Свет
Трамп вети дека деновиве ќе каже што знае за сајбер нападите
Избраниот американски претседател Доналд Трампи вети во неделата дека следнава седмица ќе каже што нему му е познато во врска со кибернетичките напади врз САД за кои неговиот претходник Барак Обама ја обвинува Русија поради што нареди протерување на нејзините дипломати и низа санкции.
„Знам многу за хакерите. Упадите се работа која е многу тешко да се открие, така што тоа би можело да биде кој и да е“, изјавил за новинарите Доналд Трамп во врска со кибернетичкиот скандал за кој е обвинета Москва, пренесува порталот Hill.
Трамп во текот на оваа седмица ќе се сретне со претставниците на американската разузнавачка заедница, кои ќе му ги претстават информациите врз основа на кои тие ја обвинија Русија за обидите за упади во компјутерските системи на политички институции на САД.
Пред три седмици соработниците на новоизбраниот американски претседател Доналд Трамп ги отфрлија заклучоците на CIA за наводните руски хакерски напади, истакнувајќи дека аналитичарите кои ги донеле „се истите оние кои зборуваа дека (поранешниот ирачки претседател) Садам Хусеин поседува оружје за масовно уништување“.
Минатиот четвртокот американскиот претседател на заминување Барак Обама нареди воведување санкции против девет институции, компании и поединци од Русија, вклучително и двете главни разузнавачки агенции, и протерување на 35 дипломати поради „мешање во изборниот систем“ и „притисок врз американските дипломати“ во Русија. Беа затворени и два станбени комплекса за средби и одмор, во Њујорк и Мериленд, кои се руска дипломатска сопственост.
Обама го обвинува Кремљ дека со хакерски упади во серверите на Демократската партија и истекување на доверливата преписка на нејзините челници му помогнале на Трамп и на другите републиканци на изборите од 8-ми ноември 2016 година.
Рускиот претседател Владимир Путин одговори дека Москва нема да ги протерува американските дипломати како одговор на мерките на Вашингтон. Притоа истакна дека според меѓународната практика Русија ги има сите основи и права за соодветен одговор и го здржува правото за преземање адекватни мерки, но нема да се спушта на нивото на „кујнска“ дипломатија.
Путин го оцени потегот на Обама како непријателски чин и „провокација насочена кон натамошно поткопување на руско-американските односи“ кои последните две години се на ниво на Студената војна, а неговиот наследни Трамп најави дека ќе ги подобрува./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Трагедија на Уна во Хрватска: се превртел чамец, има загинати
Хрватската полиција и припадници на Хрватската горска служба за спасување од утрово трагаат по лица, најверојатно мигранти, кои завршиле во реката Уна кај Хрватска Костајница, пренесува Н1 Хрватска.
Полицајци околу 4:45 часот слушнале повици од реката Уна кај местото Росуље. Веднаш притрчале на помош и пронашле едно живо лице и едно безживотно тело. Бидејќи се сомнева дека во водата има уште лица, започната е спасувачка акција, потврдиле за 24сата од Полициската управа сисачко-мославачка.
Во потрагата се вклучени и дронови за што побрзо лоцирање и извлекување на лицата. Утврдено е дека дошло до превртување на чамец, објави Вечерњи лист.
Како што неофицијално дознава 24сата, во чамецот кој пловел кон хрватскиот брег имало најмалку пет лица, а наводно станува збор за мигранти и криумчар.
Регион
Радев: Украина сè уште има работа пред да се приклучи кон ЕУ, не треба да го заборавиме Западен Балкан
Во интервју за германското издание „Берлинер Цајтунг“, поранешниот бугарски претседател Румен Радев, кој неодамна поднесе оставка и најави влез во трката за премиер изјави дека неговото влегување на парламентарната политика се должи на протестот на Бугарите во декември.
