Свет
Трамп: Ќе ја блокирам работата на Владата ако не добијам пари за границата

Претседателот на САД, Доналд Трамп, повтори дека ќе ја блокира работата на Владата доколку во Конгресот не ги добие средствата кои ги бара за обезбедување на границата, вклучувајќи и изградба на ѕид кон Мексико.
,,Нема да имам никаков проблем да ја ‘изгаснам’ Владата доколку не добиеме согласност за обезбедување на границата по сите овие години на расправа за тоа во САД“, изјави Трамп на прес-конференција со италијанскиот премиер Џузепе Конте.
Тој додаде дека тие двајцата го делат мислењето дека силните нации мора да имаат силни граници. Трамп, сепак, нагласи дека остава простор за разговори без поставување црвени линии.
Иако републиканците ги контролираат двата дома на Конгресот, Трамп постојно ги обвинува демократите за неусвојувањето закони со кои ќе се променат условите за влез на мигрантите во Америка.
,,Време е на вистинскиот начин да ја обезбедиме нашата граница. Имаме најлоши имиграциони закони на светот”, оцени Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Свет
Песков: Путин верува дека секоја средба со Зеленски мора да биде добро подготвена

Русија не го отфрла предлогот претседателот Владимир Путин да се сретне со украинскиот претседател Володимир Зеленски, но таа мора да се базира на претходно договорени услови.
„Путин верува дека секоја средба на највисоко ниво мора да биде добро подготвена и да ги потврди резултатите постигнати на професионално ниво“, изјави денес портпаролот на Кремљ, Дмитриј Песков.
„Во моментов, дипломатското ниво не е многу активно“, продолжи Песков. Тој се осврна на вчерашната изјава на Фридрих Мерц кога германскиот канцелар рече дека повеќе не очекува средба меѓу Путин и Зеленски.
Претседателот на САД, Доналд Трамп, минатата недела за време на состанокот во Белата куќа со Зеленски и европските лидери сугерираше дека таква средба би можела да се одржи во следните две недели.
„Нашиот интерес и подготвеност за такви преговори остануваат“, рече Песков пред патувањето на Путин во Кина задутре.
Портпаролот на Кремљ рече дека Русија ги доставила сите свои барања за прекин на конфликтот во писмена форма. Москва, исто така, бара Киев да ги предаде анектираните територии на Русија.