Свет
Трамп денеска ќе разговара со Путин: „Војната мора да заврши веднаш“

Американскиот претседател Доналд Трамп пред телефонскиот разговор со Владимир Путин изјави дека „многу елементи“ од мировниот договор во Украина се веќе договорени со неговиот руски колега.
Трамп на платформата Truth Social најави дека утрово ќе разговара со Путин. Тој рече дека иако се постигнати договори за некои прашања, „се уште треба да се договорат многу работи“.
Tomorrow morning I will be speaking to President Putin concerning the War in Ukraine. Many elements of a Final Agreement have been agreed to, but much remains. Thousands of young soldiers, and others, are being killed. Each week brings 2,500 soldier deaths, from both sides, and…
— Donald J. Trump Posts From His Truth Social (@TrumpDailyPosts) March 17, 2025
„Секоја недела носи 2.500 загинати војници, од двете страни, и мора да престане СЕГА. Со нетрпение очекувам да разговарам со претседателот Путин“, напиша Трамп.
„Ќе видиме дали можеме да постигнеме мировен договор, прекин на огнот и мир, и мислам дека ќе можеме да го направиме тоа“, изјави тој за новинарите еден ден претходно на „Ер Форс 1“.
Во своето ноќно обраќање во понеделникот, украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој, додавајќи дека „секој ден во време на војна значи човечки животи“.
Following Saturday’s meeting on peace and security in Ukraine and my discussion with @POTUS yesterday, I spoke with President @ZelenskyyUa today.
President Zelensky demonstrated the courage to accept the US proposal for a 30-day ceasefire. It is now up to Russia to…
— Emmanuel Macron (@EmmanuelMacron) March 17, 2025
Францускиот претседател Емануел Макрон ја пофали „храброста“ на Зеленски во прифаќањето на предлогот за прекин на огнот и ја предизвика Русија да го стори истото. „Доста е смрт. Доста е со уништени животи. Доста е уништување. Оружјето мора да замолчи“, рече Макрон во објавата на платформата X.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп – Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека многу елементи од мировниот договор во Украина се веќе договорени со неговиот руски колега.
Во своето ноќно обраќање во понеделникот украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој додавајќи дека „секој ден во време на војна значи човечки животи“.