„Тоа е одговор на повикот на бугарските граѓани и нивните очекувања за трансформација на Бугарија во демократска, модерна и слободна европска држава. Масовните граѓански протести во декември низ цела Бугарија, како и во европските градови како Берлин, доведоа до оставка на бугарската влада. Сакаме бугарските граѓани да се чувствуваат целосно слободни, без да зависат од какви било олигархиски интереси и да имаат можност да го развијат својот потенцијал во својата земја“,изјави Радев.
Тој смета и дека завршувањето на војната во Украина бара повеќе дипломатија. Досега, како што вели, фокусот беше ставен на воена и економска помош за Украина, но дипломатските средства не беа доволно искористени. Веќе постои промена во ставот на европските лидери и пореалистичен пристап кон војната во Украина, пренесе БГНЕС. бг.
„Лидери како претседателот Емануел Макрон почнаа да зборуваат за продолжување на дијалогот со Русија и да дискутираат за идната безбедносна архитектура во Европа. Треба да разговараме со Русија бидејќи без дијалог, безбедносната архитектура ќе се базира на ривалство и постојан воен начин на размислување. Како поранешен командант на воздухопловните сили, многу ги ценам инвестициите во одбраната, но мора да бидеме свесни и за долгорочните последици за нашата економија и општествени системи“, рече Радев.
Додаде дека Украина и нејзините граѓани заслужуваат поддршка во ова исклучително тешко време за нив, но членството во ЕУ бара исполнување на Копенхашките критериуми. Радев вели дека земјите од Западен Балкан чекаат со децении и спроведуваат тешки реформи во економијата, администрацијата и владеењето на правото.
„Не смееме да ги заборавиме додека нашиот фокус е на Украина, поради воените дејствија. Брзањето ризикува поткопување на европските принципи, а Украина сè уште има многу работа да направи за да ги исполни критериумите за членство во ЕУ“, додаде тој.
Радев зборува и за Македонија, споменувајќи дека земјата според договореот од 2022 година мора да го промени својот Устав и да ги вклучи Бугарите рамноправно со другите државотворни народи , и само тогаш можат да почнат преговорите за членство во ЕУ.
„Ова е тежок, но неопходен процес и би сакале да го видиме РСМ во ЕУ што е можно поскоро. Не сакаме граници и гранични контролни пунктови, туку сакаме луѓето од двете страни на границата да можат слободно да живеат, работат и комуницираат заедно“, рече Радев.
Свет
Захарова: Се испостави дека вистинските чудовишта се чувствувале удобно во западното општество
Објавувањето на таканаречените досиеја на Епстин разоткри „одвратно ѓубре“ кое со години измислува митови за Русија за да го одвлече вниманието од своите злосторства, изјави портпаролката на руското Министерство за надворешни работи, Марија Захарова, во интервју за руската државна новинска агенција ТАСС.
Захарова потсети на бројните обвинувања што западните земји ги упатија против Русија и тврдеше дека Москва одговорила на нив со „аргументи и факти“.
„Со години тие измислуваат митови за Русија, за наводната закана, за злосторствата што ние, како што тврдеа, наводно ги извршивме на нивна територија. Во меѓувреме, целото ова ѓубре работи со години во нивните заедници, во нивното срце, во најлуксузните населби на Њујорк, Лондон и другите европски престолнини, како и во Соединетите Американски Држави“, рече таа.
Захарова додаде дека, по објавувањето на досиејата на Епстин, „се покажува дека вистинските криминалци, вистинските чудовишта, се чувствувале удобно во западното општество“. „Тие биле вклучени во разни гнасни злосторства: корупција, трговија со луѓе, принудна проституција, нелегално затворање и педофилија, и што и да посакате“, рече Захарова.
Објавувањето документи од страна на Министерството за правда на САД ги откри врските на Епстин со многу истакнати личности во политиката, финансиите, академијата и деловниот свет, и пред и откако се изјасни за виновен во 2008 година за обвиненија за проституција, вклучително и заведување малолетници.
Епстин беше пронајден обесен во неговата затворска ќелија во 2019 година откако беше повторно уапсен по федерални обвиненија за сексуална експлоатација на малолетници. Неговата смрт официјално беше прогласена за самоубиство.

