Свет
„Трамп бараше авион од Катар, не му беше понуден како подарок“, велат извори на Си-ен-ен
Администрацијата на Доналд Трамп беше првата што стапи во контакт со Катар за да ја истражи можноста за набавка на „боинг 747“, што би можел да послужи како привремена замена за претседателскиот авион „ер форс уан“, изјавија за Си-ен-ен четири извори запознаени со разговорите. Таа верзија на настаните е во спротивност со тврдењата на претседателот дека самиот Катар го понудил авионот како подарок.
Откога Трамп ја презеде функцијата во јануари, Пентагон стапи во контакт со „Боинг“, но компанијата соопшти дека нема да може да испорача нови авиони што ќе ги заменат претседателските уште најмалку две години, велат извори.
Сепак, администрацијата на Трамп сакаше замена на авионот што е можно побргу, па затоа воздухопловните сили почнаа да разгледуваат други опции. Трамп му наложил на својот специјален пратеник за Блискиот Исток, Стив Виткоф, да состави список на достапни авиони, изјави за Си-ен-ен висок функционер на Белата куќа.
По првичниот контакт на Пентагон со „Боинг“, компанијата им достави на американските одбранбени претставници список на своите други клиенти од целиот свет, кои поседуваат авиони што би можеле да послужат како привремена опција, според три извори.
„Катар беше еден од тие клиенти“, рече друг извор запознаен со разговорите додавајќи дека Пентагон понудил да го купи авионот, а Катар сигнализирал дека е подготвен да го продаде.
Трет извор изјави дека Пентагон почнал разговори со Катар откога Белата куќа дала зелено светло. Според претставници на Белата куќа, Виткоф помогнал во воспоставувањето на првите контакти. Овој извор потсетува дека првично се зборувало за наем на авионот, а не за негово купување.
Сепак, Трамп постојано тврдеше дека тоа е гест или придонес од катарското кралско семејство. На својата социјална мрежа Truth Social тој напиша дека тоа е подарок без надокнада. Тој тврди дека авионот ќе се користи како привремена замена за „ер форс уан“, а подоцна ќе биде дониран во неговата претседателска библиотека.
Овие детали за иницијативата на американската администрација фрлаат нова светлина врз набавката на авиони, што предизвика политичка бура и речиси ја засени посетата на Трамп на Блискиот Исток минатата недела.
Демократите и некои влијателни републиканци, инаку сојузници на Трамп, се спротивставија на можниот договор од етички причини. Катар исто така се соочи со критики, а демократските пратеници се заканија дека ќе ја блокираат продажбата на оружје на таа земја.
„Боинг многу доцни со авионот“, рече Трамп во интервју за „Фокс њуз“ минатата недела. „Катар го слушна тоа, и му кажав на емирот – тој е голем човек – разговаравме и тој рече: Ако можам да помогнам, само кажете го тоа. И тие имаа авион“.
Во февруари Трамп и неколку соработници го разгледуваа катарскиот авион додека беше паркиран на аеродромот во Палм Бич, Флорида, недалеку од неговото одморалиште Мар-а-Лаго. Си-ен-ен објави дека по обиколката, Трамп им кажал на луѓето околу него колку луксузен бил авионот. Неговиот шеф за комуникации, Стивен Чунг, во тоа време изјави дека Трамп бил во авионот за да ги провери новата опрема и технологијата.
Пентагон одби да коментира и ги упати новинарите во Белата куќа. Си-ен-ен побара коментар и од Белата куќа, катарската амбасада во Вашингтон и од „Боинг“. Вашингтон и Доха нагласуваат дека, доколку се случи трансферот на авионите, тоа ќе се изврши легално, преку договор меѓу катарското Министерство за одбрана и американскиот Пентагон, што Белата куќа го повтори вчера.
Четири извори запознаени со преговорите велат дека договорот сè уште се преговара меѓу адвокатите од двете страни. „Од моментот кога Американците првпат стапија во контакт со Катар до денес, сè уште сè е во рацете на правните тимови“, рече друг извор. „И сè уште не е донесена конечна одлука“.
