Свет
Трамп планира да почне со масовна депортација на мигранти во Чикаго, пишува „Волстрит журнал“
Претседателската администрација на САД на Доналд Трамп планира да почне голема имиграциска депортација во Чикаго ден по неговото преземање на функцијата, објави „Волстрит журнал“, цитирајќи четири лица запознаени со планот.
Депортацијата која се очекува да започне во вторник, ќе трае цела недела, пишува американскиот весник, додавајќи дека американската служба за имиграција и царина ќе испрати меѓу 100 и 200 службеници за да ја спроведат операцијата, пренесе Ројтерс.
Највисокиот граничен функционер на претстојната администрација, Том Хоман, на настан во градот рече дека акцијата ќе започне во Чикаго, Илиноис, објави американскиот весник.
„Ако градоначалникот на Чикаго не сака да помогне, може да си замине. Но, ако нè попречува, ако свесно крие илегални мигранти, ќе го гониме“, рече Хоман, според овие извори.
Имиграцијата беше во центарот на кампањата на Трамп пред претседателските избори на 5 ноември.
„Од моментот на мојата инаугурација, ќе ја започнеме најголемата операција за домашна депортација во американската историја“, рече Трамп минатата година.
Тимот на Трамп се уште не одговорил на барањето на Ројтерс за коментар.
Како што пренесуваат локалните медиуми од Чикаго, многу семејства и луѓе се исплашени и не знаат што да очекуваат.
Трамп вети дека ќе ја изврши најголемата депортација на илегални имигранти во американската историја. Во интервју за магазинот „Тајм“ во декември, кое го прогласи за личност на годината, тој рече дека планира да ја искористи американската војска во ова, максимално законски можно. Неговото ветување покрена прашања за тоа колку е изводлива и легална таква операција.
За време на неговата претседателска кампања, Доналд Трамп рече дека илегалната имиграција е најлошиот од сите американски проблеми:
„Ќе ја имаме најголемата депортација во историјата. Не сум горд на тоа, но тоа е многу тешко да се направи“, рече тој.
По победата на изборите, Трамп сподели објава на своите социјални мрежи во која наведува дека ќе прогласи национална вонредна состојба и ќе распореди американски војници да учествуваат во депортации.
Сè уште не е јасно како американската војска би можела да се искористи за да го исполни ветувањето за масовни депортации, вели Џозеф Нун, професор по право на Универзитетот во Њујорк.
„Се зависи од тоа што точно размислува претседателот кога вели дека сака да ја користи војската – дали сака војската директно да учествува во депортации или да обезбеди поиндиректна поддршка за федералните операции“, изјави тој претходно за Гласот на Америка.
Новиот граничен службеник, Хоман, планира поагресивен пристап, ставајќи акцент на операциите за депортација и поголемо воено учество.
Хоман цитира извештај од Одделот за домашна безбедност кој покажува дека повеќе од 32.000 малолетници без придружба ги пропуштиле судските состаноци, додека повеќе од 290.000 не ги ни добиле судските датуми. Експертите за имиграција тврдат дека тоа не мора да значи дека тие исчезнале. Некои сè уште може да се лоцираат на адресите што им ги дале на властите.
– Масовната депортација не е единствената опција. Наместо тоа, Конгресот би можел да создаде нов пат до постојан правен статус, дозволувајќи им на многу луѓе кои веќе живеат овде да аплицираат, да поминат низ проверка, да платат такси и да ги средат своите документи, објасни Арон Рајхлин-Мелник од Советот за имиграција за Гласот на Америка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Хаос во Белград, одекнуваат топовски удари
Големи тензии се забележани вечерва пред Народното собрание во Белград, каде што голем број граѓани се собраа во поддршка на Дијана Хрка, мајката на трагично загинатиот Стефан Хрка, која утрово започна штрајк со глад.
Во исто време, во непосредна близина, во шаторска населба со прекар „Чациленд“, се собраа и поддржувачи на владата, а меѓу двете групи беше поставен силен кордон од полицијата за немири, пишува Нова.рс.
Како што објавија Нова.рс и Н1, пред зградата на Народното собрание одекнуваат топовски удари, а на улицата има голем број припадници на интервентната полиција кои се обидуваат да ги одвојат двата табора со кордон.
