Претседателот на САД вели дека жените што протестираат поради контроверзниот кандидат за Врховниот суд, Брет Кавано, се професионалци платени од милијардерот Џорџ Сорос и други организации.

„Многу непристојните жени се платени професионалци што само сакаат да им наметнат лош углед на сенаторите“, напиша Трамп на „Твитер“.

The very rude elevator screamers are paid professionals only looking to make Senators look bad. Don’t fall for it! Also, look at all of the professionally made identical signs. Paid for by Soros and others. These are not signs made in the basement from love! #Troublemakers

— Donald J. Trump (@realDonaldTrump) October 5, 2018

По сведочењето во Сенатот минатата недела на Кавано и Кристин Форд, која го обвини за сексуално малтретирање во 80-тите години на минатиот век, две жени му пристапија на сенаторот Џеф Флејк наведувајќи дека се жртви на сексуално насилство и побарале од него да не го поддржува кандидатот на Трамп за Врховниот суд.

„Не паѓајте на тоа! Исто така, погледнете ги сите професионално направени идентични знаци. Платени се од Сорос и други. Тоа не се знаци направени од љубов во подрумот“, додава Трамп.

Сенатот денеска требаше да ја почне процедурата за гласање за Кавано. Флејк, како и две умерени сенаторки, Сузан Колинс и Лиза Мукровски, очигледно сè уште не одлучиле како да гласаат.