Свет
Турскиот сеизмички брод „Оруч реис“ на нова мисија на Медитеранот

Министерот за енергетика и природни ресурси на Турција, Фатих Донмез, истакна дека турскиот сеизмичко-истражувачки брод „МТА Оруч реис“ пристигна во зоната на Медитерант, каде што ќе ја спроведува својата нова мисија, пренесува „Анадолија“.
Министерот Донмез оваа информација ја потврди преку соопштение објавено на својот профил на социјалната мрежа „Твитер“. Тој нагласи дека со цел на Турција да ѝ се овозможи независност во областа на енергетиката, без прекин ќе продолжат истражувањата во Медитеранот и во Црното Море.
Турскиот министер на својот твитер-профил ја сподели и фотографијата на бродот „Оруч реис“.
„Нашиот сеизмичко-истражувачки брод ‘МТА Оруч реис’ за својата нова мисија на Медитеранот тргна од Анталија и пристигна во зоната каде што ќе спроведува операции. ‘Оруч реис’, 83 милиони жители стојат зад тебе“, напиша министерот Донмез.
Како дел од активностите на истражување, Турција ја објави нова истражувачка активност на „МТА Оруч реис“ на источниот Медитеран преку NAVTEX (навигациски телекс) од 10 август 2020 година. Бродот ќе ги продолжи своите активности на источниот Медитеран со бродовите „Џингис-кан“ и „Атаман“ до 23 август.
Турција постојано го оспорува едностраното дупчење во источниот Медитеран од страна на кипарските Грци тврдејќи дека Турската Република Северен Кипар исто така има права на ресурсите во оваа област.
Во 1974 година, по пучот чија цел беше анексија на Кипар од страна на Грција, Анкара мораше да интервенира како гарантска моќ. Во 1983 година е основана ТРНЦ.
Во децениите оттогаш имаше неколку обиди да се реши кипарскиот спор, но завршија со неуспех. Најновиот обид, што се одржа со учество на државите гаранти – Турција, Грција и Велика Британија – заврши без напредок во 2017 година во Швајцарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.