Свет
Уапсен висок полициски службеник во Шпанија: милиони евра скриени во ѕидовите на куќата

Шпанската полиција го уапси поранешниот висок полицаец Оскар Санчез Гил кога во ѕидовите и таваните на неговата куќа биле пронајдени 20 милиони евра.
Полицијата ги пронашла парите при рација во неговата куќа во градот Алкала де Енарес, кој се наоѓа на 30 километри источно од Мадрид, објави „Гардијан“.
Исто така, во канцелариј0ата на Санчез Гил биле пронајдени милион евра скриени во два заклучени плакара, во банкноти од 50 до 500 евра. Санчез Гил и неговата партнерка се обвинети за трговија со дрога, перење пари, корупција и членство во криминална организација.
По појавувањето на судот во Мадрид минатата недела, на двајцата им беше одреден притвор. Санчез Гил, кој до неодамна беше началник на одделот за борба против измами и перење пари на шпанската полиција во Мадрид, беше уапсен заедно со уште 15 лица, меѓу кои и неговата партнерка, која исто така е полицаец во Мадрид.
Истрагата е поврзана со заплената на 13 тони кокаин, кој беше запленет минатиот месец во пристаништето Алгесирас на југот на Шпанија.
Кокаинот, кој бил скриен во кутии со банани, пристигнал од Гвајакил, најголемиот град во Еквадор, кој е познат како центар на трговијата со дрога.
Според информациите од истрагата, Санчез Гил бил под сомнеж од неговите колеги, кои го прислушувале неговиот телефон.
Официјални извори наведуваат дека тој бил осомничен дека најмалку пет години работел за дилери на дрога и дека им давал информации за надзор на контејнерите во шпанските пристаништа, што им овозможило да ги избегнат контролите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Захарова до Фон дер Лајен: Замоли го Лондон да го донесе Киев на преговарачка маса

Портпаролката на руското Министерство за надворешни работи, Марија Захарова, ѝ препорача на претседателката на Европската комисија, Урсула фон дер Лајен, да побара од Лондон да го искористи своето влијание за да го донесе Киев на преговарачката маса.
„И преку кого Урсула лобира за своето место на преговарачката маса, кое ЕУ хистерично го бара толку месеци? Да ве потсетам. Русија веќе седеше на преговарачката маса во пролетта 2022 година, сè додека (тогашниот британски премиер) Борис Џонсон не го одвлече режимот во Киев од неа.
Можеби би било подобро Урсула да разговара со Лондон, за да можат да „го искористат своето влијание“ и „да го охрабрат украинскиот претседател да седне на преговарачката маса и да престане да се нервира“.
Сепак, кој ќе ја слуша во Лондон“, напиша Захарова на својот Телеграм канал.
Захарова потсети дека шефицата на ЕК одржала состанок со кинескиот премиер Ли Џијанг, за време на кој побарала од Пекинг да „го искористи своето влијание“ за да „ја охрабри Русија да седне на преговарачка маса“.
Претходно, рускиот министер за надворешни работи Сергеј Лавров изјави дека Русија е подготвена да разговара за политичките аспекти на решението со Украина и да работи во кој било формат. Москва сè уште не добила одговор од Киев на предлогот за создавање три работни групи за поконкретно решение за хуманитарните, воените и политичките прашања, што руската страна го презентираше за време на третата рунда преговори со Украина во Истанбул во јули, пренесува Танјуг.
Украинскиот претседател Володимир Зеленски ја одбил поканата на рускиот претседател Владимир Путин да дојде во Москва на разговори, според руската агенција.
Фото: принтскрин
Свет
Фон дер Лајен: Разгледуваме опција за соборување на руски авиони

Претседателката на Европската комисија, Урсула фон дер Лајен, изјави дека соборувањето на руски борбени авиони што влегуваат во воздушниот простор на НАТО и Европската Унија е опција што се разгледува.
„Моето мислење е дека мора да го браниме секој квадратен сантиметар од територијата, а тоа значи дека доколку има упад во воздушниот простор, по предупредување, откако сме биле многу јасни, секако, опцијата за соборување на борбен авион што ќе го нападне нашиот воздушен простор е на маса“, рече Фон дер Лајен во интервју за CNN.
Претседателката на Европската комисија изјави дека Русија ја „тестира“ Европа „на сите полиња“.
„Тоа е хибридна војна што ја доживуваме со години, која Русија ја води против демократиите на Европската Унија и другите. И затоа се бориме на сите овие различни полиња. И како што реков, тоа е одлука на НАТО, но би била многу јасна, не ја допирајте нашата територија“, рече Лајен.
Американскиот претседател Доналд Трамп во вторникот, за време на состанокот со украинскиот претседател Володимир Зеленски на маргините на Генералното собрание на Обединетите нации, изјави дека земјите од НАТО треба да ги соборуваат руските авиони што влегуваат во нивниот воздушен простор.
Полска и Романија пријавија повреди на нивниот воздушен простор од страна на руски авиони претходно овој месец, што го поттикна НАТО да лансира борбени авиони како одговор, објави Танјуг.
Естонија во петокот објави дека три руски авиони влегле во нејзиниот воздушен простор, што Русија го негираше.
Фото: принтскрин
Свет
(Видео) Северозападна Венецуела погодена од четири земјотреси, од кои два силни

Четири земјотреси ја погодија северозападна Венецуела во рок од неколку часа доцна вчера и рано утрово, вклучувајќи два со јачина од околу 6 степени според Рихтеровата скала, соопшти Американската геолошка служба (USGS).
#Earthquake (#sismo) possibly felt 5 sec ago in #Venezuela (detected from @SismoDetector). Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/fvVmECbymI— EMSC (@LastQuake) September 25, 2025
Потресите, со јачина помеѓу 4,9 и 6,3 степени според Рихтеровата скала, се случија во близина на градот Мена Гранде во државата Зулија, според USGS.
Станува збор за плитки земјотреси на длабочина помеѓу 7,8 и 14 километри.
#Sismo: de Magnitud de 6.2 a 24 km ENE de Mene Grande, #Venezuela.
🔸️A través de videos en redes sociales las personas compartieron como se vivió el sismo de hoy.#EG #Georiesgos #Temblor #Terremoto #hoy #urgente #earthquake #quake #Jishin #SePreventivo #SeResiliente pic.twitter.com/NwkMKjX5Sg
— ESPECIGEST (@ESPECIGEST) September 25, 2025
Досега нема извештаи за жртви или значителни штети. Државата Зулија е покраина богата со нафта во Венецуелскиот Залив, која се граничи со Колумбија.
фото: принтскрин