Свет
Трамп: Нови санкции за Иран, не ни треба нивната нафта

Американскиот претседател Доналд Трамп најави дека Вашингтон ќе воведе нови санкции против Иран, наведувајќи дека воениот врв на САД и натаму разгледува начин на кој ќе одговори на синоќешниот ракетен напад на иранската Републиканска гарда.
Според него, Иран се повлекува и дека тоа е добра работа за светот. Нагласи дека во нападите нема повредени ниту американски ниту ирачки војници, само мала материјална штета на воените објекти.
Трамп ја обвини администрацијата на Барак Обама дека со своите чекори, му овозможила на Иран да го финансира развојот на овие ракети.
„Нашите сили се подготвени за сè“, порача Трамп и додаде дека додека тој е претседател, на Иран никогаш нема да му биде дозволено да направи нуклеарно оружје.
„Иран е водечки спонзор на тероризмот и развива нуклеарно оружје кое претставува закана за слободниот свет. Согласно моите наредби, американските вооружени сили го елиминираа терористот, генерал Касим Сулејмани, кој е одговорен за смрт на илјада војници“, рекол Трамп.
Американскиот претседател нагласил дека Сулејмани планирал нови напади и дека тие го спречиле во намерата.
Трамп нагласи дека САД се првите производители на нафта и природен гас во светот.
„Независни сме и не ни треба нафта од Блискиот исток“ истакна Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Фабрики за оружје во неколку држави отвори Иран

Иранскиот министер за одбрана Азиз Насирзадех тврди дека Иран во неколку држави создал инфраструктура за производство на оружје.
Тој не соопшти во кои земји Иран ќе произведува оружје, но најави дека фабриките најверојатно официјално ќе бидат отворени.
Насирзадех наведе пред војната со Израел еден од приоритети на Иран бил развивање на ракети, но оти сега „би можеле да се сменат приоритетите“.
Свет
(Видео) Седум часа ги читаше имињата на сите убиени деца во Газа, дури 12.227 жртви

Кардиналот Матео Зупи во италијанскиот град Болоња предводеше трогателно седумчасовно молитвено бдение за сите деца загинати во конфликтот меѓу Израел и Хамас од почетокот на војната пред две години. На бдението, кое се одржа во паркот Монте Соле ди Марцабото, беа прочитани имињата и возрастите на вкупно 12.227 деца жртви – 16 израелски и 12.211 палестински, врз основа на официјални податоци од двете страни.
Кардиналот Зупи ги повика присутните да се посветат на мирот и дијалогот: „Ги кажуваме нивните имиња едно по едно. Тие бараат од нас да бараме мир, да го прекинеме огнот и да создадеме услови за заштита на невините, од ослободување на заложниците до тоа да не се држи цела нација како заложник“.
Молитвеното бдение се одржа на историско место, во урнатините на црквата Казаља, која беше запалена од нацистите за време на масакрот во кој беа убиени речиси 800 луѓе, вклучувајќи деца. Настанот го организираше монашката заедница на Малото семејство на Благовештението во соработка со Училиштето за мир на Монте Соле, со цел да се зачува сеќавањето на страдањето и да се потенцира важноста на мирот.
Апелите за мир и заштита на цивилите се засилени во последните недели поради зголемениот број жртви и заканата од глад во Газа. Свештеникот Габриел Романели од Газа ја опиша тешката ситуација, истакнувајќи дека бомбите и смртта се присутни низ целата енклава, додека Ерусалимскиот патријарх Пицабала и папата Лав XIV ги повикаа сите страни на прекин на огнот и дипломатски решенија.
Кардиналот Зупи, назначен од папата Франциск за мировен пратеник за Украина, е познат и по посредувањето во размена на заложници и неговите дипломатски напори за мир во конфликтни региони.
Свет
(Видео) Унгарија е бесна откако Украинците повторно го нападнаа клучниот руски нафтовод

Украина изврши нов напад врз најголемата руска станица за нафта, клучен дел од системот на нафтовод „Дружба“, во градот Унеча во Брјанската област. Информацијата ја потврди Роберт Бровди, познат како „Мадијар“, командант на украинските сили за беспилотни системи, пишува „Киев пост“.
Бровди објави на Телеграм дека станицата „Унеча“ била цел на беспилотни летала од 14-от полк на силите за беспилотни системи.
„УНЕЧА НПС – отиде во непорат“, напиша тој. Заедно со објавата, тој прикачи видео на кое се гледа пожарот по нападот.
Станицата „Унеча“, која се наоѓа на четириесет километри од украинската граница, е најголемиот центар на системот „Дружба“ во сопственост на „Транснефтепродукт“. Преку мрежа долга 9.000 километри, овој гасовод го снабдува рускиот воено-индустриски комплекс и е клучен за извозот на нафта.
💥 Russia: Unecha oil pumping station in Bryansk region struck again by Ukraine. Annual pumping capacity of 60 million tons of crude oil, critical hub on the Druzhba pipeline that goes to Europe.
No more Russian blood oil for Hungary and Slovakia. pic.twitter.com/MgFOmiPOtM— Igor Sushko (@igorsushko) August 21, 2025
Унгарија: Ова е напад врз нашата енергетска безбедност
Унгарскиот министер за надворешни работи, Петер Сијарто, брзо реагираше на веста за нападот.
„Пристигна вест дека нафтоводот ‘Дружба’ на руско-белоруската граница е повторно нападнат, по трет пат за краток временски период. Снабдувањето со сурова нафта на Унгарија е повторно запрено“, напиша тој на Фејсбук.
Сијарто го нарече нападот „уште еден напад врз енергетската безбедност на Унгарија“ и „уште еден обид да нè вовлечат во војна“.
Чести напади врз руската инфраструктура
Ова не е прв ваков инцидент. Украинските камикази беспилотни летала веќе ја погодија пумпната станица Унеча на 13 август. Извори од Главната дирекција за разузнавање на украинското Министерство за одбрана (HUR) потврдија за „Киев пост“ во тоа време дека операцијата ја извршила УР во соработка со други одбранбени единици. Локалните канали на Телеграм, исто така, објавија повеќекратни експлозии и голем пожар.
Веќе по претходниот напад, Сијарто предупреди дека станува збор за „напад врз енергетската безбедност на Унгарија“ и им рече на украинските носители на одлуки дека „електричната енергија од Унгарија игра клучна улога во снабдувањето со енергија на Украина“.
Според Генералштабот на Украина, нападите врз руските бизниси и инфраструктура во текот на 2025 година предизвикале загуби проценети на 74,11 милијарди долари, што е приближно 4% од БДП на Русија. Речиси 80% од потврдените цели биле нафтени и гасни постројки, вклучувајќи рафинерии, магацини и логистички центри како што се бензински пумпи.