Свет
Тригодишно девојче остана заклучено во автомобил во Калифорнија: девојчето почина, мајката уапсена

Тригодишно девојче починало откако било заклучено во загреан автомобил во Калифорнија, по што била уапсена нејзината 41-годишна мајка Сандра Хернандез, јавува Еј-би-си Њуз.
Во петокот во 16:20 часот, полициските и противпожарните екипи примиле пријава за девојче и нејзината мајка кои биле во несвест во автомобил, соопшти полицијата во Анахајм.
Член на семејството ги нашол мајката и ќерката заклучени во автомобилот, а не им било јасно колку време биле во паркираното возило, соопшти полицијата. Девојчето подоцна беше прогласено за мртво во болница.
„Се сомневаме дека детето починало од компликации предизвикани од топлотен удар, но се чека официјалниот извештај од обдукцијата“, соопштија од полицијата.
41-годишната мајка била сослушана во болница, а била уапсена откако била отпуштена од болница.
„Жената е уапсена под обвинение за ненамерно убиство и занемарување на детето. Во автомобилот се пронајдени неколку празни шишиња алкохол. Истрагата е во тек“, соопштија од полицијата.
Температурата во петокот во Анахајм достигна 45 степени Целзиусови. Температурата била околу 40 степени кога мајката и ќерката биле пронајдени во автомобилот, соопшти полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.