Свет
Трамп: Ќе бидам многу разочаран ако Ким продолжи со нуклеарни проби
Претседателот на САД, Доналд Трамп, изјави дека ќе биде незадоволен доколку како точни се покажат извештаите дека Северна Кореја обновува лансирна рампа кога лидерот на оваа земја во Виетнам му ветил дека ќе ја продолжи забраната за нуклеарни и ракетни проби.
„Јас би бил многу, многу разочаран од претседателот Ким“, изјави Трамп запрашан од новинарите во врска со извештаите за обнова на лансирната станица „Сохае“ во Северна Кореја, која се наоѓа во ридовите северозападно од Пјонгјанг, пренесува агенцијата АП.
Сателитски снимки покажале нова активност во оваа лансирна станица во Северна Кореја и предизвикаа нови сомнежи дека Ким Џонг-ун навистина има намера да се откаже од нуклеарното оружје. Сепак, Трамп изјави дека сè уште се надева на договор кој лидерите на двете земји не усепаја да го постигнат на самитот минатата недела.
Трамп изјави дека неговиот однос со лидерот на Северна Кореја и натаму останува добар. Тој се обидува да ги нормализира односите со Северна Кореја и фаворизира директни разговори со Ким, но до нивниот трет состанок, кој веќе се споменува, преговорите, најверојатно, ќе се водат на пониско ниво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Москва мора да започне со производство на ракети со среден и краток дострел
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.