Свет
Трамп се закани со затворање социјални мрежи и доби брз одговор од основачот на „Твитер“

Американскиот претседател, Доналд Трамп, вчера се закани дека ќе донесе регулативи поврзани со социјалните мрежи и веќе денес планира да потпише извршна наредба во врска со овие платформи.
Гневот на американскиот претседател е насочен, пред сè, кон неговата омилена платформа „Твитер“, која неделава првпат покрај твит на Трамп објави предупредување дека е неопходно да се проверат фактите во неговите наведени изјави, кои, според многумина, не биле вистинити.
„Републиканците сметаат дека социјалните мрежи целосно ги задушуваат конзервативните гласови. Ние ќе донесеме силни регулативи или попрво ќе ги затвориме отколку да допуштиме такво нешто да се случува“, напиша Трамп на „Твитер“.
Доцна синоќа, секретарката за медиуми на Белата куќа, Кејли мек Енејни, објави дека Трамп ќе потпише извршна наредба во врска со социјалните медиуми, без да прецизира детаљно за што станува збор.
Синоќа, основачот на „Твитер“, Џек Дорси, индиректно му одговори на претседателот велејќи дека компанијата ќе продолжи да укажува на неточни или контроверзни информации за изборите воопшто.
„Ова нас нè прави арбитри на вистината“, напиша Дорси на „Твитер“.
„Клучно е да се даде поголема транспарентност од наша страна“, истакна тој.
„Твитер“ им порача на луѓето дека може да ги обезбеди линковите до нови вести, кои честопати се во спротивност со оние што ги нуди Трамп. Тој неодамна изнесе теорија на заговор дека ТВ-презентер, кој претходно бил пратеник, ја убил својата помошничка за време на неговиот мандат во парламентот.
Семејството на жената, која починала од природна смрт, побарала од „Твитер“ да ги отстрани објавите, но компанијата одбила.
Со години во републиканските кругови се создава јаз кон некои големи социјални мрежи, кои ги обвинуваат дека промовираат либерални идеи и политики.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најмалку 57 лица, главно деца, починаа од глад во Газа

Најмалку 57 лица, главно деца, починаа од глад во Појасот Газа од почетокот на израелската офанзива на 7 октомври 2023 година, изјави денеска директорот на теренските болници во Газа, Марван ал-Хамс.
„Бројот на смртни случаи поврзани со неисхранетост продолжува да расте поради тековната израелска блокада и речиси колапсот на здравствениот сектор“, рече Ал-Хамс.
Тој истакна дека мнозинството жители страдаат од анемија поради лоша исхрана и недостиг на основни залихи на храна, а теренските болници се сведоци на зголемен број случаи на анемија кај дарителите на крв, што ги попречува службите за Итна медицинска помош.
Ал-Хамс, исто така, предупреди дека пациентите со хронични заболувања, вклучувајќи рак и откажување на бубрезите, „умираат тивко“ поради недостиг на третман и специјализирана грижа.
„Повредените и хронично болните имаат потреба од итна грижа што повеќе не можеме да ја обезбедиме“, рече Ал-Хамс, истакнувајќи дека само неколку теренски болници сè уште работат, главно управувани од волонтери.
Регион
Претседателот Вучиќ го хоспитализирале поради висок притисок и болка во градите

Кардиологот, бригадниот генерал Драган Динчиќ, кој, според него, долги години учествува во лекувањето на српскиот претседател Александар Вучиќ и неговиот претходник Борис Тадиќ, изјави дека Вучиќ ненадејно се вратил од САД бидејќи почувствувал силна болка во градите која траела неколку секунди, како што рекол самиот Вучиќ.
Меѓутоа, како што рекле другите присутни во тој момент, според Динчиќ, таа болка траела нешто подолго. Според Динчиќ, болката е поврзана со високиот крвен притисок на Вучиќ, кој 45 минути по земањето на терапијата изнесувал 165/98.
Кардиологот Динчиќ оценил дека притисокот пред терапијата веројатно бил многу поголем.
Наведе и дека во последните повеќе од 10 години, во три наврати, Вучиќ имал слични заболувања кои најчесто се поврзани со екстремно високи вредности на крвниот притисок.
Претседателот си ја зеде дополнителната терапија, која беше доста интензивна, а по 45 минути, кога пристигна тимот лекари од САД, измерените вредности на крвниот притисок беа 165/98, што јасно покажува дека притисокот пред да се земе терапијата бил значително поголем отколку во моментот на мерењето. При прегледот во ВМА каде што пристигна денеска околу 13 часот, немаше проблеми и се чувствуваше добро – изјави Динчиќ.
Тој рече и дека по потребните прегледи и анализи, Конзилиумот на лекари на ВМА констатирал дека моменталната здравствена состојба на Вучиќ е стабилна и задоволителна.
Регион
Сериозно е нарушена здравствената состојба на Александар Вучиќ

Александар Вучиќ ја откажа планираната посета на САД поради влошување на здравствената состојба и побара медицинска помош веднаш по враќањето во Белград, објави претседателката на српскиот Парламент, Ана Брнабиќ.
Таа изјави дека здравствената состојба на шефот на државата Александар Вучиќ, кој го прекина престојот во Флорида и попладнево се врати во Белград, е сериозно нарушена.
Вучиќ бил примен на Военомедицинската академија, каде што го пречекале министерот за здравство Златибор Лончар и Драган Динчиќ, поранешен лекар на поранешниот претседател на Србија Борис Тадиќ, објави „Блиц“.
Ана Брнабиќ изјави дека била планирана средба меѓу Вучиќ и американскиот претседател Доналд Трамп на Флорида.