Свет
Трамп очаен по падот на патничкиот авион во Вашингтон: „Не е добро!“

Американскиот претседател Доналд Трамп е информиран дека патнички авион се урнал во Вашингтон, откако авионот се судрил со воен хеликоптер.
Двете летала се урнаа во заледената река Потомак во близина на националниот аеродром Роналд Реган, а спасувачите неуморно трагаат по преживеани. За жал, досега од водата се извлечени 18 безживотни тела. Се намалуваат надежите за пронаоѓање на преживеани.
Набргу по трагедијата, кабинетот на Трамп излезе со соопштение во кое се наведува дека претседателот бил информиран за несреќата. Трамп очигледно од минута во минута ги следи случувањата на теренот, а на социјалната мрежа „Truth Social“ ги искажа своите размислувања за трагедијата.
Во објавата, Трамп рече дека несреќата „требаше да се спречи“ и изрази загриженост за инцидентот.
„Авионот беше на совршена и рутинска линија за приближување до аеродромот. Хеликоптерот се движеше право кон авионот подолг временски период. Беше јасна ноќ! Светлата на авионот пламтеа, зошто хеликоптерот не отишол нагоре или надолу, ни се свртел. Зошто контролната кула не му кажала на хеликоптерот што да прави наместо да праша дали го виделе авионот. Ова е лоша ситуација која требаше да се спречи! Не е добро!“, напиша Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Снимен моментот кога Фридрих Мерц сфати дека сепак не е избран за канцелар

Кандидатот на Христијанско-демократската унија, Фридрих Мерц, не го доби потребниот број гласови во првиот круг од изборите за канцелар во Бундестагот и не беше избран за канцелар, што е историски уникатен случај.
310 од вкупно 630 пратеници во Бундестагот гласаа за Фридрих Мерц во првиот круг, што значи дека најмалку 18 пратеници на ЦДУ/ЦСУ и Социјалдемократската партија на Германија, кои би требало да формираат коалициска влада, не гласаа за Фридрих Мерц.
За обезбедување на долгоочекуваните избори за наследник на Олаф Шолц му беа потребни 316 гласови.
Тоа е прв случај во историјата на СР Германија канцеларот да не биде избран во првиот круг.
Friedrich Merz unexpectedly failed to achieve the majority required to be elected German chancellor.
Here's how that moment unfolded in parliament ⬇️ pic.twitter.com/aCKkNLYqmM
— DW Politics (@dw_politics) May 6, 2025
Камерите го забележаа моментот кога лидерот на германските демохристијани сфати дека сепак не е избран за канцелар.
Европа
(Видео) Пожар на најголемиот градски пазар во Харков

За време на големиот руски напад врз Харков, избувнал пожар на најголемиот пазар во градот, Барабашово. Оштетени се неколку станбени згради и возила. Вкупно 11 лица се повредени во регионот Харков.
Massive Russian drone attack on Kharkiv last night. There were about 20 hits on the city.
Barabashovo market, the largest market in Kharkiv, is burning from the drone attacks. Thankfully, no one was hurt, although material losses from the fire will likely be huge. pic.twitter.com/USaAA67sTS
— Anton Gerashchenko (@Gerashchenko_en) May 6, 2025
Гувернерот на Харковската област, Олех Синехубов, изјави дека околу 20 малопродажни објекти на пазарот се целосно уништени.
Свет
Куклите Барби стануваат нова жртва на царинската војна на Трамп

„Па, може децата да имаат две кукли наместо 30“, се намурти американскиот претседател минатата недела. Сега цените навистина растат. Барби е на прагот да стане поскапа – и за тоа можете да му се заблагодарите на американскиот претседател Доналд Трамп, пишува Политико.еу.
Набргу откако Трамп воведе царини на играчките произведени во Кина и на други места, „Мател“ – гигантот за производство на играчки и пронаоѓач на иконската Барби – планира да ги зголеми своите цени во САД, соопшти компанијата.
„Мател“ произведува околу 40 проценти од своите играчки во Кина, на која администрацијата на Трамп им воведе царини од 145 проценти, тврдејќи дека Пекинг се однесува неправедно кон САД во трговијата.
Производителот на играчки соопшти дека ќе премести дел од своето производство надвор од Кина во обид да го диверзифицира својот синџир на снабдување и да ја преброди царинската бура.
Сепак, во незаборавните коментари минатата недела, Трамп ги минимизираше загриженостите дека неговите таканаречени реципрочни царини ќе ги зголемат трошоците за стоки и ќе доведат до недостиг.
„Па, можеби децата ќе имаат две кукли наместо 30 кукли, а можеби двете кукли ќе чинат неколку долари повеќе отколку што би чинеле нормално“, рече тој.
Анкета што беше спроведена минатиот месец меѓу 400 американски компании за играчки од страна на Здружението на играчки покажа дека речиси половина од нив веруваат дека поради царините на Трамп би можеле да банкротираат.