Свет
Трамп се исмева со Французите поради нивната војска: Учеле германски пред да дојдеме ние

Американскиот претседател, Доналд Трамп, благо речено, не е воодушевен од идејата на Емануел Макрон и Ангела Меркел за создавање европска армија. Гневот по однос на ова прашање тој го истури на социјалната мрежа „Твитер“, каде што на Французите им се потсмеваше поради нивниот слаб отпор во Втората светска војна.
Трамп уште минатата недела предлогот на Макрон го нарече многу навредлив бидејќи францускиот претседател во едно интервју истакна дека Европа треба да има своја армија за да не зависи од САД. Во истото интервју Макрон порача дека Франција мора да се заштити од хакирање од страна на Русија, Кина, па дури и во САД, што Трамп намерно или ненамерно го протолкува како заштита поради која е потребна европската армија.
Сепак, се чинеше дека францускиот и американскиот претседател се издигнаа над спротивставените ставови кога се сретнаа на одбележувањето на годишнината од крајот на Првата светска војна во Париз.
Но, новиот испад што Трамп го направи на „Тивтер“ сугерира дека тој е далеку од помирување со својот француски колега. Имено, во серија твитови Трамп отворено се исмеa на сметка на Французите.
„Емануел Макрон предлага воспоставување војска со цел Европа да се заштити од САД, Кина и од Русија. Сепак, Германија беше непријателска земја во Првата и Втората светска војна – како тоа се одрази на Франција? Почнаа да учат германски во Париз пред да дојдат силите на САД. Или платете за НАТО или не“, гласи твитот на Трамп со кој тој го почна својот виртуелен напад врз Франција.
Emmanuel Macron suggests building its own army to protect Europe against the U.S., China and Russia. But it was Germany in World Wars One & Two – How did that work out for France? They were starting to learn German in Paris before the U.S. came along. Pay for NATO or not!
— Donald J. Trump (@realDonaldTrump) November 13, 2018
Трамп потоа се префрли на својата втора најголема забелешка кон европските сојузници – трговијата.
„Што се однесува до трговијата, Франција произведува одлично вино, но тоа го прави и САД. Проблемот е што Франција силно ја отежнува продажбата на американски вина на своја територија и наплаќа високи царини, а САД го олеснува увозот на француски вина и наплаќа многу ниски царини. Тоа не е фер и мора да се промени“, смета американскиот претседател.
On Trade, France makes excellent wine, but so does the U.S. The problem is that France makes it very hard for the U.S. to sell its wines into France, and charges big Tariffs, whereas the U.S. makes it easy for French wines, and charges very small Tariffs. Not fair, must change!
— Donald J. Trump (@realDonaldTrump) November 13, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција воведува социјални станови за справување со станбената криза

Грчката влада најави две нови мерки за ублажување на една од најтешките станбени кризи во Европа — воведување социјален наем и социјални станови.
Министерката за социјална кохезија и семејство Домна Михаилиду изјави дека проектите ќе се базираат на користење на запуштени државни имоти, меѓу кои и поранешни воени кампови во Атина, Солун и Патра, каде ќе се изградат 1.500–1.700 станови за домаќинства со средни приходи.
Втората мерка предвидува јавнo-приватно партнерство: приватните инвеститори ќе ги обновуваат напуштените јавни згради, а на државата ќе ѝ препуштаат најмалку 30 отсто од новите станови.
Иако мерките се оценети како позитивен чекор, експертите предупредуваат на бавни административни постапки и сложеност на имотните односи, што може да го успори процесот.
Според анализата на платформата „Просперити“ просечната цена на недвижнините во Грција достигнува 300.000 евра, додека новоградбите се достапни само за висока класа. Стапката на сопственост паднала за 12 отсто, а младите сѐ потешко доаѓаат до свој дом.
„Просперити“ предлага дополнителни решенија — наем со можност за купување, државни гаранции и даночни олеснувања, како и попрогресивен данок за празни станови и создавање национална база на податоци за недвижнини.
Како што вели Антониос Маркопулос од „Просперити“: „Клучот за стабилизирање на пазарот е транспарентност.“
Фото: архива
Регион
Стармер: Балканот е европско искушение

Британскиот премиер Кир Стармер (Кир) го опиша Западен Балкан како европски „казан“, отворајќи го денес самитот со лидерите во Лондон, кој е главно фокусиран на решавање на предизвикот со миграцијата, објави Радио Слободна Европа (RSE).
Премиерот е домаќин на лидерите на шесторката од Западен Балкан – Северна Македонија, Црна Гора, Србија, Албанија, Босна и Херцеговина и Косово, додека Велика Британија се обидува да се договори за понатамошни мерки за намалување на бројот на мигранти кои доаѓаат нелегално.
Велика Британија, според написите, е во тековни преговори со некои од земјите за домаќинство на таканаречени центри за враќање каде што Велика Британија би можела да ги испрати одбиените баратели на азил пред да бидат депортирани.
„Регионот е опишан како раскрсница на Европа, но честопати бил и европско искушение – казан каде што безбедноста на нашиот континент е ставена пред искушени“, рече британскиот премиер.
Стармер додаде дека разговорите ќе се фокусираат на безбедноста, миграцијата и економскиот раст, и дека лидерите ќе разговараат за тоа како да се справат со „малигното влијание“ на Русија, како и за искоренување на корупцијата и вообичаените миграциски прашања.
„Западен Балкан долго време е витална транзитна рута за криминални банди на шверцери. Не сакате да ги видите овие банди како дејствуваат на ваша територија, а сите ние ги трпиме последиците од нивните постапки“, рече Стармер.
Покрај лидерите од Србија, Црна Гора, Босна и Херцеговина, Косово, Северна Македонија и Албанија, британскиот премиер ги пречека претставниците на Германија, Франција и другите членки на ЕУ на Самитот во Лондон, додека британскиот крал Чарлс III организираше прием за учесниците.
Самитите на Берлинскиот процес се одржуваат еднаш годишно, а последниот беше во октомври 2024 година во Берлин.
Фото: принтскрин
Свет
Захарова го нарече полскиот министер за надворешни работи „Осама бин Сикорски“

Марија Захарова, портпаролка на руското Министерство за надворешни работи, го нарече полскиот министер за надворешни работи Радослав Сикорски „Осама бин Сикорски“ по неговиот повик до Киев да изврши терористички напад врз нафтоводот „Дружба“, кој ги снабдува Унгарија и Словачка со руска нафта, објавува Спутник.
„Полскиот министер за надворешни работи Сикорски, одговарајќи на унгарскиот министер за надворешни работи Петер Сијарто, изрази надеж дека нафтоводот „Дружба“ ќе биде дигнат во воздух. Кои други објекти од цивилната инфраструктура, од гледна точка на Осама бин Сикорски, треба да бидат уништени?“, напиша Захарова на својот Телеграм канал.
Порано денес, полскиот министер практично го покани режимот во Киев да изврши терористички напади врз нафтоводо„Дружба“, кој ги снабдува Унгарија и Словачка со руска нафта, изразувајќи надеж дека украинските вооружени сили ќе успеат да го онеспособат, според написите.
Претходно, Окружниот суд во Варшава го отфрли барањето на Германија за екстрадиција на украински државјанин осомничен за саботажа на гасоводите „Северен тек“ и нареди негово итно ослободување, објавија медиумите.
Унгарскиот министер за надворешни работи Петер Сијарто на 22 август објави дека снабдувањето со нафта за Унгарија преку гасоводот „Дружба“ е суспендирано по трет пат во последно време поради украинскиот напад. Словачка и Унгарија потоа поднесоа жалба до Европската комисија во врска со прекините во испораката на нафта и побараа гаранции за нивната безбедност. Унгарскиот министер за надворешни работи, исто така, објави дека унгарските власти му забраниле на Роберт Бровди, командантот на беспилотните системи на украинските вооружени сили, влез во земјата и, следствено, во Шенген зоната. Подоцна, на маргините на Руската недела на енергија, Сијарто им изјави на новинарите дека нападите врз нафтоводот „Дружба“ всушност се напади врз суверенитетот на Унгарија.
Фото: принтскрин