Свет
Трамп: Ќе ја обединиме нашата земја

Новоизбраниот американски претседател Доналд Трамп им порача во четвртокот на Американците дека ќе ја обедини нацијата, и најави промени какви што Америка не видела со децении.
„Ќе ја обединиме нашата земја. Ќе направиме работи кои за нашата земја не се сторени многу многу децении,тоа ви го ветувам“, изјави Доналд Трамп обраќајќи им се на илјадниците приврзаници на концертот во пресрет на неговата инаугурација одржан пред Лонколновиот меморијален центар во Вашингтон.
Трамп во својот говор уште еднаш вети дека ќе ги врати американските работни места, ќе ја подигне војската и ќе ги зајакне државните граници.
„Сите се заморивме гледајќи што се случува. Сакавме промени, но вистински промени. Јас гледам нанапред. Ќе видиме нешто што ќе биде неверојатно“, додаде новиот американски претседател.
Трамп говореше само шест минути, со повторување на реториката од предизборната кампања. Ја пофали својата кампања како „движење“ кое никогаш претходно не е видено во САД. Додаде како ја почнал во јуни 2015 година, и им порача на своите приврзаници дека тој е само нивниот гласник.
Им се заблагодари на изведувачите на прославата под мотото „Make America Great Again“, додавајќи дека неговиот тим предложил концертот да се одржи пред Линколновиот центар, споменикот подигнат во чест на 16-от претседател на САД.
„Требаше да биде мал концерт. Меѓутоа, дојдовме на идејата зошто тоа да не го сториме пред Линколновиот меморијал. Мислам дека никој претходно тоа не го сторил“, рече Трамп.
Меѓутоа, американските медиуми веднаш излегоа со податоците дека концерти на истото место пред инаугурацијата имале и Џорџ В. Буш, како и Барак Обама, На прославата на Обама во 2009 година настапија Бијонсе, Брус Спрингтинс и U2, а имало повеќе од 400.000 луѓе, според медиумите.
На концертот на Трамп настапија кантри пејачите Тоби Кеит и Ли Гренвуд, рок бендот 3 Doors Down, потоа The Piano Guys, DJ RaviDrum и Frontmen of Country.
Пред доаѓањето на концертот, Доналд Трамп заедно со идниот потпретседател Мајк Пенс ги посети гробиштата Арлингтон, положувајќи венец на гробот на незнајниот јунак.
Претседателската, 58-ма по ред, инаугурација ќе започне во петокот, на вообичаениот датум 20-ти јануари во 9 часот по локално време. Доналд Трамп ќе биде 45-от претседател на САД, а заклетвата ќе ја положи на истото место како и неговите претходници, на церемонијата пред Капитол Хил во Вашингтон./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Хаос по поплавите на омилените дестинации во Грција: „Се’ се случи за два часа“

Грчките острови Парос и Миконос, популарни меѓу туристите за време на летната сезона, во понеделникот вечерта беа погодени од поројни поплави, а локалните власти соопштија дека се очекува обилните врнежи да продолжат во регионот.
Властите на Парос изјавија дека пожарникарите морале да спасат 13 лица кои се нашле во неволја поради поплавите.
Градоначалникот на Парос, Костас Бизас, изјави дека надојдените води го напуштиле своето корито во рибарското село Науса, поплавувајќи продавници и куќи и носејќи речиси 40 возила.
#NEWS – #Maltempo in #Grecia, dopo forti piogge improvvise inondazioni nelle isole #Cicladi
Ingenti danni a #Paros, nel villaggio di #Naousa, e a #Mikonos#video dalla rete#31marzo #Greece #floods #weather #Lluvias #Meteo #Weather #flooding #cyclades #island @vinmorgante pic.twitter.com/uubDp1lZPq
— Tv2000.it (@TV2000it) March 31, 2025
Според Ројтерс, властите на Парос се соочиле со потешкотии при отстранувањето на возилата кои биле разнесени од калливите порои по патиштата и населените места.
„Патиштата се оштетени и ни требаат повеќе машини за да можеме да ги исчистиме улиците“, изјави градоначалникот Бизас. „Целата катастрофа се случи за само два часа“, додаде тој.
Several cars swept way by heavy floods in Naousa of Paros, Greece 🇬🇷 (31.03.2025) pic.twitter.com/xCf36HJ8TU
— Disaster News (@Top_Disaster) March 31, 2025
Во Миконос паднал и град.
Severe flooding in Naousa, Paros, Greece, cars swept away by floods. pic.twitter.com/8plRLLrQOL
— Disasters Daily (@DisastersAndI) March 31, 2025
Агенцијата за цивилна заштита предупреди дека жителите на Парос и Миконос не треба да излегуваат од своите домови.
Се очекува обилните врнежи да се преместат кон островите Хиос, Самос и Икарија.
Flash Flood after heavy rain in Naousa, Paros Island, Greece pic.twitter.com/sH5sMXeb5R
— Disasters Daily (@DisastersAndI) March 31, 2025
Breaking 🚨: Severe flooding hits Greece, leaving streets submerged and homes evacuated.
Authorities report heavy rainfall overwhelming drainage systems.
Rescue operations are underway as residents are urged to stay safe. pic.twitter.com/3hikG5STXM
— WorldsQuant (@WorldsQuant) March 31, 2025
Според метеоролошката служба, дождот проследен со ветрови до 74 километри на час претставува опасност и се очекува да продолжи и вечерва.
Училиштата и градинките на островите Парос, Миконос, Родос, Кос, Калимнос, Сими и Тилос се затворени од претпазливост.
Грција во декември 2024 година беше погодена од опасно невреме. Тогаш најмногу настрадаа островите Родос и Лемнос.
Свет
Трамп случајно депортирал невин човек во озлогласен затвор: „Се извинуваме“

Абрего Гарсија е далеку од член на банда, иако никогаш не добил американско државјанство. Единствената информација која упатувала на ова била стара неколку години и дошла од доушник.
Без оглед на тоа, Абрего Гарсија бил депортиран во озлогласниот затвор CECOT во Ел Салвадор, каде што се држат криминалци кои извршиле најтешки злосторства, а повеќето од затворениците доаѓаат од банди како МС-13.
Кога тој бил депортиран во Ел Салвадор, откриваат судските документи, администрацијата на Трамп се извинила и соопштила дека имало процедурална грешка.
Сепак, Абрего Гарсија не може да се врати во САД. Со неговото депортирање во Ел Салвадор, неговиот статус е префрлен во јурисдикција на оваа земја, која сега има право да го приведе или да го врати во Америка.
Поради овој „административен неуспех“, како што го опишаа членовите на тимот на Трамп, неговото семејство е во страв, а според Си-Ен-Ен, истото го чувствуваат и многу други имигранти во САД, дури и оние кои се под заштита во Америка.
Абрего Гарсија останал во САД, според судската одлука од 2019 година, бидејќи „би бил изложен на ризик од насилство од бандите доколку се врати во Ел Салвадор“. Тој дошол во САД на 16-годишна возраст. Иако тие се извинија и рекоа дека имало грешка, ова е втор пат администрацијата на Трамп отворено да ги игнорира судските одлуки за имиграцијата.
За прв пат тоа беше случај со депортацијата на повеќе од 200 граѓани на Венецуела, кои администрацијата на Трамп ги опиша како „членови на банда“, а која беше запрена од повисокиот суд во Вашингтон. Без оглед на одлуката на судијата Џејмс Боасберг, овие лица биле депортирани во Ел Салвадор.
Свет
(Видео) Експлозија во фабрика за пиротехника во Индија, загинаа најмалку 18 лица

Најмалку 18 лица загинаа денеска во експлозија во фабрика за петарди во индустриска зона во областа Банасканта во индиската сојузна држава Гуџарат.
„Осумнаесет лица загинаа во инцидентот, а пет се повредени откако ѕидот на зградата се урна по огромна експлозија“, изјави началникот на полицијата Акшајрај Маквана.
#Gujarat નાં બનાસકાંઠા જિલ્લાનાં ડિસામાં ફટાકડા ફેક્ટરીમાં લાગી આગ, 18 લોકોનાં થયાં મૃત્યુ
🔥ફેક્ટરીમાં વિસ્ફોટ થવાથી લાગી આગ, જેના લીધે ઈમારતને થયું નુકસાન
🔥ઈમારતનાં કાટમાળમાં ઘણાં શ્રમિકો ફસાયાં
#गुजरात #Banaskantha #FIRE #GujaratFactoryFire #death #Deesa #Boiler pic.twitter.com/GU0sUePlWR— AIR News Gujarat (@airnews_abad) April 1, 2025
Повеќето од жртвите се работници од државата Мадја Прадеш и членови на нивните семејства.
Експлозијата се случила во фабриката околу 9:45 часот, а спасувачките екипи ги расчистуваат урнатините, јавуваат локалните медиуми.
Тим на Државните сили за одговор при катастрофи (SDRF) исто така беше на лице место за да помогне во спасувачките операции, изјавија официјални лица за новинската агенција „ПТИ“.