Свет
Трудо: Канада нема да попушти пред кинеската дипломатија на принуда
Канадскиот премиер Џастин Трудо го коментира апсењето на двајца канадски државјани во Кина велејќи дека нема да попуштат пред дипломатијата на принуда, пренесува „Спутник“.
„Ние не веруваме во дипломатија на принуда и… ние, всушност, длабоко веруваме дека ако почнете да потклекнувате на тој вид притисок, ќе поминете полошо на долг рок. Доволно притисок врз нас и ние ќе попуштиме, но тоа е токму спротивното од нашата позиција“, рече Трудо во интервју за време на онлајн-конференцијата на „Фајненшл тајмс“.
Односите меѓу Канада и Кина се влошија кога Отава ја уапси директорката на „Хуавеј“, Менг Ванжу, во 2018 година по барање на САД, на што Пекинг одговори со апсење двајца канадски државјани под обвинение за шпионажа во Кина.
Трудо претходно тврдеше дека обидот на Пекинг за дипломатија на принуда, со затворање двајца Канаѓани како одмазда за апсењето на диркеторката на „Хуавеј“, не успева. Тој истакна дека поранешниот дипломат Мајкл Ковриг и бизнисменот Мајкл Спавор се притворени повеќе од 700 дена под лажно обвинение дека претставуваат закана за националната безбедност на Кина.
Ковриг и Спавор се обвинети за шпионажа за што кинескиот закон предвидува смртна казна.
Изјавите на Трудо доаѓаат во време на сè поголем дипломатски раздор меѓу двете нации. Освен притворите, врската дополнително се влоши со осудата на Канада за кинескиот Закон за националната безбедност во Хонг Конг и суспендирањето на некои билатерални договори со специјалниот административен регион.
Пекинг изјави дека го задржува правото да одговори на какво било мешање од страна на Канада, а канадската страна ќе одговара за сите последици.
Кинеско-канадските односи се влошија кога Ванжу, ќерка на основачот и главен извршен директор на „Хуавеј“, Рен Женгфеи, беше уапсена во 2018 година на меѓународниот аеродром во Ванкувер на патот кон Мексико од Хонг Конг по барање на американската влада. Американските власти ја бараат Менг за нејзината наводна улога во кршењето на санкциите против Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Министер: 100 луѓе беа убиени во американскиот напад врз Венецуела, повеќето ладнокрвно
Во американскиот напад во кој беше соборен претседателот Николас Мадуро во саботата загинаа 100 лица, изјави синоќа венецуелскиот министер за внатрешни работи Диосдадо Кабељо. Каракас претходно не објави бројка на жртви, но војската објави список од 23 свои жртви.
„Голем дел од безбедносните сили на Мадуро беа убиени ладнокрвно“
Венецуелските власти изјавија дека голем дел од безбедносниот контингент на Мадуро беше убиен „ладнокрвно“, а Кубанците тврдат дека 32 припадници на нивните воени и разузнавачки служби во Венецуела исто така биле убиени.
Video from Caracas, Venezuela shows U.S. military helicopters, including CH-47 Chinook and V-22 Osprey aircraft, operating over Caracas alongside multiple explosions. The cause and context of the blasts remain unconfirmed. pic.twitter.com/owOx9X7DPP
— George Allison (@geoallison) January 3, 2026
Сопругата на Мадуро, Силија Флорес, која беше приведена со него, претрпе повреда на главата за време на американската операција за апсење на венецуелскиот претседател, а Мадуро ја повреди ногата, рече Кабељо.
Привремената венецуелска претседателка Делси Родригез, која Кабељо ја пофали како храбра за време на неговата неделна емисија на државната телевизија, вчера прогласи недела жалост за припадниците на војската убиени во нападот.
Европа
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква во рамките на воена база. Информацијата ја објави независниот руски истражувачки медиум „Агентство“, кој ги анализираше снимките објавени од Кремљ.
Анализата открива тајна локација
Според анализата, локацијата е идентификувана како црквата на Светиот великомаченик Георгиј Победоносец, сместена во основата на Центарот за специјални намени „Сенеж“ во Солнечногорск, град на околу шеесет километри северозападно од Москва.
За разлика од претходните години, овој пат Кремљ не прецизираше каде Путин присуствувал на црковната служба што била емитувана во живо на Божиќ, кој во Русија се слави на 7 јануари според јулијанскиот календар. Москва сè уште не одговорила на извештајот на „Агентство“, а „Киев Индепендент“ забележува дека не била во можност независно да ги потврди обвинувањата.
Putin Marks Christmas at a Church on a Military Base, Surrounded by GRU Officers
Vladimir Putin marked Christmas with members of the military for the third time, but unlike the previous two years the Kremlin did not name the church where the president attended the holiday… pic.twitter.com/7nu1Dm7CS8
— Новости «Агентства» (@agents_media) January 7, 2026
Кој бил со Путин?
И покрај тоа што руската војска претрпе огромни загуби на бојното поле, Путин, опкружен со група воени лица, жени и деца, рече дека неговите војници го слават Божиќ исто како што „сите се радуваме заедно на нашите заеднички победи“.
„Агентство“, врз основа на објавеното видео, извести дека и високи воени функционери учествувале во црковната служба со Путин. Меѓу нив беа идентификувани како генерал-мајор Алексеј Галкин, командант на Центарот за специјални намени „Сенеж“ роден во Украина, и Александар Матовников, командант на руските сили за специјални операции.
Свет
Трамп: Венецуела од профитот од нафтата ќе купува само американски производи
Претседателот на САД, Доналд Трамп извести дека Венецуела ќе ги користи своите приходи од нафта за купување исклучиво американски производи.
Соопштението, споделено на социјалната мрежа Truth Social, дојде еден ден откако Трамп откри дека Венецуела ќе им предаде на САД помеѓу 30 и 50 милиони барели санкционирана нафта на продажба, според CNBC.
„Тукушто бев информиран дека Венецуела ќе купува ЕКСКЛУЗИВНО производи произведени во САД, со парите што ги добива од нашиот нов договор за нафта“, рече Трамп.
Тој прецизираше дека купувањата ќе вклучуваат земјоделски производи, лекови, медицински помагала и опрема за подобрување на енергетската мрежа и објектите на Венецуела.
Контрола на продажбата од страна на САД
Новите детали од договорот беа потврдени и од министерот за енергетика Крис Рајт, кој во среда изјави дека САД на неодредено време ќе ја контролираат продажбата на венецуелска нафта.
„Ќе ја пласираме суровата нафта што излегува од Венецуела на пазарот – прво оваа преостаната складирана нафта, а потоа, на неодредено време, ќе го продаваме производството што излегува од Венецуела на пазарот“, рече Рајт на годишната конференција за енергија на Голдман Сакс во Мајами.
„Треба да имаме таа моќ и таа контрола врз продажбата на нафта за да ги поттикнеме промените што едноставно мора да се случат во Венецуела“, додаде министерот за енергетика.
Сите приходи од продажбата ќе бидат депонирани на сметки контролирани од САД, заклучи Рајт.

