Свет
Трамп го возвраќа ударот – најави отворање на нова социјална мрежа

Поранешниот претседател на САД, Доналд Трамп објави дека ќе отвори своја социјална мрежа наречена Truth Social, откако во јануари беше исклучен од Твитер, Фејсбук и Јутјуб.
Од платформите од кои беше исклучен, го обвинија за поттикнување на поддржувачи на насилство пред нападот на Конгресот.
„ Јас ги формирав Truth Social и групата за медиуми и технологија на Трамп (ТМТГ) за да се спротивставам на тиранијата на технолошките гиганти“, рече Трамп во изјавата, прецизирајќи дека неговата платформа ќе биде лансирана во првиот квартал од 2022 година.
Тој нагласи дека големите компании во Силиконската долина ја искористиле својата еднострана моќ за да ги замолчат гласовите на несогласување во Америка.
Републиканскиот милијардер беше исклучен од Фејсбук, Твитер и Јутјуб по нападот врз американскиот Конгрес на 6 јануари, што го извршија неговите поддржувачи за време на церемонијата на потврдување на победата на Џозеф Бајден на претседателските избори.
Пред да биде исклучен, Трамп имаше речиси 89 милиони следбеници на Твитер, кога објави голем број претседателски одлуки, имаше 35 милиони следбеници на Фејсбук и 24 милиони на Инстаграм.
Платформата Truth Social ќе биде достапна во бета верзија на повик од ноември 2021 година, се наведува во соопштението, додека новата медиумска групација на Трамп TMTG ќе има и видео сервис на барање со забавни програми и поткасти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.