Според медиумските извештаи, вредноста на авионот е речиси 400 милиони долари, но два извора тврдат дека неговата вредност се намалила.
Вчера, портпаролката на Белата куќа, Каролин Ливит, го опиша можниот трансфер како „донација за земјата“ велејќи дека катарското кралско семејство „понудило да го донира авионот на воздухопловните сили на САД и дека таа донација ќе биде прифатена во согласност со сите законски и етички стандарди“.
За време на посетата на Блискиот Исток, Трамп рече: „Никогаш не би одбил таква понуда. Мислам, би требало да бидам идиот за да кажам: Не, не сакаме бесплатен многу скап авион. Тоа беше одличен гест за мене“.
Катарскиот премиер Мохамед бин Абдулрахман бин Јасим ал-Тани минатата среда не го потврди тврдењето на Трамп дека катарски функционер му се обратил велејќи за Си-ен-ен: „Ова нема никаква врска со поединци, ниту од американска ниту од катарска страна“.
„Тоа е едноставен договор меѓу двете влади, а Министерството за одбрана и Пентагон сè уште ја разгледуваат можноста нашиот „747-8“ да се користи како „ер форс уан“ и сè уште сè е под правна анализа“.
„Доколку на САД им треба нешто и ако тоа е целосно легално, а ние можеме да го обезбедиме, ние сме подготвени да им помогнеме и да ги поддржиме САД“, додаде Ал-Тани истакнувајќи дека понудата ќе биде повлечена доколку трансакцијата биде прогласена за нелегална.
Покрај правните и етичките прашања, претворањето половен авион на друга земја, дури и сојузничка, во претседателски авион бара огромна техничка интервенција. Според поранешните и сегашните функционери, овој процес би можел да трае-две години и многупати да ја надмине вредноста на самиот авион.
Американските разузнавачки и безбедносни агенции задолжени за модификациите ќе мора речиси целосно да го расклопат авионот и повторно да го склопат со потребната опрема.
„Не гледам како ова би можело да се направи во прифатлив временски рок и без големи безбедносни ризици, ако е воопшто изводливо“, изјави претходно за Си-ен-ен поранешен висок функционер на американската контраразузнавачка служба. Двата авиона „боинг 747-800“, кои се наменети како трајна замена за „ер форс уан“, треба да бидат испорачани во 2027 година.
„Не можам да гарантирам дека ќе биде 2027 година, но целта е таа година ако можеме да се договориме за промени во спецификациите“, изјави вршителката на должноста шеф на одделот за набавки на воздухопловните сили, Дарлин Костело, пред Конгресот претходно овој месец. Тоа е пет години подоцна од планираното, но исто така и две години порано од неодамна предвиденото од „Боинг“.
„Не сум среќен што трае толку долго“, им рече Трамп на новинарите во февруари во „ер форс уан“. „Нема изговор за тоа. Би можел да купам половен и да го реновирам. Затоа разгледуваме други опции“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Последната авионска несреќа во Индија пред денешната, била во 2010 година
Повеќе од 200 луѓе загинаа кога авион на „Ер Индија“ со 242 лица се урна неколку минути по полетувањето од западниот град Ахмедабад кон Лондон, соопштија властите. Ова е најлошата воздушна катастрофа во светот во последната деценија.
Авионот се урна во станбена зона и удрил во студентски дом на медицински колеџ надвор од аеродромот, за време на паузата за ручек. Летал кон аеродромот Гетвик, јужно од британската престолнина.
Шефот на градската полиција, Г.С. Малик, за Ројтерс изјави дека досега од местото на несреќата се извлечени 204 тела. Малик додаде дека меѓу извлечените тела може да има патници и луѓе кои загинале на земја.
„Се чини дека нема преживеани“ меѓу 242 патници на несреќниот лет, изјави Малик за АФП. Во меѓувреме, индиската новинска агенција АНИ објави дека има двајца преживеани од летот, повикувајќи се на полицијата и службите за итни случаи.
