ги урнаа далноводите.
HUDDERSFIELD ROAD, STALYBRIDGE
The road close to St Paul’s primary school and church is currently blocked. A wall has collapsed and fire officers are concerned about a large tree close to a property.
Officers from Tameside Council are here to make the tree safe. pic.twitter.com/Xh9lXF1aZl
— Tameside Correspondent (@TamesideCorr) December 28, 2023
Голем број железнички оператори во Шкотска привремено ги прекинаа или откажаа своите услуги поради невремето. Лондонскиот аеродром Хитроу во средата откажа 18 летови поради ограничувањата на контролата на летање.
Над 31.500 имоти во Шкотска е вратена струја, додека 14.000 домови сè уште се без струја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија очекува да се договори за датум за третата рунда мировни преговори со Украина

Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона

Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари

Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.