Свет
Украина соопшти дека Русите се повлекле од реон близу Херсон, но набрзо ја тргна објавата

Украинската армија соопшти дека руските сили се повлекле од градот Нова Каховка од другата страна на Днепар, во областа Херсон во јужна Украина, но набрзо објави дека направила грешка, а Москва го негираше повлекувањето. „Окупаторот се уште е привремено во Нова Каховка. Информацијата за наводното повлекување на непријателот од таа позиција е објавена по погрешно толкување на достапните податоци“, напиша главниот воен персонал на Телеграм.
Најпрво, украинското Министерство за одбрана објави дека на 22 март 2023 година, сите единици на окупаторската армија на позицијата во Новаја Каховка, во регионот Херсон, го напуштиле градот, но набрзо украинската армија признала дека тоа е погрешно бидејќи не ги проучила соодветно добиените информации.
Нова Каховка се наоѓа североисточно од Херсон, градот од кој Русите се повлекоа во ноември 2022 година и се преселија на другата страна на реката Днепар. Градот е блиску до хидроцентралата Каховка, кој беше заземен од Русите на почетокот на офанзивата против Украина на крајот на февруари 2022 година.
Украинскиот претседател Володимир Зеленски го посети бојното поле во регионот Херсон, кој Русија делумно го окупираше и во септември 2022 година прогласи анексија на територијата. Рускиот окупатор негираше какви било информации за повлекување од градот кај Херсон.
„Официјално тврдам дека целиот руски воен персонал во Нова Каховка, како и на други места на левиот брег на Днепар, е на своите позиции“, рече Владимир Солдо, локален проруски лидер на Телеграм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколку згради во Бангкок се евакуирани како мерка на претпазливост поради последиците од земјотресот

Неколку згради во Бангкок се евакуирани поради извештаи за вибрации и пукнатини кои се појавиле во зградите, објави Бангкок пост.
Bеше објавено и дека во ѕидовите се слушнало пукање, што предизвикало паника кај многу жители, како и кај владините службеници кои живеат во одредени згради во строгиот центар на Бангкок.
Евакуацијата започнала околу 10 часот. Меѓу погодените беа зградите на владиниот комплекс на патот Ченг Ватана, Министерството за труд во областа Дин Даенг и зградите на судот на патот Рачадаписек.
Луѓето беа евакуирани и од седиштето на Државната банка за домување во округот Хуаи Кванг, Кривичниот суд во Рачадафисек и Канцеларијата за социјално осигурување во Дин Даенг.
Свет
Трамп: Зеленски сака да се повлече од договорот за минерали, ќе има проблеми ако го направи тоа

Американскиот претседател Доналд Трамп изјави дека украинскиот претседател Володимир Зеленски сака да се повлече од договорот за минерали, пренесоа американските медиуми.
Трамп го предупредил украинскиот лидер дека ќе се соочи со големи проблеми доколку го стори тоа, наведува Ројтерс.
„Тој се обидува да се повлече од договорот за ретките земји. Но, ако го направи тоа, ќе има проблеми, големи, големи проблеми“, им рече Трамп на новинарите.
Зеленски на 28 март, по добивањето на новиот американски нацр-договор, кој според него е „драматично проширен“, изјави дека Киев нема да прифати никаков договор за ретки минерали, кој би ја загрозил интеграцијата во Европска Унија.
Свет
Жена спасена по 60 часа под урнатините, најмалку 1.700 загинати во земјотресот во Мјанмар

Три дена по силниот земјотрес што го погоди Мјанмар, властите проценуваат дека загинале најмалку 1.700 луѓе.
Спасувачките тимови се обидуваат да пронајдат уште преживеани под урнатините на зградите во Мјанмар и Тајланд, а во заедничка петчасовна спасувачка операција спроведена од кинески, руски и локални тимови, една жена е спасена по 60 часа под урнатините на хотелот Great Wall во градот Мандалеј, јавува Ројтерс.
Во објава на Фејсбук од кинеската амбасада во Мјанмар утринава се вели дека спасената жена е во стабилна состојба.
Во шест региони на Мјанмар е прогласена вонредна состојба по разорниот земјотрес со јачина од 7,7 степени според Рихтеровата скала.
Во исто време, спасувачките тимови во главниот град на Тајланд, Бангкок, продолжуваат со фанатична потрага по луѓе кои се уште се водат како исчезнати во урнатините на урнатата кула од 30 ката, јавува Франс 24.
Во Бангкок, според денешните официјални податоци на градската власт, загинале најмалку 18 лица, 33 се повредени, а 78 се водат како исчезнати.
Светската здравствена организација (СЗО) е на терен во двете земји, обезбедува итна помош и ги координира операциите за спасување, изјави во Женева портпаролот на СЗО Тарик Јашаревиќ.