Свет
Трамп повтори дека сака САД да ја поседуваат Газа: „Палестинците нема да имаат право да се вратат“

Американскиот претседател Доналд Трамп изјави дека Палестинците нема да имаат право да се вратат според неговиот план ако ги иселат од Газа.
Во интервју за Фокс њуз, чиј дел беше објавен денеска, на новинарско прашање дали Палестинците ќе имаат право да се вратат на териториите уништени од војната, Трамп одговори: „Не, нема, бидејќи ќе имаат многу подобро место за живеење“, рече тој.
„Со други зборови, зборувам за тоа да им изградам нивно постојано место, бидејќи ако треба да се вратат сега, ќе поминат години пред да можат да живеат таму, вие не можете да живеете таму“, додаде Трамп.
Кога Трамп минатата недела го прими израелскиот премиер Бенјамин Нетанјаху во Вашингтон, рече дека САД ќе ја преземат контролата врз Појасот Газа и дека ќе се ослободат од уништените згради со цел економски да ја развијат територијата. И според него, палестинското население треба да биде раселено. Неговите зборови беа осудени од многу земји во светот. Сега тој повтори дека Палестинците од Газа можат да одат да живеат во Јордан или Египет и покрај противењето на тие земји и многу други, како и на самите Палестинци, пренесуваат светските медиуми.
Во интервјуто, кое интегрално се очекува да биде објавено вечерва, американскиот претседател рече дека САД ќе градат „прекрасни заедници“ за околу два милиони жители на Газа.
„Ќе можат да имаат пет, шест или две. Но, ќе изградиме безбедни заедници, малку подалеку од местото каде што се, каде е целата оваа опасност“, додаде Трамп.
„Посветен сум на купување и поседување на Газа. Кога станува збор за тоа ние да го обновиме, би можеле да дозволиме и другите земји на Блискиот Исток да изградат делови од него. Други луѓе би можеле да го направат тоа под наше покровителство. Но, ние сме посветени да бидеме сопственици, да го преземеме и да се погрижиме Хамас да не се врати“, рече Трамп без да објасни од кого ќе ја купи Газа и како САД ќе бидат сопственик на таа територија, пишува Би-Би-Си.
Тој вети дека „ќе се грижи за Палестинците“.
„Тие не сакаат да се вратат во Газа, тие се враќаат само затоа што немаат алтернатива“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Франција прогласи високо ниво на тревога за птичји грип

Француските власти го зголемија нивото на тревога за птичји грип од средно на високо барајќи од живинарските фарми во целата земја да ја чуваат живината во затворен простор предупредувајќи дека Европа се соочува со сезонска епидемија на болеста.
„Уредбата со која се наредува зголемување на нивото на тревога од средно на високо е издадена по докази за инфекција кај дивите птици преселници во Европа, вклучително и Франција, и потврдени епидемии на неколку живинарски фарми“, соопшти француското Министерство за земјоделство, според „Ројтерс“.
Во соопштението на француското Министерство за земјоделство беше потврдено дека досега се откриени две епидемии на птичји грип на француските живинарски фарми и три кај домашните одгледувачи.
Првиот случај на птичји грип беше откриен кон средината на октомври на фарма за фазани и еребици на север од Франција.
Високо патогениот птичји грип е сезонска болест што ја шират птиците преселници, која често ги принудува одгледувачите од целиот свет да уништат десетици милиони птици за размножување.
Фото: принтскрин
Свет
Кина го тестира најбрзиот воз во светот

Најбрзиот воз во светот, CR450, почна серија тест-возења на брзата железница во Кина достигнувајќи брзина од 453 километри на час за време на едно возење.
Серијата возови CR450, дизајнирана за максимална тест-брзина од 450 километри на час и комерцијална брзина од 400 километри на час, моментно е во процес на квалификациски тестови на брзата линија што го поврзува источниот град Шангај со западниот град Ченгду, објави „Наука и технологија дејли“, објави „Синхуа“.
Брзиот воз достигнува забрзување од 350 километри на час за четири минути и 40 секунди.
Во споредба со претходниот модел CR400, моделот CR450 има подолг и поаеродинамичен нос, понизок покрив за 20 сантиметри и 50 тони помала тежина, што го намалува аеродинамичниот отпор за 22 процента.
Фото: принтскрин
Свет
Москва: Средбата Лавров – Рубио не е ниту закажана за да може да биде одложена

Средбата меѓу рускиот министер за надворешни работи Сергеј Лавров и американскиот државен секретар Марко Рубио бара подготовка, објави државната новинска агенција РИА повикувајќи се на рускиот заменик-министер за надворешни работи, Сергеј Рјабков. Очекуваната средба меѓу Рубио и Лавров се смета за клучен подготвителен чекор за вториот самит меѓу американскиот претседател Доналд Трамп и рускиот претседател Владимир Путин оваа година во Унгарија.
Висок руски дипломат изјави дека е прерано да се зборува за времето на можна средба на министрите за надворешни работи на Русија и САД, објави РИА.
„Москва работи на она што го разговараа рускиот министер за надворешни работи, Сергеј Лавров, и американскиот државен секретар, Марко Рубио“, изјави рускиот заменик-министер за надворешни работи, Сергеј Рјабков.
Лавров и Рубио вчераа разговараа на телефон. Рјабков рече дека прашањето за нивната средба не е конкретно споменато. Руското Министерство за надворешни работи, реагирајќи на веста дека средбата на шефовите на дипломатиите на САД и Русија е одложена, рече дека не може да се одложи нешто за што не е договорено.