Во авионот имало 169 индиски државјани, 53 британски државјани, седум португалски државјани и еден канадски државјанин. Меѓу патниците имало 217 возрасни, 11 деца и две бебиња, соопшти Ер Индија.
Од роднините е побарано да дадат примероци од ДНК за да се помогне во идентификацијата на загинатите, изјави државниот секретар за здравство Дананџај Двиведи.
Најсмртоносни воздушни несреќи
Последната голема воздушна катастрофа во Индија се случи во 2010 година. Авион на Ер Индија од Дубаи се урна при слетување во Бангалор на југот од земјата, при што загинаа 158 лица. Осум лица успеаја да се извлечат од остатоците на авионот.
Во 1996 година, летот 763 на Сауди Арабија ерлајнс се судри во воздух во близина на Њу Делхи со летот 1907 на Казахстан ерлајнс. Загинаа 349 лица во двата авиона, што ја прави најсмртоносна воздушна катастрофа во историјата.
Од 2000 година, имало шест воздушни несреќи низ целиот свет, секоја со повеќе од 200 жртви.
Најновата беше во април 2018 година, кога алжирски воен авион се урна кратко по полетувањето од база во јужен Алжир, при што загинаа 257 лица, претежно војници и нивните семејства.
Несреќата во Индија се случи на врвот на бумот на воздушниот сообраќај во земјата. Континуираниот раст на индиската економија и нејзината растечка средна класа ја трансформираа земјата со повеќе од 1,4 милијарди луѓе во трет најголем домашен пазар за воздушен сообраќај во светот, по САД и Кина.
Европа
Зеленски: Трамп го препознава вистинското лице на Путин, тој гледа дека не е искрен
Украинскиот претседател Володимир Зеленски во интервју за германскиот „Билд“ изјави дека рускиот претседател Владимир Путин ги користи преговорите со Украина за да избегне построги санкции. Зеленски верува дека Русија го лаже американскиот претседател Доналд Трамп, обидувајќи се да го убеди дека постои дипломатски мост меѓу Москва и Киев, со што се обидува да спречи воведување нови санкции.
Според Зеленски, Путин ги користи преговорите како изговор. „Тој секогаш може да каже дека разговараме и дека ако се воведат санкции, нема да има повеќе преговори“.
Зеленски е убеден дека Путин не сака мир, туку се обидува да ја изолира Украина инсистирајќи на дијалог без учество на Европејците и Американците. Тој верува дека долгорочна војна без поддршка од западните партнери би била идеално сценарио за Путин, бидејќи Русија не може да издржи долга војна под притисок на партнерите и санкциите.
Зеленски верува дека Трамп го препознава вистинското лице на Путин и гледа дека руската страна не е искрена за војната. Тој додава дека ќе ги прифати критиките на Трамп ако тоа може да го забрза крајот на војната, нагласувајќи дека Путин разбира само сила, а САД ја имаат таа сила. Затоа, тој верува дека Трамп мора да воведе санкции за да го принуди Путин да води сериозни разговори за завршување на војната, бидејќи нема друг начин.
Зеленски нагласува дека санкциите биле воведени премногу бавно, што му овозможило на Путин да се адаптира. Сега, кога руската економија страда, Путин се обидува да купи повеќе време пред нови, построги санкции бидејќи може да издржи уште малку време. Токму затоа, верува Зеленски, треба веднаш да се воведат строги санкции.
На крајот, Зеленски вели дека колку повеќе меѓународна поддршка има, толку помалку Украинци ќе умираат. „Луѓето не се дрва што ги фрламе во огнот. Ние не се однесуваме кон нашите луѓе на начин на кој се однесуваат Русите“, заклучува Зеленски.
Свет
(Видео) Голем број студенти по медицина загинаа во авионската несреќа во Индија
Повеќе од 100 тела се однесени во болница во индискиот град Ахмедабад откако авион на „Ер Индија“ што леташе за Лондон со 242 патници се урна неколку минути по полетувањето од западниот индиски град, соопштија властите, очекувајќи бројот на жртви да се зголеми.
