Свет
Трамп: Нападот на Иран врз Израел никогаш немаше да се случи ако јас бев претседател на САД
Поранешниот американски претседател Доналд Трамп изјави дека иранскиот напад врз Израел никогаш немаше да се случи доколку тој сè уште беше претседател.
„Израел е нападнат. Ова никогаш не требаше да се случи. Ова никогаш не би се случило кога би бил претседател“, напиша Трамп на својата социјална мрежа TruthSocial.
Урсула фон дер Лајен го осуди иранскиот напад врз Израел
Трамп тврди дека американскиот претседател Џо Бајден снимил видео говор во врска со иранскиот напад, но дека снимката не е објавена на повик на неговите соработници.
Иранските воздушни сили претходно соопштија дека истрелале стотици беспилотни летала и десетици крстаречки и балистички ракети кон Израел како одговор на израелскиот напад врз иранскиот конзулат во Дамаск, Сирија.
Земјите во регионот го затворија својот воздушен простор, а некои прогласија вонредна состојба.
Во меѓувреме, мисијата на Иран во Обединетите нации објави дека нападот „може да се смета за завршен“, нагласувајќи дека одговорот на Техеран ќе биде „многу поостар“ доколку „израелскиот режим направи уште една грешка“, пренесува Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.