Свет
Трамп бара ретки метали од Украина во замена за помош; Шолц: Тоа е многу себично

Германскиот канцелар Олаф Шолц остро реагира на идејата на американскиот претседател Доналд Трамп да бара од Украина да ги снабдува Соединетите Американски Држави со ретки метали како услов за финансиска помош за земјата разурната од војна.
Шолц доцна синоќа го изрази своето несогласување со идејата по неформалниот состанок на министрите за одбрана на ЕУ во Брисел.
Германскиот канцелар смета дека украинските ресурси треба да останат во нападнатата земја за да се финансира нејзината реконструкција по војната. „Треба да ги искористиме ресурсите на земјата за сѐ што ќе биде потребно по војната“, изјави Шолц.
Тој додаде дека користењето на овие средства сега за потребите на поддршка на одбраната би било многу себично и фокусирано само на сопствените интереси. Шолц нагласува дека на Украина во иднина нема да ѝ треба само силна армија, туку и огромни финансиски средства за обнова на земјата.
„Ова се големи задачи, со оглед на огромното уништување што се случува во Украина. Затоа мислам дека би било подобро да се искористат украинските ресурси за подобра иднина“, заклучи Шолц.
Трамп претходно вчера во Овалната соба на Белата куќа рече дека сака „да склучи договор со Украина според кој тие со своите ретки метали и други работи ќе го обезбедат она што им го даваме“. Тој се пожали дека Европа не обезбедила исто ниво на помош за Украина како САД.
Тој нагласи дека украинската влада сигнализирала отвореност кон идејата за размена на своите резерви на литиум, титаниум и други ретки метали за континуирана американска помош. „Украина ја изрази својата подготвеност да соработува во снабдувањето со основни материјали. Многу сектори се потпираат на нив“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Мерц: Русија ја загрозува безбедноста на цела Европа

Русија ја загрозува безбедноста на цела Европа, изјави германскиот канцелар Фридрих Мерц за време на неговата посета на Литванија.
Мерс во Литванија присуствува на основањето на првата постојана германска воена единица во странство по Втората светска војна.
„Русија е закана за сите нас“, рече тој на прес-конференција во литванскиот главен град Вилнус.
„Се заштитуваме од таа закана – и затоа сме тука денес.“
Мерц нагласи дека НАТО е подготвен да ја брани својата територија „од каква било агресија“.
„Заедно со нашите партнери, решени сме да ја заштитиме територијата на Северноатлантската унија од каква било агресија. Безбедноста на нашите балтички сојузници е и наша безбедност“, изјави тој за новинарите.
Мерц изјави денес дека напорите за постигнување прекин на огнот во Украина се уште се во рана фаза и би можеле да траат со месеци.
„Немаме илузии. Нема брзо решение. Ова е процес што штотуку започна и може да потрае уште многу недели, можеби дури и месеци“.
Тој рече дека Европската Унија не пропушта можности за постигнување дипломатско решение, но дека тоа не е можно во краток временски период, пренесува Политико.
Тој исто така, укажа на важноста на западното единство, велејќи дека координацијата со партнерите од ЕУ и контактирањето со американските пратеници ќе останат клучен дел од стратегијата на Германија, пренесуваат медиумите во регионот.
– Исто така, во интерес на Америка е да продолжиме да се движиме напред заедно – рече тој, додавајќи дека неговите разговори со членовите на американскиот Конгрес покажале поддршка за продолжување на трансатлантската алијанса.
Свет
(Видео) Авион се урна врз куќи: цела населба е евакуирана во Сан Диего

Мал приватен авион се урна во станбена област во Сан Диего, предизвикувајќи пожар во околу 15 куќи, по што службите за итни случаи веднаш започнаа со евакуација на целата населба.
„Имаме керозин насекаде. Нашата главна задача е да ги пребараме сите куќи и да ги евакуираме луѓето што е можно поскоро“, изјави заменик-началникот на противпожарната служба Ден Еди.
A small plane crashed into a #SanDiego neighborhood, setting about 15 homes on fire & leading to evacuations along several blocks. The Federal Aviation Administration confirmed that the aircraft involved was a Cessna 550 en route to Montgomery-Gibbs Executive Airport. pic.twitter.com/RZl906vJSQ
— Abhijit Pathak (@aajtakabhijit) May 22, 2025
Според него, неколку домови биле директно погодени од падот на авионот.
Во времето на несреќата, областа била под густа магла, што можело да го отежни летот.
Свет
Путин: Руските сили го решаваат прашањето за создавање на безбедносна тампон зона на границата со Украина

Руските вооружени сили во моментов го решаваат прашањето за создавање безбедносна тампон зона по должината на границата со Украина, изјави денес рускиот претседател Владимир Путин.
„Веќе реков дека е донесена одлука за создавање неопходна безбедносна тампон зона по должината на границата. Нашите вооружени сили моментално го решаваат овој проблем“, рече Путин за време на состанокот со членовите на руската влада.
Путин истакна дека руските сили „активно ги потиснуваат непријателските позиции на огнено оружје“, како и дека Украина избира цели кои „немаат воено значење, вклучувајќи цивилни објекти, куќи и луѓе“, пренесува РИА Новости.
Рускиот лидер истакна дека главната задача за обезбедување на безбедноста е деминирање на пограничните области каде што имало борби, додавајќи дека е потребна поголема помош за жителите на тие региони, пренесува Танјуг.