Свет
Трамп предложил на мигрантите да им се пука во нозете

Американскиот претседател, Доналд Трамп, предложил да им се пука на мигрантите во нозете за да ги забави во обидот да ја преминат јужната граница, се наведува во новата книга напишана од двајца новинари на „Њујорк тајмс“, која ќе биде објавена на 8 октомври.
Според напишаното во книгата, Трамп на своите соработници им предложил екстремни методи за заплашување на мигрантите за да ги спречат да ја преминат јужната граница. Меѓу другото, им предложил изградба на електрифициран шилест граничен ѕид и мочуриште со змии и алигатори.
„Ме правите да изгледам како идиот“, им рекол Трамп на соработниците за време на состанокот кога тие не се согласиле со неговите предлози.
Меѓу присутните на состанокот била и тогашната државната секретарка за државна безбедност, Кирстен Нилсен, и тогашниот советник, неговиот зет Џарет Кушнер, кои го напуштиле состанокот во паника.
Книгата Border Wars: Inside Trump’s Assault on Immigration, напишана од страна на новинарите Мајкл Шар и Џули Дејвис, е заснована на интервјуа со повеќе од десетина неименувани функционери, а ја објави „Њујорк тајмс“.
Градењето ѕид на границата со Мексико е една од главните цели на политиката на Трамп. За изградбата на ѕидот Пентагон издвои 3,6 милијарди американски долари. Белата куќа не ги коментира последните извештаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Фон дер Лајен: Молдавија, повторно успеа, иднината е твоја

По парламентарните избори одржани во Молдавија, на кои победи проевропската Партија за акција и солидарност (ПАС), претседателката на Европската комисија, Урсула фон дер Лајен, денес на својот профил на социјалните мрежи објави пофалби за европската посветеност на земјата.
„Молдавија, повторно успеа. Ниту еден обид за ширење страв или поделба не можеше да ја скрши вашата решителност. Јасно го изразивте вашиот избор: Европа. Демократија. Слобода. Нашите врати се отворени и ние ќе стоиме покрај вас на секој чекор. Иднината е твоја“, рече Фон дер Лајен во соопштението на Х.
На парламентарните избори во Молдавија, кои се одржаа во неделата, владејачката молдавска проевропска Партија за акција и солидарност (ПАС) освои 46 проценти од гласовите, објави Централната изборна комисија откако беа преброени повеќе од 90 проценти од гласовите.
Прорускиот Патриотски блок доби 27 проценти поддршка од гласачите, беше потврдено од молдавската ЦИК, објави Ројтерс претходно.
Еден од лидерите на опозицијата, Игор Додон, прогласи победа пред да почнат да пристигнуваат резултатите и повика на протести пред парламентот денес.
Централната изборна комисија претходно објави дека повеќе од 1,59 милиони гласачи, или околу 51,9 проценти од регистрираните гласачи, го дале својот глас, вклучувајќи 264.000 Молдавци на гласачките места во странство.
Фото: принтскрин
Свет
Медведев: Европа нема да може да започне војна против Русија

Заменик-претседателот на Советот за безбедност на Русија, Дмитриј Медведев, изјави дека Европа нема да може да започне војна против Москва, но дека секогаш постои можност за фатален инцидент.
Тој ги нарече европските лидери „незначајни дегенерици, неспособни да го преземат товарот на одговорност за кое било сериозно прашање“.
„Им недостасува стратешко размислување, а камоли страста неопходна за успешни воени одлуки. Можноста за фатална несреќа секогаш постои. А хиперактивноста на кретенските идиоти не исчезна“, додаде Медведев.
Според Медведев, таков конфликт носи реален ризик од ескалација во војна со употреба на оружје за масовно уништување.
„На Русија, во принцип, не ѝ е потребна војна со никого, вклучително и со студената стара Европа. Нема што да добие таму. Европската економија е слаба и зависна од САД, а нејзината култура неславно се влошува“, рече тој, пренесува RT.
Според Медведев, Европа го губи својот идентитет, растворајќи се во агресивни мигранти.
Фото: принтскрин
Европа
Рекорден премин на Ламанш: 125 мигранти пристигнаа со еден брод

Рекорден премин на Ламанш беше забележан во саботата кога дури 125 лица пристигнаа во еден мал брод, што е досега најголем број патници во еден брод. Вкупно, речиси 900 мигранти го преминаа Ламанш во саботата, пишува Би-би-си.
Со ова е соборен претходниот рекорд од август, кога во еден брод имаше 106 лица. Официјалните податоци од Министерството за внатрешни работи потврдуваат дека 895 мигранти пристигнале во 12 бродови во саботата, со што вкупниот број на преминувања од почетокот на 2025 година достигна приближно 33.000.
Во сенка на нова трагедија
Веста доаѓа откако уште еден мигрант почина обидувајќи се да премине, а неговото тело беше пронајдено во неделата наутро на плажа во близина на Булоњ-сур-Мер во северна Франција, објави новинската агенција АФП.
Возраста и националноста на починатиот сè уште не се познати. Обвинителката на пристанишниот град, Сесил Гресиер, изјави за АФП дека истрагата ќе утврди дали постои врска помеѓу оваа смрт и обидот за премин во близина на Екиен-Плаж, каде што беше пронајдена 49-годишна жена и однесена во болница поради хипотермија.
Во саботата, две жени од Сомалија исто така ги загубија животите откако нивниот импровизиран чамец наиде на проблеми. Со ова, бројот на смртни случаи при обид за нелегално преминување од Франција во Велика Британија оваа година се искачи на најмалку 27.
фото: принтскрин