Авионот бил на пат кон британскиот аеродром Гетвик, јужно од Лондон. Полицијата соопшти дека Боингот 787-8 Дримлајнер, еден од најмодерните патнички авиони во светот, се урнал во станбена зона во близина на аеродромот.
„Зградата во која се урна е хотел за лекари, исчистивме 70 до 80 проценти од областа и наскоро ќе исчистиме сè“, изјави висок полициски службеник.
BREAKING: There appear to be no survivors from the Air India plane that crashed on its way to London Gatwick, a city police commissioner has told the Associated Press and Reuters.
Latest updates: https://t.co/HnNnBdZ70k
📺 Sky 501, Virgin 602, Freeview 233 and YouTube pic.twitter.com/wZfaI6a21h
— Sky News (@SkyNews) June 12, 2025
Според извештајот на индискиот телевизиски канал CNN News-18 TV, авионот се урнал на покривот на Медицинскиот колеџ и цивилната болница во Ахмедабад, при што загинале голем број студенти по медицина.
Спасувачите потврдија дека повеќе од 100 тела се извлечени од урнатините на местото на несреќата и дека голем број луѓе се заробени во урнатините.
Во авионот имало 169 индиски државјани, 53 британски државјани, седум португалски државјани и еден канадски државјанин. Меѓу патниците имало 217 возрасни, 11 деца и две бебиња, соопшти Ер Индија.
„Повредените се транспортираат во најблиските болници“, напиша компанијата на Икс.
Air India confirms that flight AI171, from Ahmedabad to London Gatwick, was involved in an accident today after take-off.
The flight, which departed from Ahmedabad at 1338 hrs, was carrying 242 passengers and crew members on board the Boeing 787-8 aircraft. Of these, 169 are…
— Air India (@airindia) June 12, 2025
„Трагедијата во Ахмедабад нè шокираше и нè растажи. Зборовите не можат да опишат колку ни се скршени срцата“, напиша премиерот Нарендра Моди на Твитер.
Велика Британија соработува со индиските власти за итно утврдување на фактите за падот на авионот на Ер Индија и обезбедување поддршка на вклучените лица, соопшти британското Министерство за надворешни работи во соопштение на својата веб-страница.
Премиерот Кир Стармер рече дека снимките од местото на падот се „страшни“.
Air India confirms that flight AI171, from Ahmedabad to London Gatwick, was involved in an accident today after take-off.
The flight, which departed from Ahmedabad at 1338 hrs, was carrying 242 passengers and crew members on board the Boeing 787-8 aircraft. Of these, 169 are…
— Air India (@airindia) June 12, 2025
Ова е првата несреќа на Дримлајнер откако авионот влезе во комерцијална употреба во 2011 година. Авионот што се урна денес првпат полета во 2013 година и беше испорачан на Ер Индија во јануари 2014 година.
Нема преживеани во авионската несреќа на „Ер Индија“ што се случи денес во близина на аеродромот Ахмедабад, изјави началникот на градската полиција за „Асошиејтед прес“.
„Се чини дека нема преживеани“, рече тој.
Трагичната вест доаѓа откако претходно во болница беа донесени повеќе од 100 тела, а официјалниот број на жртви сè уште не е потврден.
Голем пожар кај Вардариште, жителите на делови од Ародром, Ново Лисиче и Гази Баба без струја
Пожар кај Вардариште остави беа струја делови од неколку скопски општини. Жителите преку социјалните мрежи со остри реакции и повици...
(Фото) „Боингот“ се урна врз мотел за доктори, делови од авионот останаа во зградата
Патничкиот авион Боинг 787-8 Дримлајнер, управуван од „Ер Индија“, кој полета од Ахмедабад до Лондон утрово, се урна неколку минути...
(Видео) Луѓето трчаат да ги спасат преживеаните: детали по падот на авионот во Индија
Авион на Ер Индија со 232 патници и 10 членови на екипажот се урна во Ахмедабад, Гуџарат, како што потврди...
