Свет
Трамп: Носењето маска е патриотски чин, никој не е поголем патриот од вашиот омилен претседател
Трамп на „Твитер“ ја објави својата фотографија со заштитна маска на лицето и индиректно констатира дека носењето заштитни маски е патриотски чин.
„Сите сме обединети во нашите напори да го победиме кинескиот невидлив вирус и многу луѓе велат дека носењето маски кога социјалното дистанцирање е невозможно е патриотски чин. Никој не е поголем патриот од мене, вашиот омилен претседател”, напиша американскиот претседател, Доналд Трамп, на „Твитер“ под фотографијата на која носи маска.
We are United in our effort to defeat the Invisible China Virus, and many people say that it is Patriotic to wear a face mask when you can’t socially distance. There is nobody more Patriotic than me, your favorite President! pic.twitter.com/iQOd1whktN
— Donald J. Trump (@realDonaldTrump) July 20, 2020
Трамп го напиша тоа речиси три месеци откако американскиот центар за контрола на болести препорача носење маски.
Тој објави фотографија направена за време на посетата на воената болница во предградието на Вашингтон на почетокот од овој месец кога првпат и досега единствен носеше маска во јавноста по неколкумесечно одбивање да го стори тоа.
Трамп го променил мислењето мотивиран од лошите резултати во предизборните анкети, пишува Си-ен-ен.
Досега се потврдени 3,7 милиони случаи на Ковид-19 и 14,5 илјади смртни случаи од оваа болест во САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Генералниот секретар на НАТО разговараше со Трамп на Флорида
Генералниот секретар на НАТО, Марк Руте, разговараше со Доналд Трамп на Флорида. Ова го соопшти портпаролот на Алијансата, цитиран од „Ројтерс“, за средбата којашто се одржала во петокот.
Тие разговарале за глобалните безбедносни прашања со кои се соочува Алијансата.
„Ројтерс“ потсетува дека како премиер на Холандија Марк Руте бил меѓу оние европски политичари со кои Трамп одржувал добри работни односи за време на неговиот прв мандат во Белата куќа.
Регион
Побаран притвор за сите уапсени поради трагедијата во Нови Сад, меѓу нив и поранешен министер
По рочиштето, Вишото јавно обвинителство во Србија побара притвор за сите 12 уапсени, меѓу кои и поранешниот министер за градежништво Горан Весиќ и уште еден осомничен по кој беше распишана потерница, поради падот на настрешницата на железничката станица на 1 ноември во при што загинаа 15 лица.
Покрај Весиќ, кој поднесе оставка пет дена по несреќата, меѓу уапсените, а за кои Вишото јавно обвинителство во Нови Сад бара притвор, се и Јелена Танасковиќ, која поднесе оставка од челната позиција во Железничката инфраструктура на Србија, поранешниот директор на Инфраструктурата на Железниците на Србија Небојша Шурлан, како и помошникот министер за железнички транспорт Анита Димовски.
Обвинителството предлага приведување и притвор и за 13. осомничениот кој е во бегство и по кого е распишана потерница.
Осомничените се товарат за сторени повеќе кривични дела предизвикување јавна опасност, тешки кривични дела против општата безбедност и неправилно изведување градежни работи и им се заканува затворска казна од две до 12 години.
Вкупно 15 лица загинаа во падот на настрешницата на железничката станица во Нови Сад на 1 ноември околу пладне – 14 загинаа на местото на несреќата, додека уште едно лице од тројцата тешко повредени им подлегна на повредите подоцна во болница.
Свет
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација.
Поранешниот финансиски менаџер на тајкунот Џорџ Сорос, Скот Бесант ќе биде министер за финансии. Бесант води хеџ фонд и се спротивставува на буџетските дефицити. Пред неколку месеци тој за медиумите изјави дека одлучил да се приклучи на кампањата на Трамп делумно за да се бори против растечкиот национален долг на САД. Неговите ставови вклучуваат намалување на владините програми и други јавни трошоци.
Лори Чавез-Де Ремер е номинирана од Трамп за министерка за труд. Таа го загуби своето поранешно место во Орегон Хаус претходно овој месец, но ужива силна поддршка од синдикатот во нејзиниот округ. Се верува дека за време на новиот мандат на Доналд Трамп, министерството ќе биде повеќе бизнис-ориентирано, со оглед на плановите што ги најави идниот претседател за намалување на бирократијата.
Поранешниот играч на Националната фудбалска лига и помошник во Белата куќа Скот Тарнер ќе биде секретар за урбанистичко планирање.
Алекс Вонг се очекува да стане заменик советник за национална безбедност. Тој е поранешен функционер на Стејт департментот и поранешен специјален пратеник за Северна Кореја за време на првата администрација на новоизбраниот претседател. Себастијан Горка, друг член на тимот во тоа време, ќе биде директор за контратероризам во Белата куќа. Горка одреден период беше заменик помошник на претседателот.
Поранешниот конгресмен Дејв Велдон е номиниран да служи како директор на Центрите за контрола на болести, кој презеде водечка улога за време на пандемијата. Тој е лекар и ветеран на армијата, а на функцијата ќе има буџет од повеќе од 17 милијарди долари наменети за превенција од разни заразни болести. Центрите даваат и препораки за употреба на различни видови вакцини.
Трамп направи уште една номинација во областа на здравствената заштита. Лекарот за семејна медицина и соработник на Фокс њуз, Џенет Нешејват, беше избрана за главен лекар, повторно покажувајќи ја предноста на телевизиската личност како лице на новата администрација.
„Д-р Нешејват е жесток застапник и силен комуникатор за превентивната медицина и јавното здравје. Таа е посветена да обезбеди Американците да имаат пристап до прифатлива, квалитетна здравствена заштита и верува во зајакнувањето на поединците да преземат одговорност за сопственото здравје за да живеат подолг и поздрав живот. “, рече Трамп.