Свет
Трамп го потпиша законот за одбранбена политика вреден 716 милијарди долари
Претседателот на САД, Доналд Трамп, го потпиша законот за годишната одбранбена политика, вреден 716 милијарди долари, што предвидува модернизација и зајакнување на вооружените сили на САД.
Трамп законот го потпиша на свеченост во американската воена база „Форт Друм“, 400 километри северозападно од Њујорк, во присуство на повеќе илјади американски војници.
„Овој закон е најважен за вложување во нашата војска, нашите борци и модернизација на армијата. Благодарение на него ќе ги замениме старите тенкови, авионите и бродовите со најсовремена и најсмртоносна технологија некогаш развиена“, рече Трамп. Тој изрази надеж дека никогаш нема да имаат потреба да го употребат оружјето, но ако дојде до тоа да го применат, противникот нема да има никакви изгледи да извојува победа.
Законот овозможува набавка на 77 најсовремени авиони „Ф-35“, нов носач на авиони и други борбени пловила, како и модернизација на нуклеарниот арсенал, објави Белата куќа. Исто така, предвидува зголемување на платата на вработените во вооружените сили во износ од 2,6 проценти, што е најголемо зголемување на платата во последните девет години.
Законот ја покрива потрошувачката за фискалната 2019 година, која почнува на 1 октомври.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.