Свет
Трамп: Ако ме убијат, се надевам дека Америка ќе го избрише Иран од лицето на Земјата

За време на својот говор во американскиот Конгрес, израелскиот премиер Бенјамин Нетанјаху го спомна наводниот ирански заговор за убиство на поранешниот американски претседател Доналд Трамп. На Трамп не му требаше многу време да се огласи на својата социјална мрежа Truth.
„Ако го убијат претседателот Трамп, што е секогаш можност, се надевам дека Америка ќе го избрише Иран од лицето на Земјата. Ако тоа не се случи, американските лидери ќе се сметаат за кукавици“, напиша Трамп споделувајќи дел од говорот на Нетанјаху.
Американските медиуми минатата недела објавија дека американската тајна служба го зајакнала обезбедувањето на Трамп пред неколку недели откако властите дознале за наводен ирански заговор за негово убиство. Сепак, наводниот ирански заговор не беше поврзан со неодамнешниот обид за атентат кога 20-годишен Американец пукаше во Трамп за време на предизборен митинг.
Си-ен-ен напиша дека американските власти добиле разузнавачки информации за планот на Техеран против поранешниот претседател поради што е зајакната заштитата на Трамп. За заговорот објавија и други американски медиуми, пренесува „Франс 24“.
Односите меѓу Вашингтон и Иран долго време беа затегнати и достигнаа точка на прекин бидејќи Техеран се обиде да се одмазди во 2020 година за убиството на командантот на Револуционерната гарда, Касем Сулејмани, наредено од Трамп додека тој беше во Белата куќа.
Советот за национална безбедност на САД објави дека „со години ги следи иранските закани против поранешните функционери на администрацијата на Трамп“. Објавата на Трамп потсети на контроверзната епизода во 2019 година кога како претседател се закани дека ќе го збрише Иран доколку земјата нападне нешто американско.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелска армија: Подготвени сме да ја започнеме офанзивата врз Газа

Израелската армија спроведува подготвителни операции во предградијата на градот Газа, објави денес портпаролот на Израелските одбранбени сили (ИДФ) Авичај Адрае, сигнализирајќи дека Израел е подготвен да започне офанзива насочена кон освојување на тој град на север од палестинската енклава.
„ИДФ работи многу интензивно во предградијата на Газа“, рече Адрае. Израел планира целосно да го окупира градот, иако претходно објави дека ќе премести речиси милион луѓе од него на југ од Појасот Газа.
„Ќе ги интензивираме нападите“, додаде портпаролот, нагласувајќи дека целта на операцијата е да се ослободат сите заложници и да се елиминира палестинската милитантна група Хамас.
Жителите потврдија за агенцијата ДПА дека армијата денес ги интензивирала нападите врз Газа. Најмалку 48 лица беа убиени, вклучувајќи 20 во северна Газа, соопштија медицински извори.
Фото: ЕПА
Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.