Počeli neredi pic.twitter.com/iWaqNQj6jc
— Luka Pesic (@LukaPes13010586) November 2, 2025
Ћацад кренула на народ. pic.twitter.com/7qkLEhzFWq
— Инжењер 🇷🇸 (@Ortodox_Serb) November 2, 2025
Povlače se ili regrupišu… pic.twitter.com/7ekWePriP4
— Momir Boskovic (@MBoskovic) November 2, 2025
Свет
Трамп: Кси Џинпинг е свесен за последиците од можна инвазија на Тајван
Американскиот претседател Доналд Трамп во интервју емитувано на Си-би-ес тврди дека неговиот кинески колега Кси Џинпинг ги разбира последиците од можна кинеска инвазија на Тајван, одбивајќи да одговори дали САД ќе го бранат островот во случај на напад.
„Ќе знаете ако тоа се случи, а тој го разбира одговорот на тоа прашање“, одговори Трамп во врска со интервенцијата на САД во случај на потенцијален воен напад од страна на Пекинг врз Тајван, додавајќи дека кинескиот лидер ги разбира последиците од таквата интервенција.
Пекинг тврди дека има суверенитет над островот, додека Вашингтон останува најголем застапник на неговата независност.
Сепак, само неколку дена претходно, Доналд Трамп изјави дека Тајван „дури и не бил споменат“ за време на неговата средба со Кси Џинпинг во Јужна Кореја во четврток. „На таа тема не беше дискутирано“, додаде тој. Во интервју во петок, кое се емитуваше во неделата на емисијата „60 минути“ на Си-Би-Ес, тој рече дека не може да „ги открие своите тајни“, велејќи дека е „во контакт со другата страна“.
Американскиот претседател, исто така, рече дека Кси Џинпинг и неговата делегација „отворено изјавиле“ дека „нема да преземат никакви мерки додека Трамп е претседател, бидејќи се свесни за последиците“.
Независноста на Тајван останува камен на сопнување меѓу Кина и САД, прашање што двајцата претседатели се чини дека го избегнуваа за време на нивниот последен состанок, фокусирајќи се наместо тоа на ублажување на трговската војна меѓу Вашингтон и Пекинг.
фото: принтскрин
Свет
Таткото на Маск: Советскиот Сојуз се извлече од „канџите на ѓаволот“
Советскиот Сојуз ја извлече гигантската земја од „канџите на ѓаволот“, изјави за руските медиуми таткото на американскиот бизнисмен Илон Маск, Ерол Маск.
„СССР беше обвинет за многу работи, но ако сакате да го знаете моето мислење – тие извлекоа огромна земја од канџите на ѓаволот и го создадоа ова модерно чудо што го имате денес. Мора да бидете објективни. Мислам дека сум во право. И затоа бев многу среќен кога ги слушнав моите соговорници во Русија како отворено зборуваат за советската ера. Бев многу горд што седев на Лениновата столица. Тоа не значи дека сум некој луд човек или нешто слично, како што би рекол остатокот од светот. Не. „Тие беа големи луѓе. Тие беа џинови“, рече тој, според Спутник.
Ерол Маск рече дека за време на престојот во Русија го посетил Казањ.
„Тоа е неверојатно место. Вреди да се види и чуе неговата историја“, истакна тој.
„Моите соговорници отворено разговараа со мене за советската ера. Мислев дека би претпочитале да молчат. Но не – тие отворено зборуваат за тоа што правеле во советско време. Пробав храна што беше популарна во советскиот период. Ми раскажаа за некои работи што ги откриле во тоа време. Потоа ми ги покажаа местата каде што студирале Ленин и Лав Толстој. Седев во фотелјата на Ленин каде што седел како момче – и бев многу горд на тоа“, рече таткото на Илон Маск.
Фото: принтскрин
(Видео) Мециновиќ до гласачите на СДСМ: Браната е пукната и ние сме вашата опција, затоа што Левица е опозицијата на ВМРО-ДПМНЕ
Во изминатите два месеци постигнавме нешто што не можевме да го замислиме. Во создавањето на ова движење, во овие 60...
(Видео) Фатмир Дехари падна од народот кој се обедини против раскалашеноста и недомаќинското работење, рече Мицкоски за победата во Кичево
Премиерот и лидер на ВМРО – ДПМНЕ, Христијан Мицкоски, вечерва многу порано отколку во првиот круг прогласи голема победа на...
