Новоизбраниот претседател Доналд Трамп во новото интервју рече дека ќе размисли за промена на програмите за вакцинација за деца во Соединетите држави и се прашува дали вакцините предизвикуваат аутизам – нашироко отфрлено тврдење.

На прашањето во интервјуто за личност на годината за 2024 година на „Тајм“ дали би одобрил прекин на програмите за вакцинација за деца, Трамп рече дека ќе има голема дискусија со Роберт Ф. Кенеди, кого го номинираше на чело на министерството за здравство.

„Стапката на аутизам е на ниво на кое никој никогаш не верувал дека е можно да биде“, продолжи Трамп.

„Ако ги погледнете работите што се случуваат, има нешто што го предизвикува“, рече Трамп.

Тој не потврди експлицитно во интервјуто дека вакцините предизвикуваат аутизам, но изјави дека неговата администрација ќе изврши многу сериозно тестирање, по што сигурно ќе се знае што е добро, а што не, пренесе „Тајм“.

Но, само сугерирајќи дека може да има врска помеѓу вакцините и аутизмот, Трамп ја потврди својата усогласеност со дезинформациите кои со години ги поттикнуваат движењата против вакцините, додава весникот.

Трамп ја доведе во прашање безбедноста на детските вакцини и размислува за можната врска со аутизмот повеќе од една деценија.

„Кога растев, аутизмот навистина не беше фактор“, рече Трамп во интервјуто за South Florida Sun Sentinel во 2007 година.

„И сега одеднаш, тоа е епидемија. Секој има своја теорија. Мојата теорија, и ја проучувам затоа што имам мали деца, мојата теорија е боцкањето. Ги дававме овие масивни инјекции одеднаш, и навистина мислам дека тоа им прави нешто на децата“.

Меѓутоа, за време на неговиот прв мандат како претседател, Трамп ја надгледуваше операцијата Warp Speed, историски напор да се создаде вакцина како одговор на пандемијата Ковид-19. Во 2021 година, Трамп го нарече воведувањето на вакцините за Ковид-19 „едно од најголемите чуда на векот“.

Судејќи според неговите неодамнешни коментари – и неговиот избор на Кенеди да раководи со министерството се чини дека Трамп се враќа на своите постари, понегативни ставови за имунизацијата.

Кенеди во постизборните интервјуа изјави дека не планира да ги тргне вакцините од пазарот.

„Нема да одземам ничии вакцини. Никогаш не сум бил против вакцина. Ако вакцините делуваат за некого, нема да ги одземам“, изјави тој за „Ен-би-си“ во ноември.

Во своето интервју за личност на годината за „Тајм“, Трамп ја спомена можноста иднината на некои одобрени вакцини да биде доведена во прашање. „Тој не е дека не се согласува со сите вакцини“, рече Трамп за Кенеди. „Тој веројатно не се согласува за некои“.

Трамп додаде дека би можел да се ослободи од некои вакцини ако мисли дека не се корисни.

Повлекувањето на веќе одобрените вакцини од пазарот без јасен безбедносен императив веројатно ќе доведе до правни предизвици.

Бебе е пронајдено во контејнер во селото Малошиште кај Дољевац.

Плачот на новороденчето го чул минувач којшто ја алармирал Итната помош, јавува Република. рс.

Педијатарот во Домот за здравје, Милош Богословиќ вели дека 16 години е лекар и ова е една од најпотресните ситуации со кои се соочил бидејќи е татко на две деца.

Од полициската управа во Ниш за „Танјуг“ потврдија дека бебето е во стабилна состојба.

Педијатарот рече дека бебето е здраво, тешко 2.950 грама, а станува збор за девојче.

Неофицијално, според пишувањата на дел од српските медиуми, мајката го фрлила новороденчето во контејнерот, и е пронајдена.

Се истражуваат сите околности на овој настан, а известено е и Основното јавно обвинителство Ниш, јавуваат српските медиуми.

Доналд Трамп е личност на годината на магазинот „Тајм“.

„Неговата втора изборна победа е историска на повеќе начини“, објави Тајм при претставувањето на потесниот круг, во кој беа вклучени и Илон Маск и Кејт Мидлтон.

„Трамп ќе биде најстариот претседател во историјата на САД, кој по вторпат ќе ја преземе функцијата на возраст од 78 години и седум месеци. Кога Џо Бајден го започна својот мандат во 2021 година, тој имаше 78 години и два месеци. Трамп исто така ќе биде првиот осуденик избран за претседател“, објави „Тајм“, осврнувајќи се на неговата пресуда за фалсификување деловни документи за изборна измама.

Donald Trump is TIME’s Person of the Year https://t.co/IjP5W2otV5 pic.twitter.com/CVHX9o0DB3

— TIME (@TIME) December 12, 2024

Магазинот по вторпат го избра Доналд Трамп за личност на годината, откако првпат беше прогласен за личност на годината во 2016 година, кога ја победи Хилари Клинтон на претседателските избори и стана претседател на Соединетите Американски Држави.