Полскиот министер за надворешни работи изјави дека Русија, а не Украина, треба да биде принудена на мировни преговори. Тој ги повика ЕУ и САД да и помогнат на Украина за да постигне подобра преговарачка позиција. „Москва, а не Киев, треба да биде принудена на мировни преговори, бидејќи Кремљ е тој што не сака мир“, изјави полскиот министер за надворешни работи Радослав Сикорски, а пренесува Дојче веле.

Поделбата на задачите треба да биде таква што и САД и Европската унија и помагаат на Украина да постигне подобра преговарачка позиција за потенцијалните идни преговори, кои треба да бидат поттикнати и принудени од агресорот, а не од жртвата, нагласи политичарот.

Според него, Европската унија треба „да се мобилизира уште повеќе“ во светлината на претстојната администрација на Доналд Трамп.

Идниот американски специјален претставник за Украина, Кит Келог, смета дека Доналд Трамп би можел да да ги покани украинскиот претседател Володимир Зеленски и рускиот претседател Владимир Путин на преговори во Вашингтон по неговата инаугурација и е убеден дека е можно решение за украинско-руското прашање „во следните неколку месеци“.

Дмитриј Медведев, заменик-претседател на рускиот Совет за безбедност, изјави дека украинското раководство ќе се соочи со неизбежна одмазда за убиството на високиот руски генерал, пренесе агенцијата РИА.

„Сфаќајќи ја неизбежноста на сопствениот воен пораз, започнуваат одвратни кукавички напади во мирните градови“, рече тој.

Генерал-полковник Игор Кирилов, шеф на силите за нуклеарна, биолошка и хемиска одбрана, е убиен од експлозивна направа поставена во електричен тротинет пред станбена зграда на околу 7 километри југоисточно од Кремљ, соопшти рускиот истражен комитет. Во експлозијата загина и неговиот помошник, додаде комитетот, опишувајќи го како „терористички чин“.

Атентатот се случи еден ден откако украинското обвинителство го обвини Кирилов за употреба на забрането хемиско оружје во војната против Украина.

Руски генерал, баран од Украина поради употреба на хемиско оружје, е убиен во експлозија во Москва, соопштија руските власти.

Генерал-полковник Игор Кирилов, шеф на силите за нуклеарна, биолошка и хемиска одбрана, е убиен од експлозивна направа поставена во електричен тротинет пред станбена зграда на околу 7 километри југоисточно од Кремљ, соопшти рускиот истражен комитет. Во експлозијата загина и неговиот помошник, додаде комитетот, опишувајќи го како „терористички чин“.

Lieutenant General of the russian armed forces' Chemical Weapons Department Igor Kirilov was blown up in moscow.
The Security Service of Ukraine reported him in absentia on suspicion.
He is responsible for the massive use of banned chemical weapons. #Ukraine #RussiaIsCollapsing pic.twitter.com/ZL6gH0ynmo

— Himars (@HimarsAtacms) December 17, 2024

Извор запознаен со операцијата изјави за Си-ен-ен дека украинските безбедносни служби стојат зад атентатот на Кирилов.

„Кирилов беше воен злосторник и апсолутно легитимна цел, имајќи предвид дека издал наредби за употреба на забранети хемиски супстанци против украинската армија. Таков неславен крај ги чека сите оние што убиваат Украинци. Одмаздата за воените злосторства е неизбежна“, рекол изворот.

Рускиот истражен комитет соопшти дека кривичната истрага за смртта е во тек, додавајќи дека на местото на настанот работат иследници, форензичари и оперативни служби. Се спроведуваат истражни дејствија и дејствија за оперативно-пребарување за утврдување на сите околности на кривичното дело“, соопштија од комисијата.

На снимката објавена на руските канали Телеграм се гледаат членови на итната помош како одат пред разрушениот влез во зградата, додека две тела лежат во снегот. „Најпрво помисливме дека можеби е истоварен цемент или нешто слично. Меѓутоа, експлозијата беше толку силна што не изгледаше како градежна работа. Беше многу страшно“, вели локален жител.

Се појави и фотографија на која се гледа изгорениот електричен скутер. Извор на Би-Би-Си истакна дека експлозивот бил активиран кога Кирилов и неговиот помошник се приближиле до зградата.

Моќта на експлозивната направа, која била активирана од далечина, била околу 300 грама ТНТ, пренесе руската државна новинска агенција ТАСС. Местото на експлозијата е опколено. Атентатот се случи еден ден откако украинското обвинителство го обвини Кирилов за употреба на забрането хемиско оружје во војната против Украина.