Орце Ѓорѓиевски: Скопје е ослободено!
Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја слави победата на денешните избори. Тој вели дека вечерва...
Герасимовски: Центар што го сакаме е победнички и во сигурни раце
Кандидатот за градоначалник на Општина Центар од редовите на СДСМ Горан Герасимовски, вечерва во изјава за медиумите потенцираше дека денеска...
(Видео) Победата на Орце Ѓорѓиевски се слави пред Белата палата
Победата на кандидатот на ВМРО-ДПМНЕ за градоначалник на Скопје, Орце Ѓорѓиевски се слави пред Белата палата. Од обработени 97,69% досега,...
(Видео) Филипче: Покрај освоените три градоначалнички места во првиот круг, имаме победа уште во три
Претседателот на СДСМ, Венко Филипче вечерва на прес-конференција им честиташе на граѓаните за достоинственото гласање на вториот круг на изборите....
Митески: Голема победа во Аеродром со 18 илјади гласа
Кандидатот за градоначалник на Аеродром, од редовите на ВМРО-ДПМНЕ, Дејан Митески упати благодарност за можноста да ја води општината во...
Тошковски ги оцени изборите како најмирни во последните години: Во цела држава имаше 30 пријави, во најголем дел наводите не беа потврдени
Денеска, како во првиот круг од локалните избори, можеме со гордост да констатираме дека и вториот круг помина во исклучително...
(Видео) Левица: Во голем број од изборните места има мртва трка помеѓу двата кандидати за градоначалник на Скопје
Задоволни сме од излезноста во урбаните средини, исклучок се општините Чаир и Сарај, кадешто има неверојатно мала излезност, дури и...
Нови првични резултати: Ѓорѓиевски води во Скопје, Герасимовски во Центар, во Карпош Лукровски
Според првичните резултати од вториот круг на локалните избори 2025, во Скопје води кандидатот на ВМРО-ДПМНЕ, Орце Ѓорѓиевски со над...
До 18 и 30 часот гласале 45,71 отсто од гласачите, во Скопје излезноста е 33,82 отсто
До 18 и 30 часот гласале 45,71 отсто од гласачите, во Скопје излезноста е 33,82 отсто, соопшти Државната изборна комисија....
Мицкоски: Ова е ден кога народот зборува
Денеска го исполнивме нашето демократско право, правото на глас, обврската што секој граѓанин ја носи со себе како дел од...
Сиљановска-Давкова: Имавме европски избори
Претседателката Гордана Сиљановска-Давкова денешните избори ги оцени како европски. „Имавме европски избори“, напиша таа на социјалните мрежи откако го оствари...
МВР со детали за смртта на 47-годишниот Ѓорѓиевски: бил пренесен во болница
МВР со детали за смртта на осуденикот Кире Ѓорѓиевски. Имено според полицијата, вчера во 09:30 часот во СВР Штип, од...
53-годишник почина по тепачка во Стар Дојран
Синоќа во 22:25 часот во село Сретеново, општина Дојран, полициски службеници од СВР Струмица-ОВР Гевгелија го лишија од слобода В.Р.(55)...
Се соблекувал пред малолетнички и ги вознемирувал
31-годишник се соблекувал пред малолетнички информираат од полицијата. Имено, надворешната канцеларија за криминалистички работи Ресен поднесе кривична пријава против 31-годишник...
Полицијата ги објави првите детали за напаѓачите од возот во Англија
Две лица сè уште се борат за живот по масовниот напад со нож во воз помеѓу Донкастер и Лондон вчера...
Четири општини останаа без гласање, повторени избори во рок од 60 дена
Денеска нема да се одржи гласање во општините Гостивар, Врапчиште, Центар Жупа и Маврово и Ростуше, поради недоволна излезеност во...
Трамп ѝ се закани на Нигерија со воена акција ако убиствата на христијаните не престанат
Американскиот претседател Доналд Трамп му се закани на нигериското раководство со можна воена интервенција, доколку, како што рече, владата продолжи...
Сведок за нападот во воз во Англија: Видов човек кој трчаше и ги предупредуваше другите дека е избоден
Полицијата во Кембриџшир соопшти дека вооружени полицајци пристигнале на местото на настанот откако добиле извештаи за напад во воз во...