Игуменот Георгиј избран за нов митрополит на Дебарско – кичевската епархија
Игуменот Георгиј (Ѓорѓевски) е избран за нов духовен водач на Дебарско-кичевската епархија Тој е назначен на местото на упокоениот митрополит...
Бројот на гости и ноќевања расте со историски 20% во однос на лани, целта ни е да стигнеме до четири милиони ноќевања, вели Мицкоски
Премиерот Христијан Мицкоски утрово при посетата на Машинскиот факултет историски успех го нарече зголемениот број регистрирани ноќевања и туристи во...
Картел во фармацевтскиот бизнис – две веледрогерии го оштетиле буџетот за 1,1 милион евра
Вишиот управен суд со пресуда го потврди решението на Комисијата за заштита на конкуренцијата со кое утврди дека две големи...
Трајко Славески со платa од 3.000 евра им порачува на граѓаните да работат по три работи, тоа е лицемерие на човек кој цел живот е во фотелји, велат од СДСМ
Новиот гувернер на Народната банка, Трајко Славески, според СДСМ, уште на почетокот го покажал својот вистински лик, надмен, без допир...
Филипче со денови молчи за бугарската фирма, Обвинителството да поведе постапка, бара ВМРО-ДПМНЕ
Филипче со денови молчи за бугарската фирма Пауер Ај 8, која е во негова 100% сопственост, а ја основал на...
Германскиот министер за одбрана: Правиме сè што можеме за да ѝ помогнеме на Украина да се одбрани
Германскиот министер за одбрана, Борис Писториус, пристигна во Киев за да разговара за воената поддршка за Украина во нејзината војна...
За три дена, 109 повредени од Кочани доставиле барања и предлози на телефонската линија на Владата
109 граѓани за три дена од пуштање на телефонската линија за повредените лица и нивните семејства, која е во директна...
Вучиќ е единствениот кој не ја потпиша декларацијата за поддршка на Украина
Претседателот на Србија, Александар Вучиќ, ги опиша денешните состаноци во Одеса на самитот „Украина-Југоисточна Европа“ како многу успешни, но тој...
Меџити во Украина: Силно ја осудуваме руската агресија и бараме итно запирање на војната
Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот...
Битолчанка сакала да ги убие своите баба и дедо, ги избодела со нож
Полицијата приведе жена од Битола која со нож ги избодела своите баба и дедо. „По овластување на јавен обвинител од...
Паушалите во сметките за струја ќе станат минато, Министерството за енергетика почна серија брифинзи за новиот закон
До 2031 година 80 отсто од граѓаните треба да имаат смарт броила, а првите веќе се очекува да бидат инсталирани...
Македонската дипломатија нема да биде ничија партиска сопственост, одговори МНР по прозивките од СДСМ
Македонската дипломатија не е, и нема да биде ничија партиска сопственост. По години на политичка злоупотреба, ја враќаме дипломатијата на...
Побаран доживотен затвор за убијците на Вања и Панче: Двете дела се убиства на свиреп начин за кои е предвидена најтешка казна
Обвинителките Ана Стојковиќ-Димитровска и Жаклина Крстевска во завршните зборови на денешното судење за убиствата на 14-годишната Вања Ѓорчевска и 74-годишниот...
(Видео) Обвинителството да отвори постапка за криминалниот круг Филипче – Заев – Зобек мининг, бара Петрушевски
Фрапирани сме од молкот во СДС и кај Венко Филипче, за неговата фирма во Бугарија, џипот купен од фирма која...
(Видео) Костова: Тотален дебакл на Мицкоски во економијата, инфлацијата го изеде семејниот буџет
Се случува тотален дебакл на економски план, економската политика на владата на Мицкоски и ВМРО-ДПМНЕ е целосно промашена. Последните податоци...
За прв пат после шест години, учениците во основните училишта ќе имаат учебници по сите странски јазици, вели Јаневска
„Наместо училиштата да им делат парталави и неупотребливи учебници на учениците, треба да ги пријават во електронскиот систем на Министерството...
Арсовска: Аценце, те чекам на ТВ дуел
Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел. „Во меѓувреме...
