Свет
Трамп: Бајден e против Бог и сака да ви го одземе правото на оружје

Претседателот на САД, Доналд Трамп, тврди дека неговиот противник на претседателските избори во САД во ноември, Џо Бајден, е против Бог, иако Бајден често зборува дека неговата католичка вера го води во извршувањето јавна функција.
Заостанувајќи зад Бајден во анкетите на јавното мислење во Охајо, Трамп вчера ја посети традиционално неодлучната федерална држава во обид да ги освои нејзините гласачи бидејќи епидемијата на коронавирусот ги уништува неговите шанси да освои втор мандат.
Републиканскиот и демократскиот кандидат за претседател на САД во кампањите вложуваат многу напор во т.н. неодлучни држави, во кои гласачите се колебаат помеѓу двете партии.
По обраќањето на мала група на аеродромот во Кливленд, Трамп одржа говор во стил на предизборна кампања во фабриката „Вирлпул“ во Клајд, Охајо.
„Тој следи радикално лева политика: одземање на вашето оружје, уништување на вториот уставен амандман, нема вера, нема ништо, повреди ја Библијата, повреди го Бог“, напиша Трамп за Бајден во својот говор во Кливленд. „Тој е против Бог“, заклучи тој.
Вториот уставен амандман им гарантира на Американците право да носат оружје.
Трамп не објасни што точно мислел со своите тврдења, ниту ги поткрепил со докази. Сепак, неговите обвинувања може да ја засилат поддршката за христијанскиот блок во Републиканската партија и да му наштетат на Бајден, првиот католички потпретседател во американската историја. Џон Кенеди беше првиот католички претседател и беше избран во 1960 година.
Во изјавата објавена вчера по говорот на Трамп, Бајден одговори дека нападот на Трамп е срамен и дека верата отсекогаш била основа на животот на Бајден.
„Зборовите на претседателот Трамп откриваат повеќе за него отколку за некој друг. Тие откриваат човек кој е подготвен да оди колку што е можно пониско за политичка корист и некој чии дејства се во строга спротивност со вредностите и учењата за кои тој тврди дека верува“, рече Бајден.
Според истражувачкиот центар „Пју“, повеќе од три четвртини од Американците се христијани или припадници на други вери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Свет
Русија до Западот: Тврдоглаво игнорирате додека режимот во Киев се обидува да ја спаси кожата на Зеленски

„Тврдоглаво се обидувате да игнорирате како темелно корумпираниот режим во Киев се обидува да ја спаси кожата на украинскиот претседател Володимир Зеленски, доведувајќи ја во прашање иднината на својата земја. За тоа детално ќе разговараме на посебниот состанок што го побаравме за 31 јули, каде што предлагаме фокусирање на акциите што ја поткопуваат потрагата по дипломатски пат за решавање на украинскиот конфликт – вклучително и обидите да се попречи директниот руски-украински преговарачки процес во Истанбул“, изјави заменикот на рускиот амбасадор во ОН, Дмитриј Пољански, на седницата на Советот за безбедност, обраќајќи им се на претставниците на западните земји, пренесува ТАСС.
Според него, Русија подолго време и доследно предлага решавање на украинската криза по дипломатски пат.
„Но вас тоа не ве задоволува – сè додека сте подготвени да продолжите да се борите против Русија преку рацете на Украинците. А фактот што ги има сè помалку – воопшто не ве вознемирува“, предупреди рускиот дипломат.
Русија и Украина во мај и јуни одржаа две рунди преговори, по што следуваше размена на заробеници и предавање на телата на загинатите украински војници. Двете страни исто така разменија нацрти меморандуми за решавање на конфликтот.