Свет
Тринаесетгодишно девојче исчезна во Франција пред 7 дена: не дошла на училиште
Случајот со исчезнувањето на 13-годишната Морган Ривоал ја потресе Франција. Девојчето исчезнало на 25 ноември откога тргнала на училиште до кое никогаш не стигнала. Морган излегла од својата куќа минатиот понеделник во 7.15 часот и оттогаш се води за исчезната. И покрај многуте напори на полицијата, членовите на семејството, пријателите и доброволците, девојчето сè уште не е пронајдено.
Морган исчезна во областа Армор Коуст. Нејзиното исчезнување го пријавила мајка ѝ во полициската станица во Гингамп минатиот понеделник околу 11.40 часот кога дознала дека ќерка ѝ не се појавила на училиште, според локалните медиуми.
Наставниците ѝ се јавиле на мајката околу 9.30 и ѝ рекле дека Морган не се појавил на час. Инаку, училиштето е на околу пет километри од нејзината куќа.
Според написите, на мистериозното исчезнување на девојчето му претходела расправија со родителите. Претходниот викенд Морган се расправала со татко ѝ и со мајка ѝ за користењето на социјалните мрежи.
По повишен тон, таткото ѝ го одзел телефонот на Морган, ја извадил СИМ-картичката и наводно ѝ го скршил мобилниот. Според сведочењето на пријател на исчезнатото девојче, Морган некако успеала на мрежите да објави дека в понеделник нема да дојде на училиште.
Во неделата Морган била дома со своите браќа и сестри, а нејзиниот татко цел ден бил на работа. Следното утро, околу 7.15 часот, Морган ја напуштила куќата и се упатила кон автобуската станица за да оди на училиште.
„Родителите не виделе кога таа излегла од дома, но се јавила од вратата, како и секогаш“, рекла обвинителката.
Кога неколку часа подоцна била пријавена за исчезната во полиција, сите првично поверувале дека тинејџерката побегнала затоа што им била лута на родителите иако тоа никогаш претходно не го направила. Меѓутоа, како што минувале часовите, а неа ја немало, сите почнале да се грижат.
Жандармеријата на 25 ноември во вечерните часови, т.е. во 19.42 часот, го објави првиот апел на социјалните мрежи, со кој ја информира јавноста дека девојчето го нема.
„Во моментот ја бараме Морган Ривоал (13), која утрово излегла од дома, но не стигнала на училиште. Висока е 154 сантиметри, има нормална градба, долга брановидна кафеава коса и зелено-сини очи и розов ранец со неа“, се наведува во соопштението.
Граѓаните загрижени се вклучија во опсежна потрага. Во петокот, на 29 ноември, повеќе од 800 луѓе ја бараа Морган. Полицијата изнајмила и чамци, кои ги проверувале водните патишта во близина на нејзината куќа во градот Пабу.
Полицијата го пребарала теренот пеш, со велосипеди и со автомобил, а во потрагата бил вклучен и хеликоптер, кој неколкупати го прелетал подрачјето. Сепак, тие не успеале да ја најдат.
Во исто време, сите членови на нејзиното семејство неуморно ја бараат. За време на викендот 50 жандарми континуирано го пребаруваа теренот, но сè уште нема трага од Морган.
Аурора и Џоан Ривоал, родителите на исчезнатото девојче, на социјалните мрежи ги повикуваат граѓаните да им помогнат во потрагата по неа. Но, бидејќи сè уште ја нема, од Обвинителството најавија дека денеска ќе ѝ се обратат на јавноста, пренесуваат медиумите во регионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кина ги отфрли украинските обвинувања за вооружување на Русија: „Политичка манипулација“
Кинеското Министерство за надворешни работи ги отфрли обвинувањата на Украина за вмешаност на кинески компании во производството на воена опрема за Русија, нарекувајќи ги „неосновани“, пренесува Укринформ.
Оваа изјава ја даде портпаролот на кинеското Министерство за надворешни работи, Гуо Џиакун, како одговор на поканата на кинескиот амбасадор од страна на украинското Министерство за надворешни работи, пренесува Укринформ, повикувајќи се на „Глобал тајмс“.
„Веќе јасно го искажавме ставот на Кина за релевантните прашања. Кина цврсто се спротивставува на неоснованите обвинувања и политичките манипулации“, рече портпаролот.
Како што објави „Укринформ“, на 22 април, кинескиот амбасадор Ма Шенгкун беше повикан во украинското Министерство за надворешни работи поради наводи дека кинески државјани учествувале во борбите на страната на Русија и дека кинеските компании произведувале оружје на руска територија.
За време на состанокот, заменик-министерот за надворешни работи Јевхен Перебинис нагласи дека доказите за учество на кинески граѓани во војната против Украина, како и вклученоста на кинески компании во военото производство во Русија, предизвикуваат сериозна загриженост и се спротивставуваат на духот на партнерството меѓу Украина и Кина.
Претседателот на Украина, Володимир Зеленски, претходно, на 7 април, изјави дека Украина добила информации дека Кина ѝ снабдува на Русија оружје – поточно, барут и артилерија. Кина одговори на 18 април дека не испорачала смртоносно оружје на ниту една страна во војната.
Кинеското Министерство за надворешни работи уште еднаш ги отфрли сите обвинувања, нагласувајќи дека тие се политички мотивирани и неосновани.
Свет
(Видео) Луѓето бегаат во паника во Истанбул: властите со предупредувања, постои страв од уште посилен земјотрес
По серијата земјотреси што го погодија Истанбул утрово, турските власти апелираат до граѓаните да не влегуваат во потенцијално оштетени згради и да користат мобилни телефони само во итни случаи.
Според министерот за внатрешни работи, Алије Јерликаја, тимовите за управување со катастрофи и вонредни состојби веќе почнале со процена на штетите на терен.
Moment of 6.2 magnitude earthquake in Istanbul captured on security camera footage pic.twitter.com/vLfFrF6dge
— Türkiye Today (@turkiyetodaycom) April 23, 2025
Првите фотографии што пристигнуваат од Истанбул покажуваат вознемирени граѓани како во паника ги напуштаат зградите и се обидуваат да воспостават контакт со своите најблиски. Силниот земјотрес предизвика страв и евакуации во целиот град.
The moment the earthquake struck Istanbul.#earthquake #deprem pic.twitter.com/e0VYdsvWqF
— Disaster News 24/7 (@DisasterNews2) April 23, 2025
Жителите на Истанбул се во шок по земјотресот. Селин Титер била на работа во деловна зграда на европската страна од градот кога почнал земјотресот, пренесуваат медиумите.
🇹🇷 Istanbul hit by a strong earthquake – city residents took to the streets:
"A 6.2-magnitude earthquake struck Istanbul. The Disaster Management Authority confirmed the tremors with the stated magnitude. Residents of Istanbul, with a population of 15 million, took to the… pic.twitter.com/eNwqmnQ3Kz
— Peacemaker (@peacemaket71) April 23, 2025
На почетокот, според изјавата, почувствувала како земјата се поместува под неа исфрлајќи ја од рамнотежа. Потоа слушнала длабок татнеж, „како нешто да удираше одоздола“.
The moment of the 6.2 magnitude earthquake that occurred in Istanbul today at 12:13 was recorded like this in the Marmara Sea…
— Tansu Yegen (@TansuYegen) April 23, 2025
„Кога тоа се случи, многумина испаничија. Многумина почнаа да бегаат“, рече таа.
Таа додаде дека многу луѓе во Истанбул се претпазливи кога станува збор за земјотреси, особено по оние катастрофалните од 2023 година во Турција и во Сирија кога загинаа 55.000 луѓе.
„Повеќето луѓе што живеат во Истанбул знаат дека се очекува голем земјотрес. Луѓето сега се прашуваат – дали ова беше претпотрес?“
Турската агенција за вонредни ситуации објави дека уште три земјотреси се регистрирани во населбата Бујукчемеџе во западниот дел на Истанбул. Поради огромниот број пристапи до веб-страницата на агенцијата, системот привремено беше исклучен, а дополнителни информации се очекуваат во наредните часови.
Последователно, официјалната процена на јачината на земјотресот беше намалена на 4,9 степени според Рихтеровата скала, а епицентарот се наоѓа во Мраморното Море во близина на Истанбул. Претходно беше објавено дека земјотресот бил со јачина од 6,2 степени.
Министерот за транспорт и инфраструктура, Абдулкадир Уралоглу, изјави дека нема пријавени штети на патиштата, железниците, аеродромите и на линиите на метрото во Истанбул.
Истанбул, град со повеќе од 16 милиони жители, се наоѓа на северноанадолскиот расед, познат по својата висока сеизмичка активност. Експертите со децении предупредуваат на уште еден голем земјотрес, само прашање на време е кога ќе се случи, и дека илјадници лошо изградени згради за време на градежниот бум се главната причина за потенцијални трагедии.
Медиумите потсетуваат дека Истанбул неколкупати во текот на историјата бил погоден од разорни земјотреси. Најстрашниот се случил во 1509 година и е познат како мала апокалипса.
Се апелира до граѓаните да бидат максимално внимателни и да ги почитуваат упатствата на надлежните служби.
Свет
(Видео) Снимен моментот на земјотресот во Истанбул во емисија во живо, новинарката во паника
Моментот на земјотресот во Истанбул со јачина од 6,2 степени според Рихтеровата скала беше снимен во емисија во живо. На видеото се гледа како новинарката ја фаќа паника и го прекинува разговорот со гостите, кои се приклучени преку видеоврска.
CNN Turk’s broadcast during the 6.2 earthquake in Istanbul, Türkiye. pic.twitter.com/sm0l7TB1zz
— Clash Report (@clashreport) April 23, 2025
Силен земјотрес со јачина од 6,2 степени според Рихтеровата скала го погоди денеска Истанбул, соопшти турската агенција АФАД.
Засега нема извештаи за големината на штетата, но жителите на најголемиот турски град се евакуирани од зградите.
Епицентарот на земјотресот, кој се случи во 12.49 часот по локално време, бил во областа Силиври, област што се наоѓа на 80-ина километри западно од Истанбул. Земјотресот се случи на длабочина од 6,92 километри, соопшти АФАД.
Турската телевизија ТГРТ јавува дека едно лице е повредено кога скокнало од балкон за време на земјотресот.
АФАД ги предупреди жителите на регионот да не влегуваат во оштетените згради.
По првиот земјотрес, Турција беше погодена од серија помали, но сепак силни земјотреси со јачина од 5,0, 2,6, 4,3, 4,5 и 5,0 степени.
Засега нема извештаи за уривање згради.
Не е време за пиво и скара, туку за протест за 500 евра минимална плата и 100 евра зголемување на другите плати, повика ССМ
Овој Први мај, место марш, Сојузот на синдикатите на Македонија (ССМ) најави протест оти платите се мизерни, најниски во регионот,...
Пет пациенти денеска се враќаат од Србија, во странство хоспитализирани уште 38
Министерството за здравство информира дека денеска пет пациенти од повредените во трагедијата во Кочани ќе се вратат од лекување од...
Таравари не може и да соработува со ДУИ и да биде дел од Владата, вели Меџити
Министерот за животна средина и вицепремиер Изет Меџити очекува министерот за здравство Арбен Таравари и лидер на Алијансата за Албанците,...
Мицкоски: Реформите во правосудниот сектор се најитни
Реформите во правосудниот сектор се најитни. Без нив, сите други реформи се безвредни, изјави премиерот Христијан Мицкоски. Според него, нема...
Голема полициска акција на повеќе локации: сомнение за кривични дела на штета на Фондот за здравство
Под раководство на јавен обвинител од ОЈО ГОКК, МВР спроведува координирана акција на повеќе локации во државата. Како што извести...
Скопјанец обвинет за демнење: ја следел својата поранешна сопруга, психички ја вознемирувал и ја застрашувал
Основното јавно обвинителство Скопје поднесе Обвинителен предлог против 44-годишен скопјанец кој се товари дека сторил кривично дело – Демнење од...
Кривична против директорот на Центарот за култура „Григор Прличев“ во Охрид: ја оштетил установата за 150 илјади денари
СВР Охрид поднесе кривична пријава против 48-годишниот Г.С. од Охрид поради постоење основи на сомнение за сторено кривично дело „несовесно...
(Фото) Спречени обиди за шверцување парфеми, тутун, облека со потпис на познати модни брендови
На Меѓународен Аеродром Скопје државјанин на Обединети Арапски Емирати родум од Индија се обидел да криумчари во државата 76 парфеми....
Колку милиони евра однесоа Заев и Филипче во Дубаи, прашува ВМРО-ДПМНЕ
„И по неколку дена сè уште молк од СДС дали Филипче исто како и Заев поседува златна виза во Дубаи...
„Љутков ги гази колективниот договорот и правата на културните работници“, велат од СДСМ
„Вчерашното интервју на министерот Љутков, во кое без срам го нарече колективниот договор за култура „незаконски“, е директен напад врз...
Масовен руски напад врз украинскиот регион, девет загинати, 30 повредени
Руско беспилотно летало удрило во автобус со работници во украинскиот град Марханец рано утринава, при што загинале најмалку девет лица...
ДУИ: Се урива еден од столбовите на Законот за јазиците – секој молк денес е соучесништво утре
„Демократската унија за интеграција остро реагира на последните скандалозни информации поврзани со Инспекторатот за примена на Законот за употреба на...
Путин призна дека Русија напаѓа цивилни цели во Украина, го обвини киевскиот режим дека користи жив штит, објави „Медуза“
Владимир Путин во понеделникот призна дека Русија повеќепати напаѓала цивилни цели во Украина тврдејќи дека цел на овие напади биле...
(Видео) Трамп: Значително ќе ги намалиме царините за Кина, но тие нема да одат на нула
Американскиот претседател Доналд Трамп вчера сигнализираше можност за олеснување на трговската војна со Кина, велејќи дека високите царини за кинеските...
Израелската војска: Од Јемен е лансирана ракета кон Израел
Израелската војска во средата објави дека „најверојатно успешно пресретнала“ ракета истрелана од Јемен кон Израел. Поради лансирањето на ракетата, прогласена...
Судот ја одби гаранцијата од милион евра на Асмир Јахоски
Судот ја одби гаранцијата од еден милион евра на бизнисменот Асмир Јахоски, осомничен за перење пари, во замена да биде пуштен...
Културните работници на протест: Се надеваме дека платата за март ќе ја добиеме барем пред првомајските празници, стигнаа нови насоки
Голем број вработени во институциите од културата денес точно напладне излегоа на протест пред Министерството за култура, кое ги принуди,...
(Видео) Филипче: Ако се обединиме на патот кон ЕУ, нема пречка што нема да ја совладаме
Патот кон Европската унија трае предолго, но не смее да се откажеме, мораме да се обединиме бидејќи кога сме заедно...
Се намалува цената на мазутот, а на дизелот и на бензините не се менува
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
„Дали Зоран Заев во Дубаи гради високи згради над 50 ката и дали на тој начин ја стекнал златната виза“, прашува ВМРО-ДПМНЕ
„Времето изминува, СДС се занимава со сè и сешто, шета од тема на тема, но за темите што ги интересира...
