Свет
Трамп: Животни ги нареков членовите на криминалните банди што влегуваат илегално во САД

Американскиот претседател Доналд Трамп се обидел да објасни на што мислел кога за мигрантите рекол дека тоа не се луѓе, туку животни што треба да се протераат.
Којзнае кој пат американскиот претседател предизвика бран реакции со неговата изјава по што мораше да објаснува што навистина мислел да каже.
Трамп ги нарекол животни илегалните имигранти во државата Калифорнија на тркалезната маса на американските градови, кои на имигрантите им даваат засолниште.
„Тоа не се луѓе, тоа се животни. Ги протеруваме од земјата со брзина што претходно не сме ја имале“, рекол Трамп и додал дека калифорнискиот закон им овозможува засолниште на лоши престапници кои се едни од најнасилните во светот, како што се членовите на групата МС-13, криминалните банди од Салвадор.
Неговата изјава предизвика жестоки реакции од демократите кои рекле дека имигрантите се луѓе. „Не се животни, не се криминалци, не се шверцери на дрога, не се силувачи. Тие се луѓе“, рекол демократскиот пратеник, Џаред Полис, од американската сојузна држава Колорадо.
Потоа, Трамп морал да ја оправда својата изјава, па објаснил дека под терминот животни мислел на имигрантите, припадници на криминални банди што илегално влегуваат во САД, а не на другите имигранти.
„Членовите на МС-13 се животни што влегуваат во нашата земја. Кога тие ќе влезат, кога ќе влезат други членови на криминална банда во нашата земја, ги сметам за животни. И знаете што, секогаш ќе ги сметам за животни“, рекол Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Свет
Песков: Путин верува дека секоја средба со Зеленски мора да биде добро подготвена

Русија не го отфрла предлогот претседателот Владимир Путин да се сретне со украинскиот претседател Володимир Зеленски, но таа мора да се базира на претходно договорени услови.
„Путин верува дека секоја средба на највисоко ниво мора да биде добро подготвена и да ги потврди резултатите постигнати на професионално ниво“, изјави денес портпаролот на Кремљ, Дмитриј Песков.
„Во моментов, дипломатското ниво не е многу активно“, продолжи Песков. Тој се осврна на вчерашната изјава на Фридрих Мерц кога германскиот канцелар рече дека повеќе не очекува средба меѓу Путин и Зеленски.
Претседателот на САД, Доналд Трамп, минатата недела за време на состанокот во Белата куќа со Зеленски и европските лидери сугерираше дека таква средба би можела да се одржи во следните две недели.
„Нашиот интерес и подготвеност за такви преговори остануваат“, рече Песков пред патувањето на Путин во Кина задутре.
Портпаролот на Кремљ рече дека Русија ги доставила сите свои барања за прекин на конфликтот во писмена форма. Москва, исто така, бара Киев да ги предаде анектираните територии на Русија.