Свет
Трамп: Омразата што во Си-ен-ен ја имаат за мене ги прави неспособни за работа
Американскиот претседател, Доналд Трамп, на „Твитер“ го нападна извршниот директор на медиумската куќа Си-ен-ен, Џеф Зукер, изјавувајќи дека тој треба да биде отпуштен од работа, пренесе британската Би-би-си.
Трамп смета дека омразата што Си-ен-ен ја има кон него го прави медиумот неспособен за работа.
The hatred and extreme bias of me by @CNN has clouded their thinking and made them unable to function. But actually, as I have always said, this has been going on for a long time. Little Jeff Z has done a terrible job, his ratings suck, & AT&T should fire him to save credibility!
— Donald J. Trump (@realDonaldTrump) August 30, 2018
„Малиот Џеф Зи прави страшна работа, неговиот рејтинг е лош, а одговорните треба да му дадат отказ за да си го зачуваат својот кредибилитет“, напиша Трамп на „Твитер“ насочувајќи се кон мултинационалната фирма AT&T која управува со медиумската куќа.
Во моментов Зукер е на боледување во траење од шест недели бидејќи заздравува од операција на срцето.
Претседателот на САД веќе долго време е во конфликт со Си-ен-ен, а тоа ескалираше минатата недела откако Лени Дејвис, сегашен застапник на поранешниот адвокат на Трамп, Мајкл Коен, призна дека на медиумот му дал лажни информации, пренесуваат американските медиуми.
Си-ен-ен минатиот месец објави ексклузивна приказна за тврдењата на Коен дека неговиот поранешен шеф, Трамп, однапред знаел за средбата на членови од неговиот штаб за претседателската кампања со руски оперативци во 2016 година. Главен извор за таа вест бил токму Лени Дејвис.
Веста беше пренесена и од други американски и светски медиуми, како „Вашингтон пост“ и „Њујорк пост“, но Дејвис оваа недела објави дека Коен не ги тврдел ваквите информации, туку тоа повеќе било кажано на ниво на шпекулации, по што медумите ја повлекоа приказната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.