Свет
Трамп: Извештаите за здравствената состојба на Ким се неточни
Претседателот на САД, Доналд Трамп, изјави дека веројатно се погрешни извештаите во медиумите дека лидерот на Северна Кореја, Ким Џонг-ун, е сериозно болен.
Трамп одби да одговори дали имал контакти со тамошните официјални лица по однос на ова прашање.
„Мислам дека извештајот беше неточен. Слушам дека користеле стари документи“, рече Трамп во врска со извештајот на Си-ен-ен дека американските разузнавачи имаат информации според кои Ким е во животна опасност по оперативен зафат извршен над него.
Трамп повтори дека има добар однос со севернокорејскиот лидер, со кого се состана трипати во текот на 2018 и 2019 година како дел од преговорите за нуклеарната програма на земјата, пренесува агенцијата „Кјодо“.
На прашањето дали имал контакт со службени лица во Појонгјанг, тој одговори: „Тоа нема да го откријам“.
„Се надевам дека е добро и мислам дека извештајот на Си-ен-ен беше лажен“, заклучи Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Иранците во поворка: Почна погребот на Ебрахам Раиси
Иранците се собраа на погребната поворка на претседателот, Ебрахим Раиси кој загина во хеликоптерска несреќа, во северозападниот град Табриз, главниот град на провинцијата Источен Азербејџан.
Неговото тело подоцна ќе биде пренесено во Техеран.
Во несреќата загинаа и иранскиот министер за надворешни работи Хосеин Амир Абдолахиан и уште седум други лица.
Иранските медиуми објавија видео на кое се гледаат ковчезите на Реиси и Абдолахиан поставени еден до друг и покриени со ирански знамиња.
اولین تصاویر از تابوت حامل شهید رئیسی و شهید موسوی pic.twitter.com/mXjkFLDMh8
— خبرگزاری ایرنا (@IRNA_1313) May 21, 2024
Свет
Во Полска уапсени девет лица: „Направиле саботажа во име на руски служби“
Полска уапси девет лица во врска со саботажа извршена низ државата по наредба на руските служби, изјави вчера вечерта премиерот Доналд Туск.
Варшава тврди дека нејзината улога како центар за снабдување на Украина ја направи Полска клучна цел за руските разузнавачки служби и ја обвинува Москва дека се обидува да ја дестабилизира земјата.
„Досега уапсивме девет осомничени и обвинети за учество во саботажа во Полска директно во име на руските служби“, изјави Туск за приватната телевизија ТВН24.
„Тоа вклучува тепање, подметнување пожар и обид за палење. Тој рече дека Полска соработува со своите сојузници по ова прашање и дека операциите имале влијание и врз Литванија, Латвија, а можеби и Шведска.
Туск претходно овој месец изјави дека Полска ќе додели дополнителни 100 милиони злоти (23,5 милиони евра) на своите разузнавачки служби поради руската закана. Во април, две лица беа уапсени во Полска под сомнение дека го нападнале Леонид Волков, главен помошник на починатиот руски опозициски лидер Алексеј Навални.
Регион
Авион принудно слета на аеродромот во Мостар, нема повредени
Мостарскиот аеродром вчера соопшти дека имало принудно слетување на помал авион при што нема повредени.
„Денеска аеродромот во Мостар ја докажа својата подготвеност со брза и ефикасна реакција на принудното слетување на помал авион откако пилотот пријавил дефект на опремата за слетување“, соопштија од аеродромот.
Откако контролната кула го објави принудното слетување, сите служби предводени од спасувачката и противпожарната служба на мостарскиот аеродром реагираа навремено и адекватно.
„Авионот успешно слета и сите патници не се повредени, а тие му се заблагодарија на персоналот на аеродромот во Мостар за брзата и соодветна помош. Би сакале да им се заблагодариме на сите вклучени служби за одличната координација и успешно спроведената акција“, додаваат од аеродромот.
Сообраќајот на аеродромот се одвива непречено.