Свет
Украинските неонацисти ги обучуваат американските бели супрематисти

Неонацистичкиот Азовски баталјон од Украина учествувал во обучување и радикализација на бели супрематисти во САД, наведува ФБИ во еден неодамнешен обвинителен акт против неколку мажи од Калифорнија вклучени во насилството во Шарлотсвил, пренесува РТ.
Четири члена на „Издигни се над сите” (RAM), опишано од ФБИ како екстремистичка група за белата надмоќ, беа обвинети, меѓу другото, за заговор за немири во насилствата од август 2016 година во Шарлотсвил, Вирџинија.
Во писмената изјава, потпишана од специјалниот агент на ФБИ Скот Бирвирт, се вели дека 28-годишниот Роберт Рундо патувал во Германија, Италија и во Украина во пролетта 2018 година. Рундо, наводно, се сретнал со Олена Семенјака, една од официјалните лица на Националниот корпус – политичко крило на Азовскиот баталјон.
„Врз основа на мојата обука и искуство, знам дека Азовскиот баталјон е паравоена единица на Украинската национална гарда која е позната по својата поврзаност со неонацистичката идеологија и употребата на нацистичката симболика, и за која се верува дека учествуваше во обуката и ги радикализирањето на организациите за бела надмоќност во САД “, вели Бирвирт.
Азовскиот баталјон започна како паравоена група составена од десничарски националисти, но сега е дел од Министерството за внатрешни работи на Украина. Тој е под закрила на украинската влада, а нејзиниот поранешен командант Андреј Билицки сега е член на националниот парламент.
Високиот комесар за човекови права на ОН вели дека членовите на Азовскиот баталјон биле вмешани во разни злосторства за време на нивното распоредување во борбата против антивладините сили на истокот од Украина. Тие извршувале грабежи, незаконско притворање, силување и тортура.
Азов е далеку најозлогласениот од „доброволните баталјони” формирани во 2014 година откако неколку региони на Украина одбија да ѝ се потчинат на новата влада по насилното соборување на претседателот во Киев. Неговото лого вклучува „волчја кука“ што нацистичката партија првично ја користеше како симбол, и црно сонце, симбол креиран од лидерот на СС, Хајнрих Химлер, кое ги претставува дванаесетте „рунски симболи” на озлогласената нацистичка организација .
Иако американскиот Конгрес во 2015 година се обиде да го забрани обезбедувањето американската помош за Азов, администрацијата на Обама се ослободи од таа одредба во Законот за одбрана од 2016 година. Дотогаш единицата веќе беше официјално припоена во Националната гарда.
Иако одамна е познато дека Азов и другите украински милиции привлекоа доброволци со неонацистички симпатии од целиот свет, ова е првиот познат пример во кој американската влада тврди дека милицијата е вклучена во обуката и радикализацијата на американските екстремисти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
15-годишно девојче загина по удар од автобус во Земун, повредени се неколку лица

15-годишно девојче загина денеска во сообраќајна несреќа во Земун, додека четири лица се пренесени во болница, меѓу кои бремена жена и шестгодишно дете, пишуваат медиумите во регионот.
Девојчето што починало било удрено од автобус, по што се судриле три патнички возила, според Танјуг.
Според сведоците, жена трчала преку улицата, а возачот на автобусот се обидел да ја избегне, па всушност преминал на тротоарот, каде што го удрил детето.
И јавното комунално претпријатие GSP се огласи по повод тешката сообраќајна несреќа во Земун во која девојче (15) почина кога беше удрено од автобус а неколку лица беа повредени, стои во написите на српските медиуми.
„Денес околу 12:20 часот, на улицата Цар Душан на број 136, се случи тешка сообраќајна несреќа со смртоносен исход и неколку полесни повреди. Во оваа несреќа учествуваа неколку патнички возила и автобус од линија 18 што ја напушти гаражата и се упати кон терминалот за да се вклучи во сообраќајот. Околностите под кои се случи оваа сообраќајна несреќа се уште се непознати и полицијата работи на нивно утврдување“, изјави GSP.
Како што пишува „Телеграф“, автобусот се обидел да избегне жена која трчала преку улицата надвор од пешачкиот премин, поради што свтел на тротоарот, удирајќи го девојчето кое завршило под возилото. На патот, тој удрил во неколку паркирани автомобили, а потоа се забил во порта на куќата.
Телото на девојчето било извлечено од под автобусот од пожарникари, а екипите за итни случаи можеле само да констатираат смрт. Во несреќата биле повредени десет лица, меѓу кои деветмесечна бремена жена, мајка и шестгодишно дете, 74-годишна жена.
Фото: принтскрин
Свет
Фон дер Лајен: Путин мора да седне на преговарачка маса, Европа ќе ја одигра својата улога

Претседателката на Европската комисија, Урсула фон дер Лајен, денес разговараше телефонски со украинскиот претседател Володимир Зеленски и американскиот претседател Доналд Трамп по веста за комбинираниот руски напад синоќа, во кој беше погодена и Делегацијата на ЕУ во Украина, меѓу другите цивилни цели.
„Тукушто разговарав со украинскиот претседател Володимир Зеленски, а потоа и со американскиот претседател Доналд Трамп по масовниот напад врз Киев, кој ја погоди и нашата канцеларија во ЕУ“, напиша фон дер Лајен на платформата X.
Таа рече дека рускиот претседател Владимир Путин мора да започне преговори со Киев.
„Путин мора да седне на преговарачка маса. Треба да обезбедиме праведен и траен мир за Украина со цврсти и веродостојни безбедносни гаранции“, истакна претседателката на Европската комисија.
Таа додаде дека Европа „целосно ќе ја одигра својата улога“.
„Нашиот одбранбен инструмент SAFE, на пример, ќе биде важен за зајакнување на храбрите украински вооружени сили“, истакна фон дер Лајен.
Таа претходно објави дека руските напади врз Киев, во кои загинаа 18 лица во текот на ноќта, меѓу кои и четири деца, „само ќе го зајакнат единството на Европа и пркосот на Украина“.
Фото: принтскрин
Свет
Заложничка преживеала 471 ден во тунелите на Хамас: „Ги молев да не ме убиваат“

Додека Израелците протестираат низ целата земја и вршат притисок врз владата да гарантира ослободување на преостанатите заложници од Газа, поранешната заложничка Дорон Штајнбрехер (32) се присети на своите 471 дена во заложништво. Во интервју за Ројтерс, таа изрази надеж дека сите преостанати заложници наскоро ќе бидат ослободени.
„Ги молев да не ме убиваат“, рече таа во интервјуто додека семејствата на заложниците се собираа и повикуваа на прекин на речиси двегодишната војна. Денес, вели, може само да се моли за ослободување на преостанатите 50 заложници, од кои, според израелските проценки, околу дваесет се уште живи. Надежта опстојува и покрај бројните неуспешни обиди на медијаторите да обезбедат прекин на огнот меѓу Израел и Хамас.
Нејзините пријатели, браќата близнаци Гали и Зив Берман, сè уште се во рацете на палестинската милитантна група што го нападна Израел на 7 октомври 2023 година. Во тој напад, најсмртоносниот ден за Евреите од Холокаустот, 1.200 луѓе беа убиени, а 251 лице беше однесено во Газа, според израелските бројки.
Последователната израелска воена кампања во Газа одзеде повеќе од 62.000 палестински животи, според здравствените власти во Газа, а гладот се прошири низ регионот.
„Сега е важно да се вратат сите заложници дома. Секој момент, секоја секунда тие се во опасност затоа што нема храна, нема вода, а санитарната состојба е многу лоша“, нагласи таа. „Знам што мислат и чувствуваат сега. Страв за своите животи секој момент. Секој ден одите на спиење и не знаете дали ќе се разбудите.“
Штајнбрехер била држена во подземни тунели каде што, како што вели, развила силна врска со другите млади жени кои биле со неа. „Нема светлина во тунелите, нема свеж воздух. Не знаете дали е ден или ноќ“, рекла таа. Во еден тунел, едвај можела да стои, рекла таа.
Милитантите на Хамас ѝ рекле дека ќе биде веднаш погубена ако ја слушнат израелската армија како се приближува. Таа рекла дека била под интензивен психолошки притисок, ѝ било забрането да покажува емоции и ретко ѝ било дозволено да се мие. Морала да моли за храна секој ден, рекла таа.
Израелскиот премиер Бенјамин Нетанјаху вети дека ќе го уништи Хамас. И покрај протестите дома и меѓународната осуда, Израел се подготвува да започне нова офанзива во градот Газа, кој таа го опишува како последно упориште на милитантите.
Додека притисокот врз Нетанјаху расте да склучи договор со кој ќе се ослободат преостанатите заложници, министрите од крајната десница, кои се клучни за неговиот политички опстанок, се заканија дека ќе ја соборат неговата влада ако заврши војната.
Фото: принтскрин