Свет
Три лица уапсени по експлозиите во близина на израелската амбасада во Данска
Полицијата уапсила тројца мажи, наводно поврзани со две експлозии што утринава се случиле во близина на израелската амбасада северно од Копенхаген, пишува „Њујорк тајмс“.
Двајца од мажите се уапсени на централната станица во Копенхаген, а третиот на друго место во градот, се вели во соопштението на полицијата. Не се соопштуваат повеќе детали за осомничените.
Експлозиите, кои се случиле околу 3.20 часот, според полицискиот оддел во Копенхаген, биле пријавени во Хелеруп, приморско предградие северно од Копенхаген, каде што се сместени неколку амбасади.
Мајкл Рахлин, портпарол на еврејската заедница во Данска, рече дека единственото еврејско училиште во Копенхаген е затворено бидејќи се наоѓало во близина на областа.
Експлозиите се случија еден ден откога полицијата во Стокхолм соопшти дека таму имало пукање во израелската амбасада. Полицијата во Шведска го истражува наводното пукање, но соопшти дека никој не е повреден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кина откри огромно наоѓалиште на злато
Кина соопшти дека открила најголемо поединечно наоѓалиште на злато во земјата во последните повеќе од 70 години. Според податоците од Министерството за природни ресурси, рудникот за злато Дадонгоу, кој се наоѓа во североисточната покраина Лиаонинг, крие дури 1.444,49 тони докажани резерви, објавува Анадолија.
Како што објави државниот весник Глобал Тајмс, рудникот веќе ја поминал проценката за економска профитабилност, со што се отвора патот за негов понатамошен развој и почеток на експлоатација. Наоѓалиштето е класифицирано како супер голем рудник со отворен коп, а официјалните податоци откриваат дека областа над 720 метри надморска височина содржи околу 2,586 милијарди тони руда. Просечното учество на златото во рудата е 0,56 грама на тон.
Она што го прави ова откритие уште позначајно е невообичаено брзиот процес на истражување, кој траел само 15 месеци. Во извештајот се вели дека овој ефикасен пристап би можел да стане модел за идно „краткоциклусно, висококвалитетно“ истражување на минерали.
Свет
(Видео) Руска ракета ја оштети амбасадата на Азербејџан во Киев, Баку бара објаснување
Азербејџанското министерство за надворешни работи денеска го повикало рускиот амбасадор за да му врачи остар протест, откако руска ракета го оштетила нивното амбасадско седиште во Киев. Според соопштението, ракета од типот „Искандер“ паднала во близина на зградата и предизвикала штета на објектите и службените возила, но нема повредени вработени, пренесе „Киев Индепендент“.
Инцидентот се случил за време на масовниот руски ракетен и дрон-напад врз Киев, во кој загинале најмалку шест лица, а десетици биле ранети. Настанот повторно отвора можни тензии меѓу Баку и Москва, само еден месец по напорите да се поправат односите.
🇦🇿 Russians strike Azerbaijan’s embassy in Kyiv — Aliyev outraged
The president of Azerbaijan told Zelensky directly that this is not the first time Russian forces have targeted both the embassy and other Azerbaijani sites in Ukraine.
The overnight strike hit the embassy… pic.twitter.com/gmAMkZDFBQ
— NEXTA (@nexta_tv) November 14, 2025
Азербејџан му порачал на рускиот амбасадор Михаил Јевдокимов дека овие факти отвораат прашања за намерната природа на нападот, потсетувајќи дека и претходно биле оштетени нивни објекти во Украина.
Украинскиот претседател Володимир Зеленски соопшти дека телефонски разговарал со азербејџанскиот претседател Илхам Алиев за инцидентот. Алиев го осудил нападот и нагласил дека ова не е првпат Русите да ја гаѓаат зградата на амбасадата и други локации поврзани со Азербејџан.
Баку потсети дека нивни дипломатски и деловни објекти биле оштетени и во други руски напади — почесниот конзулат во Харкoв во март 2022, амбасадата во Киев во август годинава и складиште со нафтени деривати.
Во соопштението стои дека нападите врз дипломатски мисии се неприфатливи и дека од Русија е побарана детална истрага и објаснување.
Азербејџан досега одржуваше неутрална позиција во руската инвазија, но односите се влошија по соборувањето на азербејџански патнички авион над Грозни во декември 2024, кога загинаа 38 лица.
Свет
Трамп повикува на истрага за врските на Епштајн со голем број познати личности
Претседателот на САД, Доналд Трамп, денес објави дека ќе побара од државниот обвинител Памела Бонди да ги истражи врските на сексуалниот престапник Џефри Епштајн со многу истакнати личности, вклучувајќи и некои од неговите политички противници.
„Ќе побарам од државниот обвинител Пам Бонди и Министерството за правда, заедно со нашите големи патриоти во ФБИ, да ја истражат вмешаноста и врската на Џефри Епштајн со Бил Клинтон, Лари Самерс, Рид Хофман, Џ.П. Морган и Чејс, и многу други луѓе и институции, за да утврдат што се случувало со нив и со него“, напиша Трамп на својата мрежа „Тру соушал“.
Трамп ги обвини демократите дека се обидуваат да го одвлечат вниманието од нивните политички неуспеси, користејќи го случајот Епштајн како средство за напад врз републиканците.
Тој изјави дека ова е уште една измама како онаа со руско влијание на претходните избори, каде сите стрели покажуваат кон демократите.
„Записите покажуваат дека овие луѓе, и многу други, поминале голем дел од својот живот со Епштајн и на неговиот „Остров““, рече Трамп.

