Свет
Убиена девојка за време на парадата, трагично заврши прославата во Канзас Сити

Откако американските фудбалери на Канзас Сити Чифс го одбранија трофејот во НФЛ, совладувајќи го Сан Франциско со 25:22 во 58. Супербол, традиционалната прослава на улиците на градот се претвори во хаос. За време на шампионската парада во Канзас Сити, двајца напаѓачи отворија оган среде толпа навивачи, многу луѓе беа повредени, додека полицијата ја потврди смртта на Лиза Лопез-Галван.
Радио станицата KKFI во Канзас Сити вчера навечер потврди дека диџеј Лопез-Галван, водителка на шоуто „Вкусот на Тејано“, била убиена во пукање за време на парадата на Супербоул.
Radio DJ Lisa Lopez-Galvan was killed in the shooting at the Chiefs’ Super Bowl parade, Kansas City station KKFI said in a statement.
One person died and 21 others were wounded after gunfire erupted at the end of the event, authorities said. https://t.co/mA85dvx50N pic.twitter.com/PDAFwBfNxO
— ABC News (@ABC) February 15, 2024
Според последните информации на медиумите од Канзас, едно лице е убиено, а 21 е ранет.
Американските медиуми јавија дека осумтемина повредени се во тешка состојба и дека лекарите се борат за нивниот живот. Меѓу повредените има дури девет деца.
Снимката објавена од Fantasy Fanatics го покажува напаѓачот со качулка како трча низ толпата обожаватели додека неколку од нив го бркаат.
Иако имал оружје, група храбри посетители на победничката парада на тимот од Мисури го стигнале и го собориле, по што полицијата пристигнала на местото на настанот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Противниците на Трамп денеска на масовни протести низ САД

Околу 1.200 демонстрации се планирани денеска ширум САД, а организаторите очекуваат тоа да биде најголемиот ден на протести против американскиот претседател Доналд Трамп и неговиот сојузник Илон Маск, објави Ројтерс.
Протестите наречени „Одземени раце“ ќе им дадат можност на противниците на Трамп да го изразат своето незадоволство од надворешната и внатрешната политика на Трамп на САД, наведува агенцијата.
„Ова е масовен протест кој испраќа многу јасна порака до Маск, Трамп, републиканските конгресмени и сите сојузници на движењето Направете ја Америка повторно голема (MAGA) дека не сакаме нивните раце во нашата демократија, заедници, училишта, пријатели и соседи“, рече Езра Левин, ко-основач на Indivisible, една од групите што ги организираа настаните овој викенд.
Според податоците од веб-страницата на настанот, околу 150 активистички групи се пријавени за учество.
Планирани се протести во сите 50 држави, како и во Канада, Британија, Франција, Германија, Мексико и Португалија.
Најголемите собири се очекуваат на Националниот плоштад во Вашингтон.
Групите кои се противат на обновената воена акција на Израел во Газа и акциите на администрацијата на Трамп против протестите во кампусите ќе учествуваат и на протестите во Вашингтон, објавија организаторите, пренесува Танјуг.
Свет
Во Мјанмар се регистрирани 81 последователен потрес, од кои најсилниот бил со јачина од 7,5 степени

Според податоците на Министерството за метеорологија и хидрологија на Мјанмар, од разорниот земјотрес на 28 март до денес, во таа земја се регистрирани 81 последователен потрес, со јачина од 2,8 до 7,5 степени според Рихтеровата скала, јави Ксинхуа.
Тие потреси следеа по земјотресот со јачина од 7,7 степени што го погоди Мјанмар на 28 март во 12:51 часот. локално време.
Бројот на загинатите во земјотресот се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.
Свет
Најмалку 47 лица повредени во судир на два туристички автобуси во Токио

Најмалку 47 лица, претежно странски државјани, се повредени денеска во судир на два туристички автобуси на автопатот во западниот дел на Токио.
Никој од повредените не е во животна опасност, а судирот се случил околу 10.15 часот во близина на влезот во тунелот Коботоке на автопатот, јави Кјодо.
Автобусите претходно тргнале од железничката станица во Токио и патувале до езерото Кавагучи во соседната префектура Јаманаши.
Според полицијата, автобусите кои биле под управа на истата компанија постојано забрзувале и намалувале поради гужвата на патот, а несреќата се случила кога возачот на последниот автобус не забележал дека првиот автобус закочил.