Свет
Трамп: Тие ја криеја вакцината за да не победам

Американскиот претседател, Доналд Трамп, повторно проговори, овој пат со обвинувања дека се криела веста за ефикасната вакцина против коронавирусот за да не победи на изборите.
Имено, како што објави во новата серија твитови, компанијата „Фајзер“ и другите само чекале да завршат изборите за да најават откривање ефикасна вакцина против коронавирусот.
„Тие немаа храброст да го сторат тоа порано“, рече Трамп додавајќи дека американската Агенција за лекови требала да го објави тоа порано не од политички причини, туку за да може да се спасат животи.
As I have long said, @Pfizer and the others would only announce a Vaccine after the Election, because they didn’t have the courage to do it before. Likewise, the @US_FDA should have announced it earlier, not for political purposes, but for saving lives!
— Donald J. Trump (@realDonaldTrump) November 10, 2020
Тој додаде дека споменатата агенција и Демократската партија не сакале тој да забележи победа со откривањето на вакцината, туку чекале пет дена за да ја објават.
The @US_FDA and the Democrats didn’t want to have me get a Vaccine WIN, prior to the election, so instead it came out five days later – As I’ve said all along!
— Donald J. Trump (@realDonaldTrump) November 10, 2020
Како што се очекуваше, Трамп го спомна (идниот претседател) Бајден.
If Joe Biden were President, you wouldn’t have the Vaccine for another four years, nor would the @US_FDA have ever approved it so quickly. The bureaucracy would have destroyed millions of lives!
— Donald J. Trump (@realDonaldTrump) November 10, 2020
„Да беше Бајден претседател, немаше да имате вакцина уште четири години, ниту ФДА ќе ја одобреше толку бргу. Бирократијата ќе уништеше милиони животи“, рече тој.
Трамп, се разбира, не застана тука. Тој ги нападна и медиумите затоа што, како што рече, прогнозата на изборните резултати беше толку лоша што, всушност, претставуваше мешање во изборите и тие требаше да бидат oтповикани поради тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во Мјанмар се регистрирани 81 последователен потрес, од кои најсилниот бил со јачина од 7,5 степени

Според податоците на Министерството за метеорологија и хидрологија на Мјанмар, од разорниот земјотрес на 28 март до денес, во таа земја се регистрирани 81 последователен потрес, со јачина од 2,8 до 7,5 степени според Рихтеровата скала, јави Ксинхуа.
Тие потреси следеа по земјотресот со јачина од 7,7 степени што го погоди Мјанмар на 28 март во 12:51 часот. локално време.
Бројот на загинатите во земјотресот се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.
Свет
Најмалку 47 лица повредени во судир на два туристички автобуси во Токио

Најмалку 47 лица, претежно странски државјани, се повредени денеска во судир на два туристички автобуси на автопатот во западниот дел на Токио.
Никој од повредените не е во животна опасност, а судирот се случил околу 10.15 часот во близина на влезот во тунелот Коботоке на автопатот, јави Кјодо.
Автобусите претходно тргнале од железничката станица во Токио и патувале до езерото Кавагучи во соседната префектура Јаманаши.
Според полицијата, автобусите кои биле под управа на истата компанија постојано забрзувале и намалувале поради гужвата на патот, а несреќата се случила кога возачот на последниот автобус не забележал дека првиот автобус закочил.
Свет
Јапонски борбени авиони го придружуваа летот на рускиот авион Ил-20 над јапонските острови

Јапонски борбени авиони го придружуваа летот на рускиот извидувачки авион Иљушин Ил-20 кој прелета над западниот брег на јапонските острови Хокаидо и Хоншу во Јапонското Море, по што се сврте кон копното, соопшти денеска јапонската војска.
Армијата вели дека тоа се случило во петокот, пренесе Интерфакс.
Се посочува дека биле ангажирани ловци на северните сили на јапонската воздушна одбрана, како и други борбени авиони, пренесува Танјуг.