Властите на Филипини наредија евакуација на десетици илјади луѓе поради приближувањето на супер-тајфунот Ман-ји до брегот на островската држава, пренесува Бета.

Откажани се десетици летови, а властите во североисточниот регион Бикол каде што се евакуирани околу 180.00 илјади луѓе, предупредија на „потенцијално катастрофална ситуација опасна по живот“.

Метеоролошката служба соопшти дека супер-тајфунот Ман-ји, локално познат на Филипините како Пепито, добива на сила, со удари на ветер од 215 километри на час и огромни плимни бранови високи и до три метри.

Ман-ји ќе биде шестата голема бура што ќе ги погоди Филипини во поседните 30 дена. Минатиот месец во поплавите и одроните предизвикани од тропската бура Трами и тајфунот Кун Реј загинаа 162 лица, а 22 се водат како исчезнати

Авион на компанијата „Саутвест ерлајнс“ полн со патници бил погоден со куршум од пиштол додека се движел на пистата на аеродромот Лав Филд во Далас, соопштија денеска локалните власти.

Авионот се подготвувал да полета за Индијанаполис кога куршум ја погодил десната страна на авионот под пилотската кабина, изјави портпарол на „Саутвест ерлајнс“ за Си Би Ес.

Авиокомпанијата соопшти дека никој не е повреден, а портпаролот на аеродромот Лав Филд во Далас изјави дека патниците биле симнати, авионот се вратил во депото, а пистата била накратко затворена.

Не се соопштуваат дополнителни детали за околностите на инцидентот или кој пукал.

Десет бебиња изгореа, а 16 се повредени во пожарот што се случил во петокот вечерта во болница во градот Џанси, во сојузната држава Утар Прадеш, Индија, јавуваат медиумите. Официјални лица изјавија дека пожарот брзо се проширил низ одделението каде што се лекуваат 55 бебиња.

„Четириесет и пет бебиња се спасени и добиваат медицинска помош“, изјави локалниот функционер Бимал Кумар Дубеј и потврди дека се уште не е јасно што го предизвикало пожарот.

Брајеш Патак, вицепремиер на Утар Прадеш денеска ја посетил болницата, се сретнал со семејствата на жртвите, ветил поддршка од владата на семејствата на жртвите и темелна истрага.

„Ќе ги идентификуваме одговорните за оваа трагедија и ќе преземеме строги мерки. Владата е со семејствата во овој тежок момент“, рече тој.

Кога пожарникарите пристигнале да го изгаснат пожарот, морале да ги скршат прозорците за да дојдат до доенчињата, а очевидци велат дека спасувачката операција започнала околу 30 минути по избувнувањето на пожарот, што ја забавило евакуацијата.

Fire in neonatal unit of a hospital in Jhansi city in India’s Uttar Pradesh state kills at least 10 newborn babies and injures 16 others pic.twitter.com/9TrRzrbQYq

— TRT World Now (@TRTWorldNow) November 16, 2024