Европа
Трас: Се борам, не се откажувам
Британската премиерка Лиз Трас изјави дека е борец кој нема да се откаже додека се обидува да го потврди својот авторитет врз немирните редови на Конзервативната партија денес поради сè позачестените медиумски извештаи дека повиците за нејзино соборување се зголемуваат.
Трас се обидува да собере поддршка во партијата откога беше принудена да се откаже од планот за намалување на даноците поради што некои конзервативни пратеници побараа нејзино соборување од лидерската функција само неколку недели по преземањето на функцијата премиер.
Таа призна дека нејзините радикални економски планови отишле премногу бргу откога инвеститорите им свртеле грб на фунтата и на државните обврзници.
Но, кога каматните стапки растат и официјалните бројки покажуваат дека инфлацијата е највисока во последните 40 години, Трас, избрана од конзервативните пратеници со ветување дека ќе ги намали даноците и ќе ја одржи јавната потрошувачка, се соочува со битка да ги убеди јавноста и нејзината партија дека може да одговори на кризата.
Анкетите на јавното мислење покажуваат дека конзервативците заостануваат триесетина поени зад главната опозициска Лабуристичка партија, а нејзиниот рејтинг е катастрофален.
Бев многу јасна дека ми е жал и дека грешам“, им рече Трус на опозициските пратеници додека одговараше на прашања во парламентот.
„Јас сум некој што е подготвен да се соочи со тоа. Подготвен сум да донесам тешки одлуки“.
Шпекулациите за иднината на премиерката продолжуваат да растат, а медиумите пишуваат дека бунтовните конзервативци одмеруваат кој треба да ја замени и дали треба да замине.
„Мислам дека нејзината позиција станува сè понеодржлива“, изјави претходно конзервативниот пратеник Стив Дабл, за „Радио тајмс“, пренесува „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Околу 500 патници заглавени во авиони поради снег во Минхен
Околу 500 патници останале заглавени во авиони на аеродромот во Минхен, откако нивните летови биле откажани поради обилни снежни врнежи. Иако дел од авионите биле подготвени за полетување, патниците не можеле да се вратат во терминалот поради недостиг на автобуси и зафатени паркинг-позиции за авионите.
Повеќе од 100 летови планирани за четврток навечер биле откажани поради снегот, а дел од патниците ја поминале целата ноќ во леталата.
Лоша логистика и ограничен капацитет
Според портпарол на авиокомпанијата Луфтханза, дури и летовите што добиле специјални дозволи за ноќно полетување не можеле да тргнат. Како причина се наведува тоа што сите паркинг-места за авиони во близина на терминалот биле веќе зафатени, а капацитетот на автобусите за превоз на патници бил ограничен.
„Во тој момент сите паркинг-места кај терминалот беа исполнети, а бројот на автобуси е ограничен“, изјавил портпаролот, додавајќи дека организацијата на автобускиот превоз е во надлежност на аеродромот.
Летови кон повеќе европски и светски дестинации
Според информациите на Луфтханза, погодени биле летови кон Сингапур, Копенхаген, Гдањск, Грац и Венеција. Дури во раните утрински часови автобуси пристигнале и ги превезле патниците до терминалот.
Од аеродромот во Минхен кратко соопштиле: „Жалиме за непријатностите што настанаа“.
Студен бран во регионот
Ледениот бран изминатите денови го зафати и Виена, додека хаос беше пријавен и во Марибор, каде што голем број жители останаа без струја, а дел и без вода.
Поради состојбата, во поширокото подрачје на вториот по големина град во Словенија беше прогласена вонредна состојба.
Европа
Уапсени двајца тинејџери во Франција: планирале терористички напад
Двајца 16-годишници беа уапсени претходно оваа недела во северна Франција под сомнение за планирање напади врз трговски центар или концертна сала, соопшти канцеларијата на францускиот обвинител за антитероризам во петокот.
Апсењата спречија планиран напад, соопшти канцеларијата, пренесува Ројтерс.
Обвинителот за антитероризам рече дека еден од двајцата малолетници почнал да следи џихадистичка пропаганда. Имињата на уапсените не беа објавени.
Европа
Мерц реизбран за лидер на ЦДУ
Германската владејачка партија, Христијанско-демократската унија (ЦДУ), денес го реизбра Фридрих Мерц за свој лидер.
Мерц беше поддржан од 878 од 963 членови на партијата на националната партиска конференција во југозападниот град Штутгарт.
Резултатот е негов втор најдобар досега.
Во 2022 година, тој беше избран со 94,6 проценти од гласовите на онлајн партиска конференција, а подоцна беше потврден со гласање по пошта со 95,3 проценти од гласовите. Во 2024 година, тој доби 89,8 проценти од гласовите.
Дводневниот партиски состанок доаѓа на почетокот на предизвикувачка година за ЦДУ, која се соочува со избори во пет федерални држави во март и септември.
Според анкетите, крајната десница ги надминува конзервативците во две источни држави.
Мерц на митингот изјави дека ЦДУ мора „да спречи враќање на крајнодесничарскиот радикализам на власт во федералните држави на Германија“.

