Свет
Укинатo помилувањето на поранешниот претседател на Перу

Поранешниот перуански претседател Алберто Фуџимори беше префрлен со амбулантно возило во локална клиника, откако Врховниот суд на земјата го поништи помилувањето од минатата година и нареди тој итно да биде уапсен и вратен во затвор.
Фуџимори, кој беше хоспитализиран неколкупати во последниве години, беше префрлен од неговата куќа во клиниката неколку часа по објавувањето на пресудата, објави „Ројтерс“ повикувајќи се на очевидци.
Откако перуанскиот Врховен суд го поништи помилувањето на Фуџимори, неговиот адвокат, Мигуел Перез, поднесе жалба и побара да се суспендира налогот за апсење на Фуџимори велејќи дека Фуџимори има проблеми со срцето, поради што неговиот живот е во опасност ако се врати во затвор.
Поранешниот перуански претседател Педро Пабло Кучински одобри на 24 декември минатата година Фуџимори (80) да се пушти од затвор, откако лекарите утврдиле дека претрпел „прогресивна, дегенеративна и неизлечлива” болест и дека неговиот живот е во опасност во затвор, потсетува Блумберг.
Меѓутоа, Врховниот суд денес пресуди дека помилувањето било незаконско, додава АП.
Судиите наредија Фуџимори да биде уапсен за да ги отслужи преостанатите 25 години затвор поради неговата улога во убиството на 25 лица за време на неговото 10-годишно владеење, кое заврши во 2000 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Премиерот на Канада: Путин се плаши да се сретне со Зеленски

Рускиот претседател Владимир Путин се плаши да се сретне со украинскиот претседател Володимир Зеленски за да разговара за условите за завршување на војната, изјави канадскиот премиер Марк Карни на заедничката прес-конференција со германскиот канцелар Фридрих Мерц.
Како што објави Укринформ, Карни рече дека Путин постојано поставува нови услови и ги одложува работите затоа што се плаши од состанокот. Според канадскиот премиер, Зеленски е подготвен да се сретне со Путин на која било неутрална територија.
Премиерот на Канада нагласи дека Зеленски не очекува Путин да дојде во Киев или дека самиот ќе патува во Москва за таков состанок. Сепак, секоја неутрална локација би била прифатлива, додаде Карни.
Тој рече дека е клучно сојузниците на Украина да продолжат да даваат поддршка додека не се одржи таков состанок.
Фото: принтскрин
Свет
Зеленски: Од украинска страна, сè ќе биде што е можно поподготвено за да се стави крај на војната

Украинскиот претседател Володимир Зеленски објави дека во текот на оваа недела претставниците на таа земја ќе имаат повеќе меѓународни контакти, што би можело да биде чекор кон завршување на војната со Русија, како и дека „сè ќе биде максимално подготвено за завршување на војната“ од украинска страна.
„Оваа недела ќе има контакти со Турција, ќе има контакти со земјите од Заливот, со европските земји, што може да биде платформа за разговор со Русите“, рече Зеленски во вечерното видео обраќање, пренесува Укринформ.
Тој рече дека е важно земјите-партнери на Украина да го потврдат ова.
„Дури и во иднина, сè ќе зависи исклучиво од волјата на светските лидери, првенствено на Соединетите Американски Држави, да извршат притисок врз Русија“, нагласи Зеленски.
Според него, потребни се нови чекори и нов притисок преку санкции и царини за да се принуди Русија да ја заврши војната.
„Тукушто одржав состанок со дипломатскиот тим – Министерството за надворешни работи, Канцеларијата, сите. Подготвуваме нови контакти со лидерите на земјите партнери. Очекуваме дека наредните недели ќе бидат многу активни“, додаде Зеленски.
Фото: принтскрин
Свет
Трамп: Нема да има светска војна, но ќе има економска

Претседателот на САД, Доналд Трамп, изјави дека е подготвен да воведе економски санкции врз Русија доколку рускиот претседател Владимир Путин не се согласи на прекин на огнот, предупредувајќи на сериозни последици.
„Сакаме да заврши. Имаме економски санкции. Зборувам за економски бидејќи нема да влеземе во светска војна“, рече Трамп.
Трамп не постави нова временска рамка за спроведување на санкциите доколку војната во Украина не престане, објави Си-Ен-Ен.
„Нема да има светска војна, но ќе има економска војна. Ќе биде лошо за Русија“, рече Трамп.
Тој изрази надеж дека сè уште постои пат до медијација во постигнувањето договор за прекин на војната во Украина.
Трамп, исто така, повторно посочи дека украинскиот претседател Володимир Зеленски носи дел од вината за конфликтот.
„Она што мислев дека ќе биде најлесно, се покажа како најтешко“, рече Трамп за војната во Украина, наведувајќи дека сè уште мисли дека ќе може да помогне во прекинувањето на тој конфликт.
Трамп неколку пати се закани со воведување санкции кон Русија ако не ја заврши војната во Украина и постави временски рамки за тоа, но подоцна ги продолжи, потсетува CNN.
Фото: принтскрин