Свет
Трамп во ОН „распали“ против Иран, Русија и Кина
Претседателот на САД, Доналд Трамп, денеска во Советот за безбедност ја критикуваше зголемената агресивност на Иран, држава која САД повторно ќе ја санкционираат, а исто така ги осуди Русија во врска со Сирија и Кина во врска со претстојните избори во САД.
„Во годините по потпишувањето на договорот склучен во 2015 година за иранската нуклеарна програма, агресијата на Иран само се зголеми“, рече американскиот претседател, кој се повлече од таа спогодба.
Тој вети дека санкциите на САД ќе бидат во целост на сила на почетокот од ноември и дека ќе бидат придружени со нови казнени мерки, како што рече, поостри од кога било, со цел да се одговори на злонамерното однесување на Иран.
Трамп и иранскиот претседател, Хасан Рохани, вчера жестоко се судрија, менувајќи се на говорницата на годишното Генерално собрание на ОН во Њујорк.
Американскиот претседател ги повика сите земји да воведат изолација за корумпираната диктатура во Иран.
Трамп во врска со Сирија директно ја нападна Русија, сојузникот на Дамаск и, како што кажа, главната пречка за донесување голем број резолуции на ОН во врска со конфликтот кој трае веќе седум години. Оваа земја стана кланица благодарение на Иран и Русија, истакна тој.
Американскиот претседател го обвини и официјален Пекинг дека се обидува да ги спречи републиканците да ги освојат следните парламентарни избори во САД.
„Кина се обидува да се меша во изборите во ноември, и тоа против мојата администрација“, рече тој.
Кинеските власти, пак, веднаш ги отфрлија обвиненијата на Трамп.
„Никогаш не сме и нема да се мешаме во внатрешните работи на која било земја. Ние ги одбиваме сите неоправдани обвинувања против Кина“, рече на Советот за безбедност шефот на кинеската дипломатија, Ванг Ји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.