Свет
Украинските хакери нападнаа руски банки: блокирани сметките на граѓани низ целата држава
Хакери од Главната управа за разузнавање на Украина извршија уште еден сајбер напад врз банкарскиот систем на Руската Федерација.
„Како резултат на операцијата, беше нарушена работата на најголемите банкарски институции на државата агресор, кои ја обезбедуваат работата на окупаторските сили на вооружените сили на Русија“, се вели во соопштението на Главната управа за разузнавање на Министерството за одбрана во Украина.
Се наведува дека Банката на Русија, Тинкоф банка, Газ банка и платниот систем на СБП биле под сајбер напад, пренесува „Укринформ“.
Корисниците во многу региони на Руската Федерација се жалат на блокираното работење на онлајн услугите на финансиските институции, неможноста да се користи лична сметка, суспензијата на веб-страниците и мобилните апликации на банките. Исто така, клиентите на банките не можат да плаќаат за услуги преку Интернет.
Во соопштението на ГУР се истакнува дека на 7 септември бил извршен сајбер напад врз бројни руски ресурси вклучени во водењето на војната.
Особено беа нападнати претпријатијата кои произведуваат елементи за радио-електронската база, други резервни делови за руско оружје и опрема за обработка на метал.
Погодени се и ресурсите на компаниите кои учествуваат во развојот на воената инфраструктура на Русија, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен: САД не се вмешани
Американскиот државен секретар, Ентони Блинкен, рече дека САД „не знаеле ниту биле вмешани“ во експлозиите на пејџерите.
„Генерално кажано, бевме многу јасни и остануваме многу јасни за важноста да се избегнат какви било чекори, кои би можеле да го ескалираат конфликтот што се обидуваме да го решиме во Газа“, рече Блинкен во Каиро.
Свет
Сијарто ја критикува Урсула фон дер Лајен за разрешувањето на Вархељ од функцијата комесар
Унгарскиот министер за надворешни работи Петер Сијарто денеска ја критикува претседателката на Европската комисија, Урсула фон дер Лајен, за разрешувањето на Оливер Вархељ од функцијата комесар за проширување на ЕУ велејќи дека нејзината одлука е дел од „лицемерството на Брисел“.
„Земјите од Западен Балкан чекаа 14,5 години за членство во ЕУ, што покажува колку мнозинството во блокот е против проширувањето“, рече Сијарто на заедничката прес-конференција со српската министерка за економија, Адријана Месаровиќ, денеска, во Будимпешта.
Тој инсистира на тоа дека јавните изјави на претставниците за проширување на ЕУ се во спротивност со она што тие го кажаа зад затворени врати.
Европа
Нова експлозија во центарот на Келн, втора за само неколку дена
Во градот Келн на западот на Германија денеска вторпат за само неколку дена одекна мала експлозија.
Експлозијата се случила околу 5 часот по локално време на улицата Еренштрасе во центарот на градот, соопшти полицијата. Експлозијата предизвикала пожар, но тој бргу бил изгаснат, соопшти полицијата. Од таму додадоа дека едно лице, кое се обидело да го изгасне пламенот, избегнало повреда и подоцна било сослушано како сведок, а никој друг не е повреден.
Aktueller #Einsatz
📍Im Bereich #Ehrenstraße gibt es einen #Polizeieinsatz
📍Wir sind mit vielen Einsatzkräften vor Ort und klären die Situation.
📍Wir sperren den Bereich.
❌Bitte meiden Sie großräumig den Bereich. Folgen Sie uns hier und auf Facebook für weitere Informationen pic.twitter.com/lWFeM7GsRf— Polizei NRW K (@polizei_nrw_k) September 18, 2024
Полицијата на социјалната мрежа „Икс“ објави дека е „на местото на настанот со голем контингент полицајци“ и дека „областа се затвора“. Граѓаните беа повикани да ја избегнуваат областа во близина на местото на